الفصل 5

ونا نحس بشي حاجة خربشتني ونا نغوت وامين يطلع من لما

ونا نقول ليه :وش نتا حمق

وهو يضحك قالي: عادي

شفت فيه ودرت بغيا نخرج من لما

وهو يقولي :وقفي

مديتهاش فيه وهو يقولي: مكنبغيش نكرر كلامي وقفي

درت شفت فيه قلت ليه: شنو بغيتي

قالي قبل ميكمل هدرتو كتجي وحد لموجة قدها قداش وضربتني انا سديت نيفي بيدي ولكن دخلت تحت لموجة كنت انغرق حتى حسيت بوحد ليد شداتني من خصري وعام بيا حتى خرجت راسي انا بقيت كنكح و غيرمصدومة وحلقي تجرح مشديت فيه ما والو وبقا كيعوم بيا حتى وصلو رجليا لارض

قلت ليه ونا مخنوقة وعينيا حومر شكر

شوية وهي تبان ليا ترازتي ديها لموج ونا تجيني لبكيا عينيا غرغرو

قالي مالك: قلت ليه ترازتي مشات و خرجت, انا ره مبقاتش فيا ترزا ره كنت خيفا ديل بصح كنت انغرق وجلست كنلقا راسي بعدنا بزاف عليهم والحمد لله انه تاحد مشفنا المهم جلست وسيد كنشوفو ولا دخل لبحر ونا نوض بقيت كنعيط ليه صافي امين اجي بلاش دبى نخد وحدة اخرى هو مشا بقيت جالسة ونا دايخة حتى كنشوف سيد خارج من لبحر بحال (هريثك روشان في فيلم بانج بانج) انا ديخا بشمس ولغرق وزدت دخت داك لعضلات داك لبرونز لي فصدرو وناري المهم جاب ليا ترزا

قلت ليه: مكانش عليك تبين راسك زعما بطال ولكن على العموم شكرا

هو سيد بغا يرتاح ونا نقول ليه: ممكن نبقا بوحدي

قالي: اه وخا

هو غادي ونا نقول ليه:علاش خطرتي بحياتك ودخلتي جبتيها ليا هو كمل فطريقو ودار راسو مسمعنيش

امين:بصح علا ش انا دخلت جبتها ليها وش على حساب شفتها اتبدى تبكي او معرفتش ملي شفت هد لبنت لبارح ونا مخربق ,عينيها عينيها كنتلف منين كنشوفهم ولي فعقلي دبى انه عمري نخلي عينيها يبكيو

بقيت شحال ونا جالسة وهي تجي عندي سارة قالت :ليا عييت نعيط ليك فتلفونك

قلت ليها :خليتو فشومبر

قلت ليا :ره ماماك عيطت عندي ومبغيتش نجوبها يلاه نوضي نمشيو

وصلنا حداهم عيطت لماما على حساب انا من قبل قلت ليها ره مانهبطش تلفوني والا بغيتي شي حاجة عيطي لسارة هي هديك هدرت مع ماما طمنات عليا ووصاتني مندخلش بزاف لبحر المهم قطعت معها ومشيت لبلصتي جلست فيها ونا نشوف لكرة ديل لفولي وانا كيحمقني لفولي

قلت لسارة :علاش منلعبوهاش وهي تعيط ليهم وقلت ليهم: نلعبوها كلشي وافق غير هو انتقصمو كل جوج بوحدهم (سارة هي وخوها يحيى) (سليا هي وكمال)(مراد وفاطنة)(سامي وكميليا) بقيت انا وملاك وامين وهي ملاك تمشي حدا امين

قالت ليه :انا انكون معاك هو شاف فسارة زعما تصرفي وهي تقول لينا: ملاك حسنة نتوما اديرو قرعة باش نشوفو شكون ايلعب مع امين

ونا نقول ليها: لا حنا ب 3 انديرو قرعة ونشوفو شكون ايلعب مربما نلعب غير انا ملاك والا ملعبش يكون حكم

