เข้าสู่ระบบแชร์
البارت الثامن عشر 🖋
วันที่เผยแพร่:
2026-05-30 01:55:22✳ رواية عبقري زمانه ✳
18 خالد : العبقري هناك اهوه تقدروا تاخدوه للقائد العبقري بص لخالد واتصدم رجاله القائد راحو ناحيه العبقري و قربوا منه وهو واقف ماتحركش ولا حركه من كتر صدمته في خالد وانه مش مصدق ان خالد بالذات يعمل معاه كده فريده بعصبيه : عمر انت واقف كده ليه اتحرك اعمل حاجه دوول جايين ياخدونا عمر وقتها كان مش مصدق اللي حصل من صاحبه ومبقاش يتكلم كل اللي بيعمله انه كان باصص لخالد وعنيه كلها اسئله اللي هو ليه ؟؟ والف ليه ؟؟ الرجاله اول ما قربت من عمر عملوا حواليه دايره و هو في النص و بقوا يضربوا فيه بالعصيان اللي معاهم وهو من كتر صدمته مكانش بيتحرك .. عمر وقع في الارض وبقوا الرجاله يضربوا بكل قوتهم فيه .. فريده وقتها كانت عماله تصرخ وعايزه تدخل ما بينهم عشان تبعد عنه الضرب خالد مسكها وبقي يبعدها عنهم وبعد ما ضربوا عمر والدم بقي نازل من دماغه ومن كل حته في وشه و ضهره .. فريده سابت ايد خالد بالعافيه وجريت علي عمر وقعدت في الارض وبقت تقوم فيه وحطيت راسه علي رجليها وبقت تمسحله الدم من علي وشه فريده : قوم يا عمر .. قوم عشان خاطرى واحد من رجاله القائد وطى ومسك فريده من شعرها وقومها وربطلها ايديها .. كل ده وهما كانوا في وسط القريه ومحدش طبعا يقدر يتكلم لان كلهم عارفين القائد ممكن يعمل فيهم اي واللي يتكلم بيعتبروه بيعصى اوامر القائد وبيتقتل في الحال وبعد كده مسكوا عمر من ايديه وبقوا يشدوه وراهم .. عمر اكتر حاجه بيكرهها هي الخيانه وهما بيشدوه بقي يرفع عينه بالعافيه و يبص لخالد نظره انه مش مصدق ان خالد يعمل كده خالد وقف قدامه وهو حاطط عنيه في الارض خالد : ماتزعلش مني ياصاحبي انا مابقيتش حر زي زمان انا دلوقتي معايا اسره واولاد اخاف عليهم وانا مش قد غضب القائد عليا وانت عارف يعني اي القائد عمر وقتها زق الاتنين اللي معاه بكل قوته ومسك خالد من رقبته وكان عايز يطلع روحه في ايده وخلاص هيموته واحد من رجاله القائد جه من ضهره ضربه .. ضربة علي راسه وقع ساعتها في الارض مغمي عليه فريده صرخت : عمرررر ——————————— في نفس الوقت الجبالي : احنا هنفضل ماشيين كده كتييير أحمد : احنا ماشيين علي رجلينا .. يومين بالكتير ونوصل الجبالي : ما تتصرف اعمل حاجه زي عمر كان زمانه دلوقتي اتصرف وجبلنا حاجه نركبها بدل ما احنا ماشيين علي رجلينا كده أحمد : الف مره قولتلك انا مش عمر .. عمر حاجه وانا حاجه تانيه الجبالي : انت فعلا اقل من عمر بكتيييير ولا حاجه من غيره انت ديل لعمر مش اكتر أحمد : بطل مشي ووقف قصاد الجباالي وبقي وشهم في وش بعض و قاله وهو متنرفز تقصد اي باللي بتقوله ده الجبالي : اقصد اللي فهمته انت من غير عمر ولا حاجه ولو مكانتش رجاله القائد مشغولين مع عمر دلوقتي كنا زمنا اتمسكنا من زمان أحمد : انا ماشي تبع الخطه اللي متفق عليها مع عمر والمفروض فريده تبقي معانا دلوقتي بس حظها بقي انها بقت معاه الجبالي : شوفت مش قولتلك بتنفذ كل حرف بيقولهولك وبس لكن فين تفكيرك فين دماغك انت