Chapter 22

        Hindi maiwasang mapabuntunghininga ni Martin habang iyak nang iyak naman sa kanyang tabi ang kanyang asawang si Athena. Napamura siya nang hindi nila abutan sa abandonadong gusali sina Zeus at Fritzene. Tanging bakas ng patak ng dugo ang nakita nila sa sahig. Matindi ang kanilang pag - aalala sa kanilang bunsong anak.

        Sa katapat naman nilang upuan, naroroon ang mag - asawang Bing at Cezar. Katulad nila, nag - aalala rin ang mga ito. Katabi ng mga ito ang tunay na ama ni Fritzene na si Timothy. 

        "Wala ba talaga tayong puwedeng gawin?" umiiyak na tanong ni Bing kay Cezar.

        Umiling - iling naman ito sa asawa. "No Bing. Ginagawa na ng awtoridad ang lahat ng kanilang magagawa. Pero we'll never stop until we find them. Okay lang ba na maiwan namin kayo dito?"

        Hindi naman nagawang tumugon ni Bing na patuloy lang sa p