LOGINShare
الفصل الخامس: صفقة الدماء
publish date:
2026-06-03 08:00:55
Latest chapter
تمن الفضول الفصل السادس والاخير: أنقاض الروح وعودة النبض
مرت أربع شهور كاملة على الخروج الملعون من بطن الوادي. أربع شهور والزمن الجديد بيدوس على اللي باقي من أرواح الأبطال من غير أي رحمة. في مستشفى الأمراض النفسية والعصبية، كانت حالة خالد بتسوء أكتر وأكتر يوم عن يوم. المهدئات والجرعات اتضاعفت، بس الفحيح في ودانه مكنش بيبطل، وجدران أوضته البيضا بقت مراية بتعرض له وشوش أصحابه الخمسة وهم بيتفحموا، عشان يعيش في جحيم ملوش آخر بسبب ذنب طمعه وفضوله المُميت. أما كريم، فكان عايش في شقته الزوجية شبه ميت؛ جثة بتتحرك بالزق. ملمسش حتة عفش واحدة، ولا مسح ذرة تراب. كان بينام على البلاط الساقع وسط التراب، مبيعملش حاجة غير إنه يطلب أكل جاهز ويرمي زبالته في الأركان، وينام تاني عشان يهرب من مواجهة الواقع. دقنه طولت ع الآخر، وعينيه دبلت ودخلت لجوه، مكسور ومحصور في وجع مزدوج: وجع فراق أهله اللي ماتوا بحرقة قلبهم عليه، ووجع حب الطفولة اللي فضل يحلم بيه من صغره، ولما كبر طلع وهم قتله في الآخر وذبحه من الوريد للوريد. وبرغم إن عدي أربع شهور، كريم مهتمش إنه يجيب تليفون أو خط جديد، كان حابس نفسه في العتمة دي لحد ما يموت. وعشان عرف إن ملوش وريث بعد وفاة أهله، اف
تمن الفضول الفصل الخامس: صفقة الدماء
الظلام جوة القاعة السفلية بدأ يتكثف ويتحول لكتل سوداء بتتحرك زي العقارب على الحيطان الصخرية. أنفاس أحمد المتقطعة كانت الصوت الوحيد اللي بيصارع السكوت المرعب، ودمه الساخن ساب علامة دائرية وسط التراب. وفجأة، الهوا الساقط في القاعة اتقلب لـ حرارة جهنمية، وريحة كبريت ونار ضربت مناخيرهم. الصخور المدببة في السقف بدأت تسيح وتنزل على الأرض زي الدموع، ومن قلب الحيطة الصخرية، انشقت الأرض وظهر كائن ضخم، طوله بيعدي السقف، ملامحه مصنوعة من لهب أسود وعيونه عبارة عن جمرتين من نار زرقاء بتبرق بشر ملوش أول من آخر. كان ملك من ملوك الجن الأشرار في الوادي الملعون. الملك بص عليهم من فوق لـ تحت بـ نظرة ساخرة هزت كيانهم، وصوته طلع زي صرير الحديد الصدا وهو بيضرب في ودانهم: "أهلاً بالعابرين.. أهلاً بمن ظنوا أن المخطوطة طوق نجاة، وهي في الأصل صك عبوديتكم للوادي." الكائن خطى خطوة، والنار الزرقاء اللي في عينيه اتعلقت بـ مريم المغمى عليها في حضن كريم، وكمل بـ ضحكة فحيح مرعبة: "أرى في عيونكم رغبة بائسة في النجاة.. الرحلة طالت، والجسد الواهن لا يتحمل. ما رأيكم بصفقة؟ عرض لا يُرفض من ملوك الجحيم.. أستطيع أ
تمن الفضول الفصل الرابع: حَشَا الوُجُود
طبول الحرب دبت في أركان العالم السفلي ده، والضحكة الجماعية الملعونة لسه بتصم الودان. الجحافل اللي واقفة قدامهم مكنتش مجرد جن عادي.. دول الكائنات اللي حكموا الأرض والبحر والسما قبل خلق سيدنا آدم بآلاف السنين! الجن الشياطين والعفاريت اللي ماليين المكان بدأوا يصرخوا بهستيريا ويشاوروا على الأربعة، كأنهم بيحرضوا الكائنات العظمى دي عليهم ويقولوا لهم: "البشر هنا! الدخلاء في وسطنا!" التحريض اشتغل زي النار في الهشيم.. وفجأة، المدى كله اتقلب لجحيم متحرك. كريم شال مريم اللي كف إيدها لسه بينزف، وزعق بأعلى صوته: "خالد!! أحمد!! اِجرووووا!!" بدأوا يجروا بجنون على الأرض الزجاجية الملساء، ووراهم انطلقت كيانات مرعبة؛ كائنات طائرة بلهب أسود بتنزل من السما زي الصواعق، ومردة بيشقوا الأرض وراهم. ووسط المعمعة دي والزلزال اللي شق المكان.. انفتحت فجوة زمنية في الفراغ، ومن عدم مطلق، ظهر ديناصور ضخم ومرعب، حجمه كفيل يهد جبال، عينه حمراء وشرسة كأن اللعنة هي اللي محركاه من موته، وأطلق زئير شق القلوب قبل الآذان، وبدأ يندفع وراهم بخطوات بتهد الأرض وتطير الصخر. الكل كان بيجري وهو حاسس إن نَفَسه الأخير قرب، ا
