Chapter 31

CLARISSE’S POV

“Good morning to my beautiful wife!”

Pagkamulat ng aking mga mata ay ang gwapo at maamong mukha ng asawa kong si Duke ang bumungad sa akin. Ngumuso ako at mas lalong nagsumiksik sa half naked niyang dibdib na puno ng mga tattoo.

Ito lang yata ang araw na nagising ako na sobrang gaan ng pakiramdam ko at babangon na walang iintindihing problema.

“Good morning din,” bati ko.

Rinig na rinig ko ang malakas na tibok ng puso ni Duke habang marahang hinahaplos ang buhok ko. “Gutom ka na ba? I will cook our breakfast or pwede namang sila Camille na ang paglutuin ko.” Malambing niyang sabi.

Umiling ako. “Mamaya na lang.”

“Hmm… I know you just want to cuddle me all day, and that’s fine with me; this is our first day as husband and wife, and we need to spend more time together.” Sabi niya at hinalikan ang noo ko.

Ganito pala ang pakiramdam kapag gigising ka na katabi ang taong mahal mo, sobrang ang gaan sa loob at panandaliang makakalimutan ang mga kinakaharap na problema.