قال ليها امين: وخا

ستفتنا حنا ب 3 وهي عطاتنا بضهر وقالت لينا بدلو لبليص انا بقيت واقفة فبلصتي وملاك جات حديا وامين مشا من طرف يعني امين ملاك حسنة دارت وكان يحيى مغمض ليها عينيها بدات كتقول: اتلعب ماتلعبش اتلعب يعني انا وامين لعبين وملاك لا المهم انا بديت فلعب مع امين المهم وبدينا حنا لولا وغلبنا لفرقة ديل سامي لفرقة ديل مراد لفرقة ديل كمال ولكن لفرقة ديل يحيى كانت مجهدة عييت شوية ونا سهيت ويحيى يعطيني بواحد لكرة بجهد ونا كنشوفها جاية فوجهي انا درت يدي على وجهي وجمدت فبلاصتي ولكن امين جا بحال ايعنقني و لكن مقصنيش وجاتو فضهر دارغوت على يحيى المهم كملنا وحنا لي ربحنا انا فوجت وضحكت ولعبت المهم كانت داك 13 ونا جاني جوع مشيت كليت سوندويتشات وعطيت لسارة تاهيا كلات وحتى سيليا المهم امين دخل كيعوم وضهرو بقات فيه داك ضربا ديل الكورة دراري جمعو لحويج لي عندهم وقلك ايطلعو يتغداو حتى انا هزيت سلتي ومشيت مع سارة ولبنات طلعت لبيت دخلت نيشان دوشت خرجت صليت صيفطت لسارة مساج اني انعس وخا يخرجو ولا اي حاجة حتى نفيق وحتى ماما كدالك المهم نعست نعست حتى كنسمع تلفون كيصوني جوبت كنلقها سارة قالت ليا فيقي ره لمغرب ورها انمشيو لوحد لمطعم واعر وفخم وحتى هو ديل امين ونا نقول ليها وش فرملة عوتاني قالت ليا لا المهم نضت توضيت صليت العصر والمغرب وطلبت لماكلة على حساب كنت انموت بجوع ومنقدرش اني نصبر حتى نمشي لريسطو زائد هوما فيهم تبجاق كيكلو غير شوية طلبت نص دجاجة محمرة ودرت وحد لفيلم هندي وبقيت كنتفرج وكناكل ولكن مكترتش على حساب داك لكسوة لي كنت انلبس لاصقا المهم ساليت ادن لعشا صليتها ونضت نوجد راسي انا كنت عارفة اننا انمشيو لشي بلاصة واعرة كي مشيت لبلاكار وتلفون يصوني لقيتها سارة وهي تقولي :يلاه هحنا غديين

قلت ليها: انا ره مزالة ملبست كنت كنسين لعشا نصليها وعاد نوض حسيت بيها بغيا تمشي معاهم ونا نقول ليها :صيفطي ليا لموقع ديلو ونا نشد طاكسي

وهي تقولي: حشومة لا انبقى معاك

قلت ليها :لا والله حتى تمشي غير خليا ليا لعنوان

قالت ليا: وخا

ونا بحالي طاح ليا لمورال صافي قلت مغديش نمشي وهي تولي تعيط

قالت ليا: ره امين ايخلي ليك وحد طونوبيل ومنين تهبطي اتجيبك حتى لعندنا

قلت ليها: شكرا

اوى نضت جبدت داك الفستان لي صراحة غير كاريها على حساب غالي انوصفو ليكم هو عبارة على فستان فلون الازرق غامق كيجي لاصق على الجسم ولكن فيه لعقيق ولؤلؤ ولخرز لي كيبريو جين فيه تقريبا كامل درت معه صباط وصاك فالازرق المغلوق ودرت شال فالابيض وجيت قرطاسة مع ختكم عندها لطاي ديل لهبال ليهنش شوية صدر لكرش مكيناش المهم واعرة بكل معنى الكلمة ومدرتش المكياج ولكن درت وحد المكون سري لي فين مامشيت ديرها فميكا وديها معيا لي هي لباربا درتها اوى وليت قنبولة بكل معنى الكلمة وخا كان عندي مشكل انه شوية مزير المهم هبطت فسنسور وهو يشوفني وحد شيفور وجا عندي كيجري