تمن الفضول الفصل الثالث: "شرخ في حشا الأرض
العاصفة الرملية مكنتش بتهدى، كانت بتدور حواليهم زي إعصار عاوز يِفصل كل واحد عن التاني. الفرسان السود وقفوا على بعد خطوات قليلة، الخيل مكنتش بتتنفس هوا، كانت بتطلع من مناخيرها رماد أسود بيسقط على الرمل ويحرق الحصى. الفارس اللي في المقدمة، كان طوله مرعب وجسمه متقفل بدرع مصنوع من صخر بركاني، ومكنش ليه وش ظاهر تحت الخوذة، بس صوته لما طلع، دوت معاه الجبال: "من يعبر أرض نجد ومعه كتاب الملوك.. يدفع الثمن من لحمه، أو يرتد خائباً للعدم." ياسين كان لسه واقف في النص، عيونه السودة تماماً متبتة على الفارس، والحرق اللي في رقبته بدأ يسيل منه دم أسود لزج نزل على صدره. كريم حاول يتقدم عشان يشد ياسين من قفاه ويرجعه ورا، بس أول ما كريم رفع رجله، حس إن الأرض بتجذبه بقوة مغناطيسية غريبة.. الجاذبية في الوادي كانت بتلعب بيهم، خطوة واحدة لقدام كانت بتخليه يحس إن جسمه بيتقل بمقدار جبل. مريم صرخت وهي شايفة الدم بيسيل من صوابعها اللي لزقت في المخطوطة: "خالد! المخطوطة بتتحرك.. الحروف المكتوبة بمية الذهب بتطلع لبرة، كأنها بتستدعي حاجة من تحت الأرض!" خالد بص تحت رجليهم لقى الرمل بدأ يتلون بلون الذهب، والرم
تمن الفضول الفصل الثاني: وادي الخطايا
السماء فوقهم كانت بلون "الرصاص"، غيوم تقيلة مابتتحركش كأنها مرسومة بزيت أسود. الأرض تحت رجليهم مكنتش رمل، كانت "رماد" ناعم وساقع، كل ما حد يمشي خطوة، رجله تغرز وتطلع غبار ريحته زي ريحة "الورق المحروق". الخمسة اللي فاضلين (كريم، مريم، خالد، أحمد، زياد) ومعاهم ياسين اللي كان شبه الميت، كانوا مرميين في مساحة واسعة مفيش فيها غير "صخور" طالعة من الأرض زي السكاكين. ياسين (وهو بيحفر في الرماد بإيده بهستيريا): "هالة كانت هنا.. أنا لسه سامع صوت صرختها في وداني! يا خالد إحنا لازم نرجع.. البوابة لسه هناك، هالة ممكن تكون لسه عايشة!" خالد (وهو بيشده من كتافه بعنف عشان يفوقه): "فوق يا ياسين! هالة دابت.. هالة بقت هي المفتاح اللي فتح لنا السجن ده! لو رجعت مش هتلاقي غير الرماد اللي إنت واقفه عليه ده." أحمد (وهو بيبص في بوصلة قديمة كانت معاه): "يا جماعة.. البوصلة بتلف 360 درجة مابتثبتش.. مفيش شمال ولا جنوب هنا. إحنا في مكان 'خارج الحسابات'." في الناحية التانية، مريم كانت قاعدة بعيد، ضامة نفسها وبتبص لكريم اللي كان واقف مديها ضهره وباصص للفراغ. مريم كانت حاسة إن الرماد اللي تحتها بيسحبها،
تمن الفضول الفصل الأول: هدوء ما قبل العاصفة
يقولون إن للجبال ذاكرة، وأن بعض الفجوات الصخرية في جبال الريف المغربية ليست مجرد تجاويف طبيعية، بل هي "أفواه" تنتظر منذ أزمنة سحيقة من يجرؤ على إطعامها. هناك، حيث يمتزج الضباب بالصخر، تقبع مغارة "شيكر"؛ ثقبٌ أسود في خاصرة التاريخ، لا يدخله إلا مغامرٌ أو مجنون. ثمانية رفاق، جمعتهم صداقة العمر وروح المغامرة، انطلقوا من صخب "الدار البيضاء" بحثاً عن ليلة واحدة تحت النجوم، بعيداً عن أضواء الحداثة وزحام الحياة. لم تكن في حساباتهم خرائط الجن، ولا طقوس العبور المنسية. كانوا يظنون أن المغارة مجرد جدران صماء سيملؤونها بضحكاتهم وصورهم التذكارية، ولم يدركوا أن للجدار صوتاً، وللنقوش القديمة جوعاً لا يشبع. في اللحظة التي تلامست فيها يد "خالد" مع ذلك الرمز الغامض المحفور في قلب الظلام، لم يفتح مجرد بوابة، بل كسر الختم الذي يحفظ توازن العوالم. فجأة، لم تعد "شيكر" مجرد مغارة في إقليم تازة، بل تحولت إلى برزخٍ يربط بين أطراف الأرض الملعونة، من رمال الصحاري العطشى وصولاً إلى آبارٍ لا قاع لها يسكنها من طُردوا من الرحمة. هنا، تتوقف قوانين الفيزياء، ويصبح الوقتُ عدواً، والظلُّ كياناً يتربص بصاحبه. في
