Chapter 21

        Hindi alintana ni Zeus ang pagod at gutom nang mga oras na iyon. Wala na siyang pakialam sa paligid. Ang tanging tumatakbo sa isip niya ay kung paano maililigtas si Fritzene mula sa kamay ni Jasper Harvey. Masama talaga ang kutob niya. Noon pa man ay mabigat ang loob niya dito. Batid niya ang matinding pagnanais nito na mapabagsak siya sa anumang larangan. Nagsimula ang rivalry nila, pero kung tutuusin ito lang naman ang tumuturing sa kanyang karibal nang lumapit sa kanya nang minsan ang nobya nitong si Alessandra. Nasa aktong humalik sa kanya si Alessandra na ikinagulat pa niya nang dumating ang grupo ni Jasper Harvey. Nagkainitan sila at muntik nang magpang - abot. Mabuti na lamang at dumating ang kanilang professor na si Sir Aniano kasama ang asawa nito, ang kanilang Guidance Counselor na si Mrs. Sheena. Napigilan ng mga ito ang riot na sanang mangyayari. 

        Hindi doon nagtapos ang lahat. Batid niya ang ginagawa n