قالي :تفضلي ا مدام

حل ليا لباب ركبت وشد بيا طريق حتى وصلت اوى ختكم كي شافت لمطعم كنت اتسخف كان فخم وفاخر لاقصى درجة وفيه ستيل ديل لعصر الفيكتوري لي كنحماق عليه ومكانش كيسحابني انه كين بحال هد لمطاعم فلمغرب المهم فدخلة مخلنيش وحد لوحد ندخل وقفت عيطت لسارة قلت ليها هاشنو وهاشنو خرجت لعندي هدرت معاه دخلت وكين دروج باش نهبط لصال صالة لي ديرا بحال دوك لعروض ديل الاوبرا انا بقيت مصدومة ولكن كنت محكما فرسي باش منحلش فمي هابطا وهوما كلشي بقا يشوف فيا مع لموسيقى كانت ساكتا المهم هبطت سارة كما لعادة حسنة جيتي كتحمقي وسرقتي الاضواء قلت ليها شكرا المهم مشي غير امين لي كان ايكلني بعينيه حتى يحيى كمال المهم دراري كلهم لي فلقاعة ره والله مكنكدب عليكم على حساب عندي واحد الجادبية واعرة واخا نكون لبسا حتى بيجاما كتجيني واعرة المهم وصلت ليعندهم سلام سلام كانت بلاصة حدا امين هي لي خاوية مشيت جلست حداه جاب لينا المينيو كلشي مكتوب بلفرونسي ونا نطلب غير شلاضة على حساب يلاه كليت وهو يقرب ليا امين

قالي :غير شلاضة هدشي لي اتكلي

قلت ليه: اه على حساب يلاه كليت فالاوطيل

وهو يقولي: فخبارك جيتي زوينة

ونا نقول ليه :اه عارفة راسي زوينة

وهويقولي:الا كان ممكن بغيت سمية ديل لبرفان ديلك على حساب فيه رائحة مميزة درت شفت فيه قلت ليه :هد لعطر انا لي مصوبها

قال ليا: لا كتكدبي

قلت ليه: والله حتى انا لي مصاوبها

قالي: ضروري حتى انا تصوبي ليا شي واحدة

كنا كنهضرو بشوية وكلشي اصلا مشغول بلهدرة مع لي حداه الا ملاك لي كانت اتكلنا بعينيها نسيت مقلتش ليكم شنو كانو لبسين لبنات عندك سيليا وكميلا كانو لبسين نفس الموضيل غير سليا فلحمرولاخرى فلكحل فستان لصق عليهم بسميطات وعريان ومبين ليهم عضوماتهم, سارة كسوة فلخضر وجيا بحال شي بنيتا صغيورة مع كانت قصيرة وخا لبسا لكعب والو, فاطنة كانت لبسا جلابة فلكحل وكلشي كان كيضحك عليها ولكن هي مكانش هامهما داك شي, ملاك حتى هي كانت لبسا كسوة ولكن فيها تقاطع وشبكة تصلاح لبيت نعاس, حط لينا المكلا كلينا ولينا نتقلنا لوحد لصال ديل الاوبرا وعزف لبينو وانا كنت كنحماق على لبينو حنا مشينا لبليص (في اي بي ) وهو يبدى العزف كنت مندامجة وعجبني الحال حتى كنحس بشي يد شاد ليا ففخدي وكتحسس فيا انا بقوة لي كنت مبهورة بجمال المنظر لي قدامي مشفتش شكون جلس حديا ولكن قررت شكون من كان انغفلو بوحد صقلة باش يتعلم يحترم راسو اوى مصبرتش وعطيتو باكبر صقلة عندي.