الفصل الخامس

في منزل كامل.

فتح كامل باب غرفة ابنته قائلا بجدية :

-فاضيه يا فرح ولا بتعملي حاجه

رديت فرح بأدب :

-لا يا بابا اتفضل

كامل بعد أن جلس بجانب ابنته :

-عارفه عمر جارنا و خالتك عواطف كانوا جايين ليه

أومأت براسها برفض بخجل فهي تعرف ما السبب

تنهد كامل قائلا بصوت حازم:

- كانوا جايين يطلبوا ايدك مني بصي يا بنتي بصراحه انا مش موافق على الجوازه دي هو الولد كويس في كل حاجه بس

تحول وجه فرح من خجل إلي حزن شديد :

-بس إيه

هتف كامل قائلا بتوضيح وضيق :

-وراءه مسئوليه كبير يا بنتي و مش قد مصاريف فتح بيت دلوقت

أردفت فرح بضيق:

- بس حضرتك لسه قائل إنه كويس

حدق فيها قليلأ ثم هتف بشك :

-هو انتي موافقه على الجوازه دي ولا ايه

صمتت لبرهة باضطراب وقالت فرح بتوتر:

- هو ،هو يعني

صاح كامل بجدية :

-انتي في حاجه بينك وبين الولد ده

تنهدت فرح و قالت بتوجس:

- حضرتك عودتني علي الصراحه عشان كده هحكيلك كل حاجه

***

جلس بداخل منزل عمر وهتف حازم بفرح :

-بجد روحت طلبت أيد فرح من أبوها مبروك مقدما يا عم

رد عمر بضيق:

- مش لما ابوها يوافق الاول

عقد حازم حاجبيه بدهشة وقال باستنكار:

- يا سيد ماتبقاش متشائم ان شاء الله هيوافق

ليقول عمر باحباط شديد:

- طب و أبوها ما انا لسه حكيلك إللي فيها

تنهد حازم قائلاً بهدوء:

- طب ما تقلقيش وسيبها على ربنا

أكمل بتردد :

-و يعني لو محتاج حاجه انا ممكن

رد بحزم بسرعه قائلا :

-لاا شكراً يا حازم مش محتاج حاجه قل لي انت بقى عامل ايه مع خطيبتك لسه هي و أمك في خناق

تنهد حازم بيأس من صديقه عندما استشعر بأن عمر أراد أن يغير الموضوع للحفاظ علي عزة كرامته وهتف :

-هم بيبطلوا خناق اصلا انا مش عارف ماما ليه مش راضيه تقبل كارمن أنا بحبها أوي و عمري ما هتجوز غيرها بس ماما مصممه تجوزني بنت خالتي

قال عمر ليخفف قلقه بهدوء :

-معلش يا حازم بعد الجواز أكيد هتحبها ممكن تكون غيرانه ولا حاجه يا عم

أبتسم حازم علي مداعبه صديقه ثم عقد عمر حاجبيه باستغراب:

- في حاجه عاوز اسالك عليها من ساعه لما شوفتك ايه اللي على القميص ده

تذكر حازم ليقول بغيظ :

-متفكرنيش أختك الله يسامحها حدفتني بالكوره في الشارع

حدق في عمر بذهول وقال:

- زهره

هتفت عواطف بحده وهي تدلف للداخل و بيدها أكواب الشاي :

-بنت ال... هي راحت تلعب كوره تاني في الشارع معلش يا إبني والله لاوريها

***

في منزل كامل بداخل غرفه نوم ابنته

هتفت فرح بصوت مترددة قائله :

-بس كده هي دي طبيعه العلاقه بيني وبين عمر

ليقول كامل بغضب مكتوم:

- يعني انتي بتحبي و هو كمان و بتقابله بعض كمان و أنا معرفش

طأطأت فرح رأسها في الأرض بإحراج من والدها فهو محق لتقول بخجل :

-أنا أسفه يا بابا أنا عارفة اني غلط بس والله غصب عني ولله يا بابا عمر كان علي طول ببحافظ عليا هو انسان كويس أوي وأنا متأكده أنك هتحبه بعد كده

اشاح وجهه الناحيه الاخرى بعدم اقتناع بينما اقتربت فرح من والدها و وضعت يدها علي كتفه و قالت بلين :

-مش طول عمرك بتقولي لازم اللي هترتبطي به يكون راجل بمعني الكلمة عشان يعرف يحافظ عليكي و يكون بيحبك أهو انا بقي لقيت الراجل ده و كمان بيحبني وافق عشان خاطري و أوعدك أنك مش هتندم

***

بعد مرور اسبوع قال عمر مداعي الجديه :