مافيش .. مع انك لو شغلت دمااغك شويه وحطيت ايدك في ايدي وقدرت تقنع عمر كمان يبقي معانا هنبقي احسن من القائد نفسه والكل بيعملنا حساب احمد : ايوه بس الجبالي : من غير بس فكر في كلامي اللي بقولهولك ولو عمر مارضاش خليك انت معايا —————————— رجاله القائد اخدوا عمر وفريده ومشيوا طلعوا بره القريه وهما بيشدوا في عمر وهو مغمي عليه .. وربطوا ايد فريده وكانت ماشيه ورا عمر وكان في واحد بيشدها من دراعها عشان تمشي وبعدها طلعوا من القريه بس الغريبه انهم مكانش معاهم عربيه وفضلوا ماشيين في الصحرا مش اقل من ساعه ومره واحده في وسط الصحرا اللي مافيهاش اي حاجه غير الرمله والجبال وبس واحد من رجاله القائد فتح مخبأ كان موجود تحت الارض ونزلوا علي سلم طويل اوي وهما برضوا بيشدوا في عمر ونزلوا بعدها علي سرداب تحت الارض والمكان كان طويل و فريده مش عارفه هي فين الدنيا كانت ضلمه بس كانت كل ما تخطي خطوه اللمبه اللي متعلقه تنور واول ما توقف اللمبه تطفي لحد ما اخيرا وصلوا لمخزن وكان المخزن ده في سريرين بعيد عن بعض شويه دخلوا عمر وفريده في المخزن ده ونيموا عمر علي سرير وربطوه من كل جسمه بالسرير وفريده برضوا نفس الكلام نيموها علي السرير اللي جنبه ولفوا حبل علي كل جسمها وربطوها بالسرير وقفلوا الباب بالمفتاح ومشيوا فريده بقت كل شويه تنادي علي عمر .. عشان يفوء ويصحي بس مافيش فايده فيه كان مغمي عليه ومش حاسس بنفسه خالص فريده اخر ما زهقت وفقدت الامل ان عمر يفوء بقت تحاول تفك الحبل بأيديها وكل شويه تحرك في جسمها عشان تحرر نفسها من ربطه الحبل بس برضوا مافيش فايده واخيرا اتملكها اليأس والاحباط علي الاخر واستسلمت وبقت تبص للسقف وهي دموعها نازله منها وخايفه جدا علي عمر لا يكون جراله حاجه
บทล่าสุด
رواية عبقري زمانه البارت الرابع والثلاثون 🖋
✳ رواية عبقري زمانه ✳34الناس كلها صدقت انها فاطمه الا واحده بس قربت منها و حطت ايدها علي كتفها وبصيتلها وهي مبرأه ليها وقالتلها لاء انا عرفاكي كويس انتي مش فاطمه فريده بصت للقائد وهي خايفه ومابتتكلمشالقائد : انتي مين يا ست انتي ؟الست اللي قالت لفريده كده كانت هي نفسها الست العجوزه اللي ماسكه عجاز اللي انقذت عمر من لدغه العقرب لكن طبعا محدش يعرف الحكايه دي غيرها هي وفريده الست العجوزه: ( بتردد وخوف ) انا .. انا.. انا ست عجوزه غلبانه مش اكتر من كده .. نظرى بقي علي قدي ومابقيتش اشوف كويس يابني .. معلش السن ليه أحكام القائد ( بزعيق ) : انا مش ابنك و قرب من الست العجوزه بنظرات كلها شر .. راحت العجوزه رجعت ورا بخطوات بسيطه ومن خوفها منه اتكعبلت ووقعت علي ضهرها القائد ورجالته بقوا يضحكوا عليها لكن فريده طيبه صعبت عليها الست العجوزه فجريت عليها ووطت ومدت ايديها ليها عشان تقومها وبقي كل اهل القريه مستغربين من ان فاطمه اللي معندهاش قلب ولا رحمه بحد تعمل كده .. فاطمه كانت شخصيه مغروره جدا وماتوطيش لحد ابدا والناس كلها عارفه كده كويسفريده بلهفه وخوف علي العجوزه : انتي كويسه ؟؟كل اهل الق
رواية عبقري زمانه البارت الثالث والثلاثون 🖋
