عندما إلتقينا

وحد العائلة على قد الحال تما أتبدى قصتنا البطلة ديلنا , حسنة زوينة بزاف ولي شافها كتعجبو رغم أنها معندهاش عينين زورق او شعر زعر ولكن ملامح جدابة و عندها برائة عندها رقة المهم كانت قرات فالجامعة ودوزت احلاى ايام فحياتها شدت الاجازة فشعبة الدراسات الاسلامية بعد 4 سنوات ,من بعد بقات غير جالسة فدار لمدة عامين او عام ونصف كانت عاجبها دار ومكنتش كتخرج ابدا هي عزيز عليها دار,ف 2023 وبضبط قبل ميدخل شهر9 بقات عليها مامها نوضي تقلبي على خدمة نوضي ضبري على راسك دفعي لتعليم ماماها كانت بغيا ليها مصلحتها المهم نضات صوبت (سي في)ومع اول نهار اتمشي دفع لمدارس الخصوصية ومع اول مدرسة اتحط فيها رجليها اتقبل كحارسة عامة ,كلشي كان كيتعمل معها مزيان وكانت اطير بالفرحة وزادت فرحتها بالتلاميذ لي كانت كتعامل معاهم زادت فرحتها باول صلير اتشدو مشات عطاتو لمامها , وبقات خدامة ماعاهم حتى لشهر 4 كتسمع ماماها كتهدر فتلفون وكتقول ليهم: مرحبا وشرف كبير اننا نحضرو ان شاء الله.

جات حسنة قالت ليها: معمن كتهضري

قالت ليها :مع ولد عمتي محمد ره عرضنا لعرس ولدو وايدير العرس ابتدا من 4/28 الى 5/5 يعني لمدة سيمانة واكد عليا انني نحضرو كاملين .

هد ولد عمت ماماها كان لباس عليه وكان وزير وكانت مامهاعلى تواصل بيهم وكانو كيجيو عندها .

حسنة قالت لمامها: ماما شكون ايمشي .

قالت ليها: حتى نتشور مع باباك.

جا الاب فلعشية قلوها ليه قلها: سيري غير نتي وحسنة امنية وياسر خليهم هنا ونتوما سيرو فتران .

المهم انا فرحت بزاف بزف وكنت انطير بلفرحة كانت مزالة خدمة وفلعشية كنت كنمشي نشوف لقفاطن ولباسي لي غدي نكري المهم كريت وحد جوج لبسات وجوج قفطان وانا عندي بزاف ديل لحويج لي زويني المهم انا قديت راسي ولكن مكنتش كندير لمكياج كنت كنحمق بلا تاحجة نهار لي غدي نبغيو نمشيو لتران وصلنا بابا لمحطة وصلنا لكازا ولقينا وحد من ولاد عمت ماما كيسينا وركبنا معاه ودانا وصلنا كنت لبسا احسن جلابة عندي كانت بلقميص ديالها وفلون لبلنكاسي وفيها طرز فالالوان كانت كتحمق وانا درت معها شال فلبلنكاسي وفيه بعض الالوان المهم مع دخلنا شوية بغيت نمشي لحمام ونا نتلقا وحد لعيقا سميتها ملاك وهي تقولي: نتي لخدمة جديدة

شفت فيها قلت ليها: وش كتهدري معيا

قالت ليا :اه على حساب جلالب عندنا كيلبسوهم غير الخدمات

قلت ليها: لا انا ضايفة هنا

قالتي: اوميجود سمحيلي مقصدتش

قلت ليها: مشي مشكل

دخلت لحمام وغسلت وجهي صرحة هي بغات طيح ليا لمورال ولكن للاسف منجحاتش على حساب انا تقتي فراسي كانت كبيرة وكنت عارفة راسي جيا كنحمق عكسها هي كانت رقيقة ولبسا وحد مني ديل دجين وحد سوفيطما ديرا بحال ستيان رسما فراشة بالتتواج وديرا لبيرسينج وشعرها كان قصير وفيه بعض زغبات بالازراق والاحمر المهم خرجت من الحمام رجعت حدا ماما وهي تجي وحد لبنت متواضعة وزوينة سلمت على ماما وسلمت عليا

قالت ليا :واو جلابتك كتحمق واعرة وزوينة وجياك كتحمق

قلت ليها :شكرا

قالت: ليا منين خديتها

قلت ليها: خديتها من وحد الموقع الا بغيتي نقدر نعطيه ليك

قالت: ليا اه

البنت سميتها سارة وهي بنت عم لعريس لي هو مراد هدرات مع ماما وقالت ليها:انديها معيا حنا ره بينا غير لبنات ولولاد ديل لعائلة, ماما خلاتني نمشي معاهم .

نسيت موصفتش ليكم لقصر ناري كيحمق كيسطي واعر فلمدخل كنتمشاو شوية عاد كنلقاو وحد رومبوان فدخل ديل لقصر كين وحد صالة قدها قداش وقبلتها صالة اخرى كان الاتات فاخر ووعر وفخم المهم داكشي غزال, خرجت مع سارة لجردة لي هي كترمن لحي لي ساكنة فيه وفيها طيطوشة ووحد لجسة بطبلة وشلي من لبعيد كيبان ليا 4 ديل دراري و 3ديل لبنات كي وصلت حداهم بقاو يتغامزو وهي ملاك تقول ليهم: هاهيا لي قلت ليكم عليها .

عرفتها انها هدرت فيا مخلات ماقلت فيا ولكن انا مزالة محافضة على اعصابي سارة عرفتني بلعريس لي هو مراد كان طويل ووجهو عامر بلحبوب معرفتش هدي لي اتزوج بيه كيفاش قبلت بيه, المهم التاني يحيى مكنش طويل بزاف هو طول مني ولكن مشي بزاف كانت عندو وحد جوج زغبات فلحيتو وعيق براسو بزاف هو خو سارة ,ثالت هو سامي ولد عمت سارة كان كيبان عليه كاوري, واخرواحد لي دوب قلبي ولي الحمد لله محليتش فمي فيه وهو امين كان طويل وعريض وحد شعر واعر وحد العضلات كيبانو من تحت شوميز لي لبس وسمر ورجولي .

عرفت راسي اني غدي نبغيه ولكن ترجعات على حساب هو من العائلة وانا أصلا سادة قلي مكنخلي تاوحد يقرب ليه ومحافظة على راسي لزوجي المستقبلي.