-انا بقول كفايه بقى اسبوع و اتصل بحسام و أقول لي إنك مش موافقة علي الجواز

هتف علا بتوتر مسرعه :

-لا متتصلش تقول كده أنا موافقه

قهقهه عمر علي أخته وقال بحنان:

- آمال ليه كل ما اسالك تقولي لي بكره بكره ، و انتي مقرره

أحست علا علي نفسها وتقول بخجل :

-كده يا عمر الله يسامحك

أبتسم وهو يقترب منها و ينظر باعينها قائلا :

-علا بصيلي كويس انا نصفك الثاني يعني بحس بأي حاجه من قبل ما انتي تحسيها وعارف كمان أنك بتحبي حسام مش زعلان منك و متاكد مليون في المئه انك محافظه على مشاعرك لوحدك جواكي وعمرك ما هتعملي حاجه تخليني ازعل من ثقتي فيك

أبتسمت علا بسعادة وامتنان علي ثقه اخيها لها وتحمد الله علي هذا الأخ.

***

دفش حسام الهاتف علي الفراش بقوه مرادفا بصراخ من الألم بعد أن أبلغه عمر بموافقه علا علي طلب الزواج

سقط حسام علي مقعد بحزن فهو غير قادر علي فعل شئ كان أمله الوحيد بأن علا ترفض الزواج منه لكن خاب ظنه و وافقت علا عليها

قال حسام و قلبه يعتصر من شدة الخذلان الذي شعر به :

-ليه بس وافقتي عليا يا علا ليه ده أنا كأن املي الوحيد بأنك ترفضني بس يعني إيه هضيع عمري كله مع واحده مابحبهاش؟.

**

في مطعم في شارع قصر النيل في ساعة الغروب كانت جالسة فتاه مرتدية بنطلون جنس ازرق في لون زرقة السماء الصافية وبلوزة في لون قشرة البرتقال وفي قدميها حذاء بكعب البنطلون ضيق كانها ترتديه تحت جلدها والبلوزة تنسدل فوق صدرها كانها نسيت أن ترتديه كانت تضرب بساقها في الأرض بقوة و غيظ تحاول إخفائها من تحت الطاولة وعلى خدها والأخرى تطرق بأصابعها على الطاولة و هي تطلعت في الساعه الفخمه التي ترتديها التقت عيناها بشخص قادم بتاجها لتهدئة من روعتها قليلأ

حازم وهو يجلس أمامها قائلا بأسف :

-معلش يا حبيبتي انا اسف على التاخير

عدلت من جلستها لتضع راحة يدها و قالت بغضب:

- ما لسه بدري ما كنتش جيت اصلا

قال حازم :

-بلين معلش بقي يا حبيبتي مكنش قصدي اتاخر بس الكلام خذني مع عمر و نسيت نفسي بس أول ما اخدت بالي من الساعه جتلك على طول

-نعم عمر تاني هو أنت مش كنت بطلت تقابل الولد ده

تجاهل نبره الغضب الذي في عينيها و قال بحده :

-أولا مسموش واد ليه إسم و بعدين أنا مبطلتش اكلمه ولا حاجه هو كان مسافر و رجع و بعدين نفسي أفهم مالك و ماله كل ما يجي سيرته تجنيني كده

هتف كارمن ببرود :

-عشان مش من مستواك ولا فلوس ولا تعليم أنت ضابط و هو حته صايع مع.

قاطعها بحزم وغضب :

-كارمن حاسبي علي كلامك اللي بتتكلمي عليه ده صاحب عمري و وقف معايا كتير

أحست كارمن بتهور الأمر لتقول :

-أنا مش قصدي حاجه متشفهمش كلامي غلط يا حازم أنا بحبك و خايفه عليك منه

رد حازم عليها بانزعاج قائلا :

-خايفه علي مني ليه

هزت رأسها بعدم مبالاة وقالت كارمن بوقاحه:

- ليكون طمعان فيك ولا حاجه

أجاب حازم بغيظ :

-عمر مش كده و بعدين عمر اللي مش عجبك دي لولا موت أبوه و شال هو المسؤولية لوحده من بعده كان زمانه بقي حاجه تانيه دلوقتي بس النصيب بقي

لوت شفتيها باستهزاء تردد كارمن بسخريه :

-و مبقاش حاجه خلاص ما علينا مش هنضيع الخروجه كلها في سيره استاذ عمر أنت حر أنا نصحتك

تنهد حازم قائلاً :

-طب خلينا فعلأ نقفل علي الموضوع عشان منتخنقش إيه ده اللي انتي لابساه دي أنا مش منبه عليكي متلبشيش كده

هزت كتفها ببساطه وقالت:

- عادي يا حبيبي دي الموضه

** ** **

يتبع.