2

سليم : طيب اهدى وحاولي تاخدى نفس براحه وراح مطلع تليفونه من جيبه بيحاول يتصل بالعامل بس لقا الشبكه لسا واقعه

ريم حسيت ان رجليها مش شيلاها وهى مش قادره تاخد النفس راحت قاعده على الأرض

سليم : لا لا متستسلميش كدا دى اول مره تحصل اصلا ريم بدءت الدموع تنزل من عينيها وراحت قيلاله انا حاسه اني هموت

سليم رد عليها وقالها ما انتى يبنتى مش بتتنفسى صح وكدا ممكن يغم عليكي

ريم بصريخ وعياط : مش عارفه اتنفس اصلاً وبدءت تعرق سليم اتجه ناحيه باب الأسانسير وفضل يخبط

سليم : انت يمحمود الزفت شغل الأسانسير ده بسرعه وفضل يخبط ويزعق وبردوا مفيش اي حد بيرد عليه

ریم بعياط هستيرى وهى مش قادره تاخد نفسها وكأن روحها بتتسحب منها هاااا هاااا مش قادره

سلیم قلع الجاكيت بتاعه بسرعه وفضل يهويلها بيه بس كل ده بدون ای فایده

سليم : يا ربى طيب اعملك اي انا دالوقت؟ ريم : ممكن متسيبنيش وراحت مداله ايديها

سليم مسك ايديها وفى اللحظه دى ريم طلعت رغاوى من بؤها وفقدت الوعى تماما

سليم ساب ايديها بسرعه وبدء ينده عليها في محاوله منه انه يفوقها وهي بتموت قدامه

سليم فضل يخبط على وشها ويقولها قومی .. قومی یا ریم وبعدين قام وقف وفضل يزعق لحد الأسانسير مرجع اشتغل

واول ما الأسانسير فتح سليم شالها بسرعه وخرج من الاسانسير وهو بيبص لمحمود العامل ويقوله

انت الى هتتحمل مسئوليه الى حصل ده وطلع يجرى بيها حطها فى العربيه فى الكنبه الى ورا وفضل سابق بسرعه لحد موصل للمستشفى واول موصل فتح باب العربيه وشالها وطلع جرى بيها دخل المستشفى

الدكتور : حطها على السرير السرير هنا .

ايه الى حصل ؟

سليم : الاسانسير وقف وهى جوه وأغم عليها وعندها ربو

الدكتور : طيب ممكن تخرج انت دالوقتي

وسليم خرج وبدء الدكتور يفحصها وركبلها محاليل وحطيلها ماسك الأكسجين

وبعد ما الدكتور ما خرج بعد نص ساعه

سلیم طله يجرى عليه

سلیم : هاا طمنى يا دكتور حالتها عامله ايه دالوقت؟

الدكتور : اتطمن متخافش فى بس جاتلها الحاله والمفروض

انها تكون عامله حسابها على طول ومعاها بخاخه التنفس بتاعتها لأن بخاخه التنفس دى بتمثلها حياتها وهى اكيد عارفه ده كويس هي دالوقتى بتاخد جلسه اكسجين بس مكثفه شويا وهتفوق دالوقتى ان شاء الله

سليم : الف شكر لحضرتك يا دكتور

خطيبه سلیم مانت عماله ترن عليه وسليم كان سايب تليفونه اصلا في العربيه

سليم دخل عند ريم وريم كانت بتبدء تفتح عينيها سليم بصيلها وقالها الف سلامه عليكي

ريم : الله يسلمك يبشمهندس

هو ايه الى حصل ؟

سليم : اغم عليكى فى الاسانسير ونقلناكى على المستشفى

هو انتى مكنش معاکی بخاخه النفس بتاعتك ؟

ريم : البخاخه لاء مكانتش معايا انا نسيتها في البيت للأسف معلش انا عارفه انى تعبتك معايا

سليم بأبتسامه : ولا يهمك المهم انك تقومى بالسلامه وحطى ماسك الأكسجين على وشك بقا وبطلى كلام

ريم ضحكت وحطيت الماسك على وشها في اللحظه دي وبعدين رجعت شالته بسرعه وقعدت وقالت بخضه فين تليفوني

سليم : تليفونك فى العربيه باين وفى الوقت ده سلیم افتكر

ان تليفونه هو كمان فى العربيه وقالها ثوانى هروح اجيبهم وأجى وطلع سليم من المستشفى ووصل عند العربيه وجاب التليفونات وأول مبص في تليفونه لقا حوالى تلاتين مكالمه مردش عليهم من خطيبته من عليها بسرعه وهي ردت

