4

سليم بخوف : استر يا رب

سليم ميقدرش ينكر انه خايف عليها وخصوصاً في الحاله دي وفي اللحظه دى سليم فضل يتصل على حد من الشركه علشان يوصل لأهلها مع انه فكر قبلها وافتكر المره الى فاتت وقت موقعت وأغم عليها وهو نقلها للمستشفى ووقتها هي قالتله رجعنی قدام الشركه تانى علشان لو روحت من غير العربيه بابا هيسألني وهيعرف وانا مش عاوزاه يقلق ولكن سليم كان لازم يقول لأهلها في المره دى

سليم : الو يا احمد انت مبتردش عليا كل ده ليه ؟

احمد : خير يا سليم في اي

سليم : اتواصلي مع حد من اهل المهندسه ريم بسرعه

بسرعه يا احمد

احمد : ليه يا سليم فى ايه بس ايه الى حصل ؟

سليم : بعتها النهارده على الموقع الجديد وقولتلها تروح تبص

وتشوف فى ايه وتقولى وبعدين لقيتها متصلتش خالص وولا بعتت حاجه وانت عارف انى كنت مستنى حد يروح يعاين الموقع ده فى اسرع وقت وبعدين اتواصلت مع حد من العمال علشان يخليها تتواصل معايا فقالى انهم مشوا قبلها وبعدين فضلت اتصل بردوا مرديتش عليا فأتضطريت انى اروح الموقع وخصوصاً لما العامل قالى انها قالتله ان المبنى جاى بميل فالموضوع قلقني جدا ولما روحت لقيتها واقعه على الأرض فوق خالص ودماغها جايبه دم كتير جدا فاخدتها بسرعه على المستسفى

اتواصلي انت بس مع حد من اهلها بسرعه يا احمد

احمد : حاضر هتواصل معاهم حالاً

احمد طلع بسرعه تانى على الشركه وطلع الملف بتاع ريم

وجاب رقم بيتها واتصل تانى على سليم بسرعه

سليم : هااا جبت الرقم والا عملت اي

احمد : اه انا فى الشركه اهو خد الرقم اهو

وبدء احمد يملى لسليم الرقم

احمد : ابقى طمنى عليها انا هروح ماما من عند الدكتور بس واجيلك على طول

سليم : تمام یا احمد

وفى الوقت ده كانت مروه خطيبه سليم عماله ترن على

سليم علشان كانوا متفقين يتغدوا فى مطعم النهارده وفضلت ترن عليه كتير لكن سليم كان ناسى تليفونه فى العربيه زي المره الى فاتت

فأتصلت مروه بأحمد علشان تسأله على سليم لكن احمد مبيكيقهاش فكنسل ومردش عليها

مروه وهى قاعده في المطعم قامت وراحت مصرخه وقايله بعلو صوتها

مروه : والله لوريك يسليم وراحت واخده شانطتها وقايمه

وباصه للجرسون وقيلاله لو خطيبى جه وسأل عليا قوله انى مش

عاوزه اشوف وشه مفهوم ؟

في المستشفى

سليم رن على الرقم الى احمد عطاهوله

سليم : الو

بابا ريم : الو مين معايا

سليم : انا يفندم صاحب الشركه الى البشمهندسه ريم

بتشتغل فيها واحنا نقناها حالياً على المستشفى واتصلنا علشان نقول لحضرتك

سليم مكنش عارف يتكلم وولا عارف يرتب الكلام على بعضه لان دا شغل السكرتاريه ومش شغله هو وسليم في المواقف دي مبيعرفش اصلا يقول كلمتين على بعض

بابا ريم بخوف : مستشفيه ايه وابع الى حصل ؟

سليم : مستشفى وراح قايله على اسم المستشفى بسرعه وقاله انا معرفش ايه الى حصل وسليم قاله كدا اختصاراً للكلام لانه مش هيعرف يوصله هو عاوز يقول اي

بابا ريم ركب بسرعه العربيه بتاعته وبدء عم محمود السواق بتاعه يسوق بيه

بابا ریم بخوف شدید یا رب استر يا رب .. يا رب احميهالی یا رب ومتورينيش فيها حاجه وحشه

