Chapter 19

   "Ahhhhhhhhhhh! I hate this life!" malakas na sigaw niya kasabay ng pagbalong ng luha sa kanyang pisngi. Sabog ang emosyon niya nang mga sandaling ito. 

            Sana magising na siya sa matinding pagkabangungot. Sana. Maraming Sana. 

            Ibinuhos niya lahat ng sama ng loob at sakit na nararamdaman sa pag - iyak. Dala ng labis na pagod, hindi na namalayan ni Fritzene nang siya ay makatulog. Naalimpungatan na lamang siya nang makarinig ng papalakas nang papalakas na boses na wari'y palapit nang palapit sa kanyang kinaroroonan.

            "Woah.. pare.. may bisita yata tayo. Tamang tama matagal na akong diet." anang isang tinig.

            Agad siyang napabalikwas sa kanyang pagkakahiga at laking gulat nang makita ang grupo nina Jasper Harvey na papalapit sa kanyang kinaroroonan.