الفصل الرابع

أغلقت هند باب السيارة و انفجرت بعصبية في أخيها :

-ممكن اعرف بقي الهبل اللي عملته فوق ده تكون رايح تتقدم لفرح و فجاه لما تروح هناك تغير رايك هو لعب عيال

تنهد حسام بتعب :

-وقال اسكتي يا هند انتي مش فاهمه حاجه

قالت والدتها بصرامة:

- بس يا بنت اچفلي خشمك اخوكي عمل الصوح عاوزه يعمل إيه لما يلاقي البنت اللي عشقها إبن عمه و اخوه رايح يتقدم ليها

التقطت انفاسها و عادة تصيح مره ثانيه قائله بحزن شديد :

-برضه ما كانش ينفع يتقدم لعلا ما كان قال فرح ممكن كان عمر خلي عنده دم و سبها لي هو يعني كان بيحبها

نطق حسام بهدوء غير طبيعي :

-لا بيحبها

هند بصدمه متحدثه بألم :

-بتقول ايه

زفر بضيق ظاهري تجيبه بنبرة مؤنبة يشوبها الألم:

- باقوللك الحقيقه عمر بيحب فرح و هي كمان بتحبه هي دي البنت اللي كان بيبعتلها جوابات عرفتي بقى أنا سكت لي

ويكمل بسخريه من نفسه بمرارة:

- و ادعي باقي أن علا هي اللي ترفضني بدل ما أكمل حياتي ما واحده ما بحبهاش

هتفت والدته باشفاق عليه متحدثه بعطف :

-بس يا حبيبي متعملش في نفسك و اطلع يلا علي البلد

***

في منزل كامل وضعت رباب صينيه بها عدد من اكواب الشاي على الطاولة و نظرت لهم بعدم رضي و تقول بسخط:

- نورتونا يا جماعه والله

نظر له عمر بانزعاج فهو يعلم أفعالها مع حبيبته فرح لترد سعاد بود قائله:

- تسلم يا حبيبتي ده نورك

جلست رباب بجانب كمال وهو يشير قائلا:

- اتفضلي يا ام زهره الشاي و أنت يا عمر

أبتسم عمر له وقال :

-تشكر يا عم ممكن نخش في الموضوع المهم اللي جاي عشانه

قال كامل بهدوء:

- والله يا ابني ما عنديش مانع انت شاب كويس وعارفين اخلاقك بس يعني

اطلق عمر حواسه باهتمام له :

-اتفضل يا عمي عاوز تقول ايه

هتف كامل بجديه:

- يعني لو حصل نصيب و بنتي وافقت عليك اقدر اعرف هتسكنها فين يعني انت لسه متخرج و لسه في اول طريقك

تنحنح عمر قائلا بتوتر:

- احم احم ما انا سافرت بره القاهره عشان كده احاول اجمع الفلوس واقدر افتح بيها بيت غير ان شاء الله هافتح ورشه ابويا الله يرحمه

ليقول كامل بضيق:

- الله يرحمه بس برده ما عرفتش هتكونوا فين بعد الجواز

فأبعد نظره عمر عنه بأحراج قائلا :

-هاجر شقه بس ده مؤقتا

نظر له بضيق ظهر واضحًا على وجهه قائلاً :

- ااه انا برضه قلت كده

سأل بتوتره يقول :

-في حاجه يا عمي

هتف كامل في جد بصوت حازم:

- بصراحه يا ابني الايجار دلوقتي مع ظروف البلد ما بقاش يدخل دماغي انت ممكن في اي وقت دي تتزنق في فلوس وتروح تسكن مع امك ولو انا اتكلمت ساعتها هيبقى مش من حقي عشان كده لازم اطمن علي مستقبل بنتي معاك

قالت عواطف باستنكار:

- كلام ايه ده بس يا ابو فرح انا إبني قد كلمته ولو اديك كلمه يبقي هيلتزم بيها

اكمل والد فرح حديثه بصوت حازم:

- الحق ما يزعلش يا ستي عواطف

تنهد عمر بقله حيله وهو يقول :

-طب ما حضرتك لسه قائل ظروف البلد مش كويسه علي الكل وانا منهم

عقد حاجبيه باستفسار وقال كمال بتساؤل :

- يعني ايه

قال عمر بنبرة جاده فهو يتمني أن يأتي بالعالم كله تحت قدم معشوقته لكن حالياً ليس لديه القدرة:

- يعني لو هاقدر اجيب شقه هاجيب من غير حضرتك ما تقول انت ما تعرفش فرح بالنسبه لي ايه وبعدين ممكن ان شاء الله بعد كده ربنا يكرم قدام و اقدر اجيب لها شقه تمليك

نظر له بعدم إقناع و قال :

