Chapter 7 : Forget Evie!

TULUYANG ibinigay ni Yllena ang kaniyang sarili sa kaniyang asawa. Hindi man siya mahalin ni Grae ay hindi na mahalaga iyon. Kasal at kasama ito sa duties nila. Matapos ang pakikipag-isa niya kay Grae ay naiwan siyang mag-isa sa loob ng kuwarto. Naramdaman niya ang pag-alis nito at pag-iwan sa kaniya. Napangiwi siya sa kirot na nagmumula sa kaniyang kaselanan. Hindi naman maniniwala sa kaniya si Grae na first time niya dahil ang alam ng kaniyang asawa ay mayroon siyang kasintahan bago pa sila magpakasal.

Pinilit niyang hagilapin ang kanyang damit at isuot ang mga iyon. Sinuwerte naman siya dahil sa kaniyang paglabas mula sa kuwarto ni Grae ay  wala ito roon at kahit ang mga katulong. Nagmamadali siyang nagtungo sa bathtub at nagbabad sa maligamgam na tubig. Matapos ay hindi na siya lumabas pa sa kaniyang kuwarto.

SAMANTALA, bumalik si Grae sa loob ng kaniyang kuwarto. Inaasahan niyang makikita niya roon si Yllena dahil nang umalis siya ay alam niyang nakatulog ito. Binuksan niya ang ilaw nunit wala na roon si Yllena ngunit natigilan siya nang makita niya ang dugo sa bedsheet. Napangisi siya sa kaniyang naiisip.

Noon din ay pinuntahan niya ang kaniyang asawa sa kabilang kuwarto. Nadatnan niya itong mahimbing na natutulog, nakatagilid ito at namamaluktot. Hindi na niya ito inabala dahil alam niyang hindi maganda ang pakiramdam nito. Ngunit isa lang ang nasisigurado niya— siya ang naka-una rito.

NAGPAHANDA siya ng miryenda at mainit na soup para kay Yllena. Siya ang personal na nagdala sa kuwarto nito. 

“Yllena—” bigkas niya sa pangalan nito. 

“Ano na naman ba, Grae?” ungol at bungad ni Yllena nang maimulat nito ang mata.

“Nagpahanda ako ng miryenda— at mainit na soup. Hindi mo naman agad sa akin sinabing vi*gin ka pa— edi sana dinahan-dahan ko!” ani na parang nanunudyo

Umupo si Yllena at nilingon ang mga pagkaing nasa tray.

“Tingin mo paniniwalaan mo ako?”

“I guess you’re right! Alam kong may boyfriend ka, kaya in-expect kong noon pa naisuko mo na kung kaninong pilato ‘yan! Anyway— from now on. Hindi na kita ita-tratong masama at maruming babae—”ani nito.

Hindi na umimik pa si Yllena dahil ayaw na niyang kontrahin ang lalaki. Wala siya sa mood para patulan ito.

Kinuha niya at kinain ang mga dalang pagkain nito ng hindi nililingon ang lalaki. 

Nagulat at natigilan nalang siya ng hawakan ni Grae ang kaniyang baba at pasadahan ng daliri nito ang kaniyang labi. Nagtagpo ang kanilang mga mata. 

“Para kang bata kung kumain—” ani nito

Bahagyang napangiti si Yllena sa lalaki dahil pakiramdam niya ay unti-unti na itong nagkakaroon ng pakielam sa kaniya. 

“Nagutom at napagod kasi ako kanina,” pilyang sabi ni Yllena

Lalong pinasadahan ni Grae ng kaniyang daliri ang labi ni Yllena na parang may nais siyang gawin dito. Ngunit kalauna’y ibinaba niya rin ito. Iniwan niya si Yllena na tinatapos ang pagkaing dinala niya.

Nagtungo si Grae sa kaniyang opisina at tinawagan ang kaniyang kaibigan.

“Guess what?” bungad ni Grae

“Ano na naman ba ito, Grae?”

“She’s a virgin. ”

“So—- masaya ka na? Hindi mo na ba hihilinging magkahiwalay kayo? Isipin mo malinis at matinong babae ang napangasawa mo?” sabi ng kaibigan sa kabilang linya

“I don’t know— I’m just happy na ako ang nakauna sa kaniya—,” ani Grae

“Pag-igihan mo nang magkaroon na kayo ng anak— mas magiging maayos ang pagsasama ninyo. Forget Evie—si Yllena naman ang pinakasalan mo,” ani nito na ikinatahimik ni Grae

Pinatay ni Grae ang kaniyang telepno. Naikuyom niya ang kaniyang kamao. 

