الفصل 4

قالت ليا: كنتخيلك مشيتي هدرتي مع عمي محمد وهو براسو غير ضايف

قلت ليها: كيفاش مفهمتش

هي تقولي :اجي نعود ليك اول حاجة هد لقصر ديل امين انا تصدمت بقيت غير كنسمع قالت ليا لعرس لمرة لولة منين حطو تاريخ كان اتعمل فرباط ولكن عمي مع لمنصب ديلو كيتفاجاة بعدة مؤتمرات ولقاءت عندو فهد سيمانة هنا فكازة اوى هوما كانو عارضين على ناس ومقدروش يلغيو لعرس حتى تدخل امين قال ليه ها لقصر ديلي هو تحت اشارتكم وعيطو لمدعوين قولو ليهم ره بدلنا غير لموقع اوى عمي ومراد فرحو بزاف على حساب كانو ايخسرو المهم امين عطاهم لقصر بكل شي من غير طابق 3 لي هو عبارة عن جناح قدو قداش صرحة عمر شي حد دخل ليه ودير حراس عليه عمرنا دخلنا ليه

ونا نقول ليها :حتى عارضة الأزياء

قالت ليا :اه حتى هي عمرها دخلت ليه

قلت ليها: باش عرفتيها

قالت ليا: داك لخدامة لي كان ايطرد هديك ره من اول نهار خدا لقصر وهي هنا وهي بوحدها لي كدخل تنضف لجناح وهي لي قالت لينا هد لهضرة

ونا نقول ليها :ولكن هو ره كان ايطردها

وهي تقولي :امين معندوش لعب فلخدمة اي واحد يقصر فخدمتو نيشان طرد على حساب داكشي هو ناجح

هي سالات من لهدرة وهي تجي عندي ديك لمرا وشكراتني قالت ليا: الله يرضي عليك ابنتي بسبابك بقيت فلخدمة سارة بقات كتشوف طلعت حاجب وهبطات حاجب

قالت ليا: منعرف كي طرى وجرى امين مطردهاش

ونا نقول ليها: معرفتتش

وهي تقولي :نوضي وجدي راسك على حساب انفطرو برا ورها نهار كامل انبقاو برا قلت ليها :انقولها لماما ونشوف

قالت ليا: ره قبل منهبط لقيتها فوحد صالة هي وعمتي عائشة وره ايفطرو تما وقلت ليها ره انخرجو هي بغات تعترض وعمتى قالت ليها خليهم هوما باقين صغار خليهم يستمتعو يديرو دكريات ,نضت طلعت لبيت بقيت محتارة شنو نلبس ونهار كامل انكونو برا وصهد وهي تبان ليا وحد لكسوة فلموف بارد بحال لون لخزامة وفيها خطوط قررت اني انلبسها وعرفت انه نهار كامل انكونو فلبحر خديت حتى كسوة اخرى قلت لولة انعوم بيها وتانية منين نخرج من لبحر نلبسها وتالتا قلت مربما نمشيو لشي مطعم واعر لبست صباط حادر ولقيت وحد سلة ديل لخيش زوين درت فيها لكسوة بشلها وحتى صباطها وهزيت صندالة ديل ميكة وكنت جيبا معيا وحد جوج ترزات وحدة بيضا وحدة كحلة ديت لبيضة اوى لبست وهبطت جيت بحال شي اميرة كما لعادة سارة قالت ليا: جيتي زوينة خاصني نتعلم منك كيفاش نلبس

قلت ليها:شكرا لهلا يخطيك, وش انمشيو دبى ولا بلاتي

قالت ليا: كنسينو ملاك

المهم دزت لكوزينة قالت ليا :داك لمرا وش نصوب ليك شي حاجة ا لالة

قلت ليها :بلا متعدبي راسك انا انصوب

وهي تقولي: لا اتوسخي حويجك غير قولي ليا

قلت ليها غير خلي انا انصوب

قالت ليا: والله حتى نصوب ليك شنو بغيتي

قلت ليها :بغيت نصوب سندويتشات ويكون لمدقات مختلفين

قالت ليا: مرحبا على راس ولعين

خليتها كتصوب وخرجت لقيت بنت وولد زايدين مشيت حد سارة وهي تجي سيليا كضحك وفرحانة جرتني وقالت ليا نعرفك بخطيبي كمال قلت ليه متشرفين سلمت عليه كان من نوع ديل ماما وكليني بابا غطيني باينة عليه كيني ميني المهم لبنت عرفني عليها مراد وهو يقولي: هدي مرتي سميتها فطما وكانت باينة عليها مشي من نفس طبقتهم صرحة وخا حتى انا مشي من نفس طبقة ولكن لباسي وشيكتي كتبين اني منهم هي كانت باينة عليها بطرونة ومكملها بوحد لمكيج عرفتي مجلطة حالتها اوى مشيت لكوزينة لقيت خديجة داك لمرا لكبيرة موجدة ليا كلشي ودرتهم فوحد لبواط خديتهم ودرتهم فسلة ومشينا كي ركبت مع سارة وانا يلاه بغيا نهدر

وهي تقولي :غير صبري انا نعود ليك كلشي بقينا كنضحكو وهي تقولي سميت مرت مراد الحقيقية هي فاطنة ولكن هي خلات مراد انه يجبرنا نقولو ليها فاطمة