-طيب اللي فيه الخير يقدمه ربنا

***

في وسط الشارع كانت مجموعة من أطفال يلعبوا بكره القدم و وسط الاطفال التي تلعب كانت طفله صغيره القامه لكن رغم صغير حجمها الا أنها أكبر الاطفال الذي تلعب معهم فهي لا تتعدى الثاني عشر تجري وراء الكره باتجاه الحارس الصغير الذي يقف أمام حوش منزل قديمه الطراز باصرار و كانت النتيجه غير صالحه لها حتي الآن، يعرف عنها لا تحب الهزيمه لتهوي الكره بحماس و بقوه من بعيد باتجاه لكن الكره تصدم بجسم أحد يمر في الشارع

شهق الرجل بصدمه وهي يتطلع علي القميص الذي كان يرتدي فاتسخ بالكامل لأن الكره كانت مليئة باوساخ الشارع و زاد الطين بلة بأن كان يرتدي قميص أبيض اللون هتف بصوت غاضب:

-مين الحيوان اللي حدف الكوره

لم ياتيها رد من الأطفال الذي أمامه في الأول وقبل أن يعد سؤاله مره ثانيه يأتي صوت لم يره:

- أهو أنت اللي حيوان

تطلع للأطفال بغيظ و هو يبحث عنها:

- مين ده اللي حيوان يا حماره انتي اطلعي كده وريني نفسك الاول

لتاتي فتاه صغيره له وهو تضع يديها علي وسطها و تقول بتحدي :

-اديني طلعت اهو وريني هتعمل ايه

قبل أن ينطق يزهل في البداية من جمالها الساحر فهي من المستحيل تكن طفله صغيره.همس داخله

قالت بعصبيه طفوليه رغم سنها :

-ما تنطق يا عم انت جاي تتفرج عليا مش عاوز تتخانق اتخانق اديني قدامك أهو

صاح فيها بغضب :

-يا بنت انتي هو انا قتلت ليكي قتيل ده انتي اللي غلطانه مش شايفه عملت ايه في القميص بتاعي

لترد باستفزاز و مازالت تضع يديها في وسطها:

- و أنا مالي مش انت اللي عامل فيها احمد عز و جاي الحاره بتاعتنا بقميص ابيض عشان عينيك الملونه تبان مع القميص الأبيض

رد ببلاهه عليها:

- ايه ده هي عيني شكلها حلو مع القميص

لينتبه لنفسه و يصيح فيها:

- بت انتي هو انا مش عارف اخذ منك عقاد نافع

قالت نفاد صب:

- ييييو بقي ما خلاص يا عم قميص و اتوسخ اعمل لك ايه خد ليك فومين عشان ترتاح ده انت غيتت

رد عليها بأسلوبها ليغيظ فيها:

- والله ما في حد غيتت غيرك عارفه يا بت انتي بتفكريني بمنين وانتي شعرك منكوش كده بي سوكا العبيطه هي بغباوتها

لتلوح بيديها بضيق و لترحل من أمامه و ينده عليها بحده قائلاً :

-خذي يا بت استنى

-عاوز ايه تاني .

صمت ثواني ثم قال بتساؤل :

-استني ممكن الواحد يستفيد منك بحاجه متعرفيش فين عماره 25 أو واحد ساكن هنا إسم عمر زين

تطلعت فيه من أعلي لأسفله و تردد :

-وكمان طلعت ضيف جاي عندنا تعالي ورايا وابقي فكرني اخلي اخويا يستنضف في اصحابه اللي بيصاحبهم

تفتح علا الباب وهي تنظر لاختها بغيظ :

-زهره انتي كنت فين وايه اللي مبهدلك كده شكلك كنت بتلعبي كوره تاني مش امك حزرتك من لعب الكوره في الشارع ثاني انت ما بقتيش صغيره

صاحت زهره بعناد قائله رغم صغر سنها :

-ايه راديو و اتفتح وبعدين انا ما فيش حد هيمنعني من لعب الكره في الشارع ثاني

نظرت لها علا بغيظ و تكمل زهره و هي تخبط رأسها بتذكر:

- اه صح ابقي شوفي الراجل ده عاوز ايه لقيته تايه في الشارع بيدور على عمر

حدق حازم فيها بغيظ وقال :

-تايه

تدخل زهره للداخل و تنظر علا لها قائله :

-باحترام خير حضرتك عاوز مين

رد حازم بجديه :

-احم عاوزه عمر زين هو ساكن هنا

أومات براسها بالايجاب لتقول بصوت خافت :

- ايوه هو ساكن هنا بس هو مش موجود دلوقتي شويه وهيجي

زفر حازم باحباط وقال:

- طب تمام ابقي اعدي عليه بعدين

وافقت علا بتردد فهي لا تعرف ماذا تفعل و قالت بتفكير:

- بس هو عند الجيران اللي فوق وكلها دقايق وهتلاقي نازل هو انا بصراحه مش هينفع ادخلك عشان انا لوحدي انا واختي بس خليك ثانيه هاروح اجيبلك كرسي اعملك كوبايه شاي

أبتسم حازم بامتنان:

- ماشي تمام

***