✳ رواية عبقري زمانه ✳33فاطمه وقتها مكانتش بتتكلم الوجع اللي كانت فيه كان اكبر من اي كلام فضلت نايمه علي بطنها والد م بينزل من ضهرها علي السرير ودموعها نازله منها وبس من كتر العياط دموعها نشفت خالصعمر بعد اللي عمله في فاطمه طلع من الاوضه وسابها وقفل الباب عليها بالمفتاح .. ودخل الحمام وفتح الحنفيه وبقي يغسل ايده من الدم اللي فيها وايده كانت بتترعش واعصابه كلها متوتره .. ورفع وشه وبقي يبص لنفسه في مرايه الحمام حس انه شايف واحد تاني مش عمر اللي متعود عليه .. واحد قلبه كله كره وحقد وغل واصرار علي الانتقام من اللي أذوه وكان تحت عينه اسووووود ووشه اصفر زي الليمونه ومرهق جدا والعرق بينزل منه غسل وشه بالمايه و شطفه ووقف يكلم نفسه في المرايه ويقول : بقي حتت بت زي دي تضحك عليك و تعمل فيك انت كده ياعبقري زمانك .. انا مش هسيبها الا لما انتقم منها هي واخوها في نفس الوقت🕰 القائد كان قاعد مع فريده في الزنزانه ودخل عليهم راجل من رجالته وهو بينهجالقائد : اي في ايه .. داخل من غير ما تخبط كده ليه ؟الراجل بلع ريقه وقاله : رجاله وستات القريه عرفوا ان فاطمه اتخطفت وان العبقري هو اللي خطفها وابتدوا
رواية عبقري زمانه البارت الثاني والثلاثون 🖋
✳ رواية عبقري زمانه ✳32عمر بعصبيه وصوت عالي : فوووووووقي .. اصحي .. انا مش هسيبك ترتاحي لحظه واحده بعد كدهعمر اخد فاطمه وشدها من شعرها وملي البانيو مايه وجاب سلك كهربا عريان وحطوه في البانيو وقعد فاطمه علي كرسي وبقي يغطس وشها كله في المايه المكهربه وقتها فاطمه فاقت وهي وشها تحت المايه وفتحت عنيها ومابقيتش قادره تتنفس مع الكهربا وكانت خلاص بتموت مش قادره تتنفس خالص وبتضرب برجليها في الارض .. عمر طلع وشها من المايهعمر : بعصبيه شديده وعنيه بتطلع شرار قوليلي القنبله كانت تستاهل كل اللي عملتيه ده ..فاطمه شهقت وبقت تاخد نفسها بالعافيه وجسمها كله بقي بيتنفض ومش عارفه تتكلمعمر بزعيق : انطططططقي رددددي علياااا فاطمه : ( وهي بتاخد نفسها بصعوبه بعد اللي حصل وبتنهج ) انت .. انت بتقول ايه.. انا مش فاهمه حاجه انت بتتكلم عن ايه ..انت مين اصلافاطمه من قوه الخبطه اللي في دماغها وراسها اللي اصطدام في الدريكسون حصلها فقد مؤقت في الذاكره مبقتش فاكره اي حاجه ولا عارفه مين ده ؟ ولا عارفه بيعمل فيها كده ليهعمر نزل راسها مره تانيه في المايه بس المره دي طول شويه وخلاص بتلفظ اخر نفس ليها وبعد ما كان
رواية عبقري زمانه البارت الحادي والثلاثون 🖋
✳ رواية عبقري زمانه ✳31امي ادتني فاطمه وقالتلي اهرب بيها بسرعه شيلت فاطمه في حضني وطلعت من الشباكوشوفته وهو بيقتلها بدم بارد قدام عنيا وماقدرتش اعملها حاجه وقتها ابونا رجع القريه بعد ما اتنهبت وامي اتقتلت وانتي اختفيتي .. ابويا وقتها قرر ينتقم من كل اللي عملوا كده بقي بينتقم من اللي ليه ذنب واللي مالووش ذنب .. من كل اهل القريه وبقينا ننهب قريه ورا قريه لحد ما بقي الكل بيخاف مننا ويعملنا الف حساب دورت عليكي انا وابويا في كل قريه كنا بننهبها لكن من غير فايده لحد ما يأسنا .. و أبويا بقي