Chapter 67

NASA mansyon na si Clarence at halos mag-iisang oras na siyang naghihintay ngunit wala pa ang asawa niya. Panay lakad niya sa sala at patuloy ang pag-usisa niya sa labas nagbabakasakaling nakaparada na ang sasakyan ni Mari. Nakailang tawag na siya sa kanyang cell phone pero hindi siya nito sinasagot.

Napansin ni Epiphania ang bawat galaw ni Clarence. Pati siya ay nababahala na rin dahil wala na siyang balita kay Mari.

“Wala pa rin ba ang apo ko?” tanong niya nang lapitan niya ito.

Umiling si Clarence. “Hindi po siya sumasagot.”

Nginig ang kamay ni Clarence. At sa bawat segundong lumilipas ay mas lalo siyang kinakabahan. Binalik niya ang kanyang isip kanina nang pumasok siya sa opisina.

Dala-dala ni Mike ang tablet niya habang nagmamadaling pumasok ito sa opisina ni Clarence. Kunot ang noo niyang binigay iyon sa boss.

“Sir, trending ngayon si Mari sa social media,” wika ni Mike nang ipakita ang article.

Hinawakan ni Clarence ang tablet at napahinto siya nang bumungad sa k