ااه يريم يبنتى اااه

عم محمود في محاوله منه انه يواسيه فضل يقوله ان شاء

الله خير وربنا يجيب العواقب سليمه متخافش يا بيه ربنا كريم والست ريم طيبه وعمرها مأذت حد

الدكتور خرج من اوضه العمليات ومعاه ممرضه واحده

سليم طلع يجرى عليه بسرعه وقاله

سليم : طمنى يا دكتور

الدكتور : ان شاء الله خير .. هو الجرح بس كان كبير ونزفت

كاير بس الحمد لله المخ متأثرش واحنا نقلنالها دم وعنلنا عمليه وخيطنا الجرح وعملنا كل الى نقدر عليه

سليم : طيب هتفوق امتا يا دكتور

الدكتور : قريب ان شاء الله متقلقش

سليم : طيب ممكن ادخل ابص عليها ؟

الدكتور : اه ممكن مفيش مشكله

سليم دخل علشان يبص عليها وكان متعلقلها محاليل ودم وسليم فاضل باصصلها ومركز معاها شويا وسرحان وبيفكر في الى حصل وأنه ازاى لقاها واقعه على الأرض وبعدين فوقه صوت احمد وهو بيقوله عامله اى دالوقت الدكتور قالك ايه يا سليم ؟

سليم : هاا .. الدكتور قالى انها هتبقا كويسه ان شاء الله وراح باصص لأحمد وقايله انا مش عارف البنت دی حوادث كدا ليه

والله

بجد دى كل يوم حادثه شكل

احمد : الحمد لله انك بتلحقها كل مره وإلا كانت ماتت في

مره

وقطع كلامهم في اللحظه دى صوت باباها وهو بيتكلم

بخوف وبيقول

بابا ريم : هى مين دى الى كانت ماتت ؟ ايه الى حصل لبنتي

سليم بصيله وسكت وبعدين احمد اخد بأيديه وشد كرسى

؟

وقاله

احمد : اتفضل يفندم وانا هفهمك كل الى حصل بس انا مش عاوزك تقلق خالص الحمد لله الدكتور طمنا وقال انها هتبقا كويسه وهتفوف كمان شويا كمان .. هو الى حصل انها وقعت في الموقع واتخبطت فى دماغها والبشمهندس سليم هو الى اخد باله من الموضوع ده وجابها هنا المستشفى على طول

في الموقف ده احمد هو الى اتصرف لأنه عارف سليم كويس

بابا ريم : انا قولتلها متشتغلش وانا مكنتش راضي عن شغلها انا مش عارف هى ليه بتحب تنشف دماغها كدا ادى اخرتها قدامنا

اهو

احمد : ليه يفندم ماله الشغل ؟ احنا حتى شركتنا معروفه جدا

بابا ريم : تشتغل ليه وهى متوفرلها كل حاجه ومعاها عربيتها

حتى انها لو طلبت فلوس افتحلها شركه ليها هفتحلها انما هي لاء بتقولى لازم اعتمد على نفسى يا بابا ادى اخره الاعتماد

سليم : الحمد لله حصل خير

وفى اللحظه دى بابا ريم رفع راسه وبص لسليم وراح سائله وقايله

بابا ريم : انت الى كلمتنى فى التليفون وانت الى جبتها هنا ؟

سليم : اه انا يفندم

بابا ريم : انت صاحب الشركه الى هي بتشتغل فيها ؟

سليم بأستغراب : ايوا يا فندم

بابا ريم : طيب انا عاوزك ترفدها من عندك من الشركه

سليم بأستغراب اكثر واكثر : نعم يفندم !

بابا ريم : انا عاوزك تعمل زى مقولتلك كدا وبعدين سكت

لثواني وراح قايله طيب انا هديك الرقم الى انت عاوزه بس قولی کام

سلیم بنرفزه : متشوفه بيقول اي يا احمد هو في ايه ؟

احمد : اهدا یا سلیم دا راجل كبير اد ابوك

وبعدين حات الممرضه وزعقتلهم وقالتلهم اخرجوا بره

علشان خاطر المريضه ومينفعش تتواجدوا جوه وكمان الصوت العالى الى انتم عاملينه ده

فخرج سليم واحمد واتبقا باباها جوا معاها

سليم بزعيق : انا ماشى يعم ادى بنته معاه اهوه

احمد : استنى بس يسليم لحد منطمن عليها ميصحش كدا