مروه بزعيق وعصبيه : انت فين كل ده يا سليم انت بتستهبل

سليم : يا حياتي والله غصبن عنى

مروه : وانت مبتردش عليا كل ده ليه ان شاء الله كنت فين انت مخلص شغل من حوالی ساعتین یا بیه

؟

سلیم : يا روحى والله كان في عطل في الأسانسير

و بشهمندسه تعبت ونقلناها على المستشفى ومفضيتش خالص والوقت سرقني انا اسف يا روحی

مروه : هو ايه الى اسف تعالى هنا انت ايه الى وداك على المستشفى اصلا

سليم : انا الى كنت مع البشمهندسه دي في الأسانسير

مروه بعصبيه : والله ونقلتها على المستشفى وهى اغم عليها في الأسانسير وشيلتها وحطيتها في عربيتك

سليم : اه عرفتی منین ؟

مروه بزعيق وصريخ : والله حلوه حكايه روميو وجوليت دی بقولك اي انت مش وصلتها وعملت الواجب معاها وزياده كمان يالا تعالى حالا ولا ناوى تروحها ؟

سليم : وايه المشكله لما اروحها مش دى اصابه عمل وبسببنا لأن العطل الى حصل ده بسبب الشركه وانا المدير وعلى فكره الى انا عملته معاها ده طبیعی جدا وای حد مکاني كان هيعمل كدا واكتر كمان وبعدين هي مكنتش بتمثل يعنى هى عندها مشكله في التنفس فعلا

مروه بصوت عالى : بقولك اى يا سليم بيه متاكلش بعقلی حلاوه وانجز وتعالى سلام

سليم اخد شنطه ريم من العربيه والتليفون ودخل المستشفى تانی و بعدين راح لريم وقالها

سلیم : اتفضلی دا تليفونك ودى شنطتك ودى الكوفيه بتاعتك

ريم اخدت منه التليفون بسرعه ونزلت ماسك التنفس من على وشها وفتحت التليفون ورنت على باباها

ريم : الو يا بابا يحبيبى معلش كان التليفون سايلنت

ومسمعتهوش لا لا يبابا انا كويسه والله كنت قاعده مع واحده صاحبتي في كافيه علشان كدا اتأخرت لان الكلام اخدنا انا هطلع من الكافيه وجايه اهو متقلقش سلام

سليم : انتى هتروحی دالوقتی ؟

ريم وهى بتحط التليفون فى الشنطه ردت عليه وقالتله اه لازم امشی دالوقت

سليم : بس جلسه التنفس لسا مخلصتش وولا المحلول الى متعلق

ریم ندهت على الممرضه وقالتلها لو سمحتی ممکن تشیلیی الكانيولا دي بسرعه

الممرضه : لسا المحلول مخلصش

ريم : اه منا واخده بالى يحبيبتي انه لسا مخلصش بس انا

مستعجله ولازم امشی دالوقتی حالا

وبعدين بصيت لسليم وقالتله

ريم : معلش انا عارفه انى تقلت عليك وتعبتك معايا بس

ممكن ترجعنى تانى للشركه

سليم بأستغراب : ليه ؟

ریم : علشان عربيتى هناك وانا لو روحت مواصلات بابا

هيلاحظ وهيسألنى وفى الوقت ده الممرضه كانت بتشيلها الكانيولا وأول مسحبتها ايديها جابت دم

ريم : يا لهوى على المرمطه الى انا فيها وبصيت للمرضه

وقالتلها هاتى قطنه بس انا مستعجله واخدت منها قطنه وضغطت على المكان الى بينزف

وأول مجات تقوم بسرعه داخت وكان سليم واقف جنبها مسكها من ايديها

سليم : انتى كويسه ؟

ريم وهي دايخه : ااه ااه كويسه

سليم : انتى متأكده

ريم : ايوا ايوا

سليم كان دفع فلوس المستشفى وهو داخل ومخلصها و خرجت معاه ريم وهى كانت ماشيه وراه وهو قدامها

سليم فتحلها باب العربيه وركبت وبعدين قفل الباب وبعدين ركب هو و وهما في الطريق

سليم وهو بيمسكها من ايديها وبيقولها : طيب ممكن اسألك سؤال؟!