يعلم فاطمه اساليب القتال وازاي تبقي جامده وماتخافش من حد وابتدي يمسكها سلاح من وهي عندها ٨ سنين لحد ما اتقبض عليه و دخل السجن وكملت انا تعليمها وتدريبها لحد ما بقت زي ما انتي شايفه كده لا بتخاف من حد ولا بتحب حد غير نفسها وبس .. وابويا لحد دلوقت مش عارفين نطلعه من السجن ولما شوفتك مع عمر في المخزن ماصدقتش نفسي انتي نسخه من فاطمه وماتفرقيش عنها في شىء وقتها عرفت انك فريده اختنا التالته .. رغم اني مالحقتش اسميكي بس سمعت عمر وهو بيناديكي بالاسم دهفريده : بقت تبصلهم باحتقار وهي مش مصدقه اي كلمه من اللي ه
رواية عبقري زمانه البارت الثلاثون 🖋
✳ رواية عبقري زمانه ✳30القائد راح علي المقر بتاعه وهو متعصب جدا وفتح زي زنزانه ودخل جواها وقفل وراهالقائد : ( بنرفزه ) عجبك كده .. عجبك اللي انتي عملتيه دهفريده : وهي متربطه بسلاسل وشعرها منكوش ومتبهدله رفعت راسها وبصت للقائدالقائد : انتي السبب لو كنتي اتعاونتي معانا مكانش زمانه خطف اختك التوأم ( فاطمه ) .. ( العبقري خطف فاطمه علي انها انتي ) .. حبك للعبقري عماكي وخلاكي تبيعي اختك التوأممع اننا عرفناكي ان احنا اخواتك من دمك واختك التوأم هي اللي دفعت التمنفريده : وهي بتبص للقائد بحقد .. انا بريئه منكم ليوم الدين (Flash back ) 🎬عمر كان فارد دراعه ونايم و فريده نايمه في حضنه بعد ما كانوا طول الليل بيتكلموا سوا وعرفها حاجات كتير عن العالم الخارجي اللي مكانتش تعرف عنه حاجه رجاله القائد جت وضربت عمر علي دماغه افقدته الوعي والقائد طلع حقنه منومه ادهاله في رقبته عشان مايحسش بحاجهفريده جت تجرى علي عمر رجاله القائد مسكتها من ايدها بسرعه.. والقائد ورجالته بقوا حواليها ومعاهم فاطمه اخت فريده التوأم فريده اول ما شافتها استغربت ووقفت تبصلها و قالت : دي كأني ببص في مرايه .. فعلا فاطمه مك
رواية عبقري زمانه البارت التاسع والعشرين 🖋
✳ رواية عبقري زمانه ✳29فريده : ( بغيظ وكره ) لاء لازم يبقي مدمن ويبوس جزمتي في خلال ٣ ايام حتي لو هيموت فيهاسليم : اللي تشوفيهفريده راحت للرجاله اللي كانت بتتعلم ازاي يصنعوا القنبله وكانوا بيشغلوا الشريط اللي سجلوا لعمر وهو بيعمل القنبله قدامهم ويعملوا زي ما كان بيعمل بالظبطفريده : هااا.. يارجاله عملتوا ايهواحد منهم : احنا بنحاول بس في حاجه هو عملها بسرعه جدا حركه واحده الشريط مش جايبها مش عارفين نتعلمها ابدا حاولنا كتيييير بس فشلنافريده : باستغراب بقت تهز راسها شمال ويمين وهي مش مصدقه يعني ااااااييييييه ؟يعني هو يعملها في 5 دقايق وانتوا طول اليوم قاعدين تتعلموا تعملوها زيوا وبرضوا معرفتووشواحد من الرجاله : للاسف احنا محتاجينه يعلمنا ازاي صنعهافريده بقت تضرب في كل حاجه قدامها بأيديها كسرت المكتب اللي قدامها من كتر غيظهاالقائد : بالراحه شويه مش كده اهدي كل حاجه وليها حلفريده بغيظ : سليييييييييمسليم : اؤمرىفريده : زودله الجرعه بدل ٣ مرات تبقي اربعه في اليوم .. عايزاه يبقي جاهز في خلال يومينالقائد : كده هيموت انتي كده بتقتليه واحنا عايزينهفريده اتجاهلت كلام القائد وبصت ل