قلت ليها: كيفاش تعرف عليها

قالت ليا: هو كان كيسهر فلي بواط وتما تعرف عليها كنادلة وبقات علاقتهم حتى لوحد نهار دارو لحرام وحملت منو دبى رها حاملة ولعائلة كلها سيقا لخبار

كملنا طريق تقريبا خرجنا على لمدينة حتى كيبان ليا وحد الفندق واعر وفخم وداك شي وصلنا خليت انا كلشي تما هزيت غير ساك ودخلنا حتى وصلنا لوحد لقاعة داكشي ديل الالبا المهم جلسنا فوحد طبلة طويلة وكانت حديا سارة

ونا نقول: ليها شفت دخلنا مطلبو منا والو وهي تقولي هد الفندق ديل امين

خدت الصدمة المهم سالينا لفطور وحتى ملاك كانت ولكن ساكتا على خلها داك الهدوء ديل ماقبل العاصفة المهم انا مديتهاش فيها سلينا هو يجي وحد نادل عطا لكل واحد فينا كارطا هوا سالا

قال لينا امين: كل واحد ولبيت ديلو لي بغا يرتاح

المهم نضت انا خرجت انا وسارة هزيت سليتي وهي هزت وحد شكارة وطلعنا وحد لخدام حتى لبيوتنا وكان بيت سارة فطابق وبيتي انا فطابق اخر المهم دخلت واحبابي واصحبي ووحد لفخامة وكنشوفها غير فالافلام دخلت حطيت سندويتشات فوحد ثلاجة لي كي فتحتها فيا شكلاط والايسكريم و ترزا ولكسوة فبلاكا لي كي فتحتو تاهو لقيت فيه لفوطات مليات وليقت واحد لكارطون انا مكنتش انفتحو ولكن لقيت مكتوب عليه حسنة فتحتو لقيت فيه واحد لبوركيني يا لبنات شهوة منو فيه مزيج ديل الوان طيف والارضية بيضا وحتى صندلة مشبكة وحدرة ديل لبحر وحد رسالة مكتوب فيها(انا عارف انه ممنحقيش ندخل فخصوصيتك ولكن قلت اكيد نتي اتبغي تعومي كنتمنى يعجبك..امين)انابقيت مصدومة المهم عيطت لماما وقلت ليها ره لقيت وحد لبوركيني وهاشنو كين قالت ليا صوريه ليا صورتو ودخلت لحمام ولبستو جاني فن كيحمق وخرجت هدرت مع ماما ابيل فيديو قالت ليا مشي مشكل سيري بيه

عيطت لسارة قلت ليها: وش هبطتو

قالت ليا :اه ومنين تخرجي من الاوطيل قولي لخدام لي فلباب يجيبك لعندنا

صافي هي هديك هبطت درت سندويتشات فسلة وهبطت فسانسور لقيت داك لي فلباب قليت ليه بغا نمشي عند امين قالي مرحبا ركبني فوحد طونوبيل ديرا بحال لماتر كتمشي فرملة ونانشوفهم من لبعيد كنا مبعدين وغير بوحدنا بقيت كنتمشا حتى وصلت لعندهم اوى يا لخوت على منظر شفت ولبنات كلهم غير بدو بياس حتى من فاطنة خيبت لفصالة حتى هي بيهم انا حشمت وتزنكت المهم كملت حتى وصلت عندهم امين شاف فيا وبتسم اما انا كي شفت داك لعضلات كنت انجي على وجهي وهي تجي عندي سارة قبل متهدر قلت ليها جيت كنحمق قالت ليا اه وبقينا كنضحكو مشيت لحداهم حتى ملاك عويدات خيزو حتى هي لبسا دوبياس

قالت ليا ساره: ها لفوطا ديلك ولبراسون ديلك على حساب كل وحد عندو ديلو

جلست لقيت داك ثلجا لي كتبرد فيها لما ولكلاس حطيت سلة وبقيت كنشوف فداك لمنظر وهوما ناضو وبداو يعومو وهو يجي عندي زين ضحكة

قالي: جيتي زوينة وش مغديش تعومي

قلت ليه: شكرا على هدشي وانا ره مكنعرفش نعوم ره غير كنحط رجليا

قالي :وش ممكن نجلس حداك

قلت ليه :الارض ديل الله

قالي: اممم ياك مبغيا ديري ليا بحال يحيى انا نجلس ونتي تنوضي

طلعت فيه هبطت وبتسمت قلت ليه: غير جلس المهم بقيت ساكتا

وهو يقولي :كنت عارفك اتعومي غير بكسوتك لهدا قلت نجيبو ليك

قلت ليه: الا زدتي حرف انوض نحيدو دبى

وهو يبتسم ويغمزني قالي :مكرهتش تحيديه

انا وجهي ولا حمر حمر حمر هزيت ترازتي ونضت من حده

وقلت ليه :نتا قليل الاداب

بقا كيضحك ,كانت لحرارة بدات كتجهاد دخلت شوية بشوية لبحر ولكن كنت مبعدة عليهم دخلت حتى وصل ليا لما لصدري ونا نحبس كان لبحر هايج ولموجات فيه كبار عطيت لرملة بظهري بقيت كنشوف فلما ونا نغني( انتا تقول وتمشي وانا سهر منمشي يا لي مبتسهرش ليلة يا حبيبي) ونا نحس بشي حاجة خربشتني ونا نغوت