“Hindi madaling kalimutan si Evie. Mahal ko siya at patuloy ko siyang mamahalin,” bulong niya

Nagpakalasing si Grae ng gabing iyon dahil kahit anong saya niyang malamang birhen pa ang asawa niyang si Yllena hindi mapapalitan ang kaniyang kalungkutang wala na si Evie sa bansa at hindi niya maaaring puntahan.

Idinayal niya ang telepono ni Evie ngunit napupunta lang sa voicemail ang kaniyang mensahe. 

Muli na naman siyang nakaramdam ng pagka-inis kaya’t muli na namang nagsalin ng alak. 

Mayamaya pa ay umakyat na rin siya sa kaniyang kuwarto ngunit bago siya pumasok ay pinuntahan niya si Yllena sa katabing kuwarto. Pinakatitigan niya ito ngunit napailing siya dahil batid niyang si Evie pa rin ang tinitibok ng puso niya.

“Gagamitin lang kita dahil nais ni dad na magkaanak tayo. Hinding-hindi kita kayang mahalin—” bulong nito bago lisanin

Pagkaalis at pagkapinid ng pinto ay saka naman nagising si Yllena. Pakiramdam niya ay may mga pares ng mga matang nakatunghay sa kaniya. Ngunit nang ilibot niya ang kaniyang mga mata ay wala naman siyang napansin maliban sa baso na nakapatong sa sidetable.

“Nanggaling si Grae rito?” bulong ni Yllena.

Bahagya siyang napangiti sa naiisip niyang iyon. Sumibol ang confidence niya’t mukhang nakatulong ang pananatiling niyang isang birhen. 

KINABUKASAN, masayang bumaba si Yllena sa hapag para sa umagahan ngunit hindi niya nakita si Grae. Hindi rin ito nagpunta sa kabila. Ayon kay Miding ay maaga itong umalis para pumasok sa opisina. Nakaramdam siya ng lungkot ngunit pinilit na lang niyang libangin ang sarili sa pagtulong sa mga katulong ngunit ilang beses siyang itinaboy ng mga ito hanggang matagpuan niya ang kaniyang sarili sa hardin ng main house.

Nakita niyang nakatayo si Lucerys, ang nakakatandang kapatid ni Grae. Agad naman siya nitong napansin at presko itong lumakad palapit sa kaniya.

“Lucerys—”

“Kumusta ka na?” tanong ni Lucerys

Namula si Yllena nang maalala ang nangyari nang araw na iyon. Natulog siya kung saang room at hindi sa kaniyang sariling room.

“Ha? Ayos lang—” ani niya rito

Nangiti ang lalaki nang nakakaloko na tila mayroon itong naiisip.

“Maayos ka naman bang tinatrato ni Grae at ng pamilya?” tanong ni Lucerys

Napatango si Yllena dahil punong-puno ng pag-aalala ang tono ng boses nito.

“Oo naman. Ang totoo niyan sobrang bait sa akin ni Grae— at balak na naming magkaanak!” masaya niyang balita sa lalaki.

Kumunot ang noo ni Lucerys dahil sa kaniyang narinig. Nagbago ang emosyon nito’t napansin iyon ni Yllena kaya binago niya ang usapan.

“Bigla kang umuwi? Hindi ka ba busy sa negosyo mo?” tanong ni Yllena

“May gusto lang akong makita—and I guess she’s okay and happy!” prangkang ani ni Grae habang nakatingin ng diretso sa mga mata ni Yllena. 

Hindi naman napigilan ni Yllena ang makaramdam ng kaba dahil sa mga salitang narinig niya kay Lucerys. Unti-unting nabuo ang tensyon sa kanilang pagitan. Mabuti nalang ay dumating si Priscilla at masayang sinalubong si Lucerys. 

“Lucerys? Ow Yllena andyan ka rin pala— anyway Lucery’s pina-aakyat ka ng Daddy mo sa study room,” ani Priscilla habang palipat-lipat ang tingin kay Lucerys at Yllena.

Tumalikod si Lucerys at naiwan ang dalawang babae ron. Pinakatitigan naman ng matiim ni Priscilla si Yllena.