الفصل الثاني

تنهد بعمق عمر وقال بعشق جارف:

- بحبها دي كلمه قليله علي اللي بحس بي وهي معايا تعرف يا حسام انا جيت اشتغلت هنا مخصوص عشانها عشان اجمع فلوس بسرعه و اروح اتقدم لابوها قبل ما تتجوز حد غيري ومش الشغل وبس اللي اتنزلت عنه  حتي احلامي كمان اتنزلت عنها من ساعه ما حبتها

ليندهش من حالة عمر و العشق النابع من حديثه عنها :

-يااا كل ده للدرجه بتحبها

رد عمر مأكد:

- و اكتر من كده كمان انا كان ممكن ادخل كليه الشرطه اللي كان نفسي فيها بس كنت هصرف الفلوس اللي هشغلها علي الكليه حتي الشغل هنا مش عجبني بس لازم اتحمل ومش مهم اي حاجه تاني المهم تكون معايا

أبتسم حسام وقال بمشاكسه :

-شوقتني اعرف هي مين اللي عملت فيك كل ده

ابتسم عمر قائلا بضحك :

-بكره تعرف

حسام بابتسامة عريضه:

- ماشي بكره نعرف مين

***

بعد عدد أيام أسندت برأسها على زجاج النافذة تتأمل الشوارع المزدحمة بالناس تختلف ملامحهم وتتباين هيئاتهم ومستوياتهم الاجتماعية تقاوم الاجهاد كما تقاوم اليأس بذكراتها الماضية فقدان أمها و أخيها الوحيد و ماعملت زوجة أبيها لها كم كان صعب لها.

تضع يديها علي قلبها فمن يسكن بداخله محى كل  ياس وتبدل بفرح قضيت اسعد اوقات حياتها معه لكن تفاجات بأن سوف يرحل ويسافر هو الاخر أقنعت نفسها بأن سوف لا ينساها فهو بيحبها بل يعشقها ولم يتخلي عنها لكن البعد استدرج عقلها بأفكار سيئه

-إلي واخد عقلك يتهنى به

هتفت علا عندما تطلعت لفرح وهي شارده هكذا تطلعت فيها فرح بانتباه قائله باستغراب :

-هااا لا مفيش

ابتسمت لها علا وقالت بخبث :

-عمر وحشك مش كده مش قادره علي بعده

بادلتها الابتسامة فرح باشتياق مرددة :

-اكيد واحشني بس مش دي اللي سرحانه فيه

عقدت حاجبيها باستغراب وقالت علا بتساؤل باستفهام:

- اومال سرحانه في إيه

هدرت فرح بضيق وقالت بحده :

-مرات أبويا رجعت تضايقني تاني

تنهدت علا وقالت :

-يا فرح كبري دماغك و سيبك منها ولما متلقيش منك رد هترجع تسكت زي زمان

لتضع يديها علي قلبها وتهمس:

- هو الوحيد اللي كان بيهون عليا وحدتي نفسي يرجع بقي يا علا

تبتسم علا حبها لاخيها فهي تعلم كما يحبها فاول من ساهمت علا في أعترف عمر لها 

**

تطالع فيها بصدمه إلجمت لسان :

-اا انتي متأكدة يا علا فرح بتحبني

هتفت علا بثقه:

- طبعا دي شغل بنات انا عارفه كويس انت مشوفتش منظرها وانا بقولها أنك تعبان اوي دي كان هيغمي عليها

قال عمر بسعادة بالغة :

-معقول فرح بتحبني انا

ليذهب بعد ذلك عمر و يحاول أن يعترف بحبه لفرح و يحدث فوق توقعته و تعترف بحبه هي الاخري

**

لتكمل علا بابتسامه هادئه:

- بكره يرجع يا فرح

هتفت فرح بألم شديد:

- اصلك متعرفيش يعني اي تكوني بتحبي حد و تتمني يبقي معاكي  بس هو بعيد عنك.

-لا عارفه

همست علا بحسره داخلها بقهر مكتوم

***

في الصباح كان كل من عمر وحسام في طريقهم للعوده لمنزلهم بداخل سيارة أجرة

ليقول عمر بحزم:

- انت هتاجي معايا عشان تتغدي مرات عمك هتفرح اوي لما تشوفك

اومأ برأسه حسام برفض قائلا :                             -لا مش هينفع انا أمي وحشاني زيك ولازم اول واحده اشوفها هي هتزعل لو عرفت اني رجعت و مرحلتلهاش هي الأول

ليقول عمر بضيق :

-يا إبني هي ساