75

75

THIRD'S POINT OF VIEW

"Bakit ka pala nagpa-assign dito? Napapagod ka na ba sa paglilinis ng hotel?" tanong ni Tisoy.

Umiling si Jossa. "H-Hindi, ah."

"O, e, bakit? Dati ayaw mo rito pero ngayon ikaw ang kusa na nagpaalam kay Ma'am? Anong mayroon?" takang tanong ni Klay.

Natahimik si Jossa.

Nang bumalik siya sa trabaho ay agad niyang kinausap si Miss Joyce para ilipat siya sa labas ng hotel. Ayaw niya lang magtagpo ang landas nila ni Tyson. Ilang araw lang naman ito dito kaya panigurado ay ilang araw lang din bago siya makabalik sa dating gawain. Ayaw niya man ngunit wala ng ibang pagpipilian.

"Kasi... ano..." hindi niya alam ang isasagot.

"Ano?" sabay na sabi nila Tisoy at Klay.

"Kasi..." huminga siya ng malalim. Isa na naman kasinungalingan ang sasabihin niya. "... kapag ano... kapag may nangyari kay Teinia ay makakaalis agad ako..."

Nagkatitigan naman ang dalawa.

"Sigurado kang ayun lang ang dahilan?" tanong ulit ni Klay. "Baka naman may nagawa kami, ah? Kasalanan ba namin?"

Ba