CHAPTER 18

Umaga na nang muli akong magising mula nang matulog ako kahapon ng hapon nang makarating ako rito galing sa probinsiya. Marahil ay sa sobrang pagod ay hindi na ako nagising pa ng maggabi. Ngayong araw ko balak mamili ng mga kakailanganin ko para sa aking pang-araw-araw habang may natitira pang pera sa akin.

Lumabas muna ako ng bahay para bumili ng gagamitin ko pang ligo bago ako umalis papuntang palengke ng malinis ko naman ang katawan ko. Kahapon pa kase ang huling ligo ko bago ako lumuwas papunta rito kaya gano'n. Nang makabili na ako ay agad rin akong pumasok ng bahay at nagtungo muna sa loob ng kwarto ko para kumuha sa bag ng tuwalyang gagamitin ko bago dumiretso sa banyo para makaligo na.

Matapos kong maligo ay nagbihis din ako kaagad. Pinili kong isuot ang itim kong saya na aabot sa aking tuhod ang haba at may desinyong butones na limang piraso sa harapan. At pinili kong parisan iyon ng dilaw na blusa. Nang makapagbihis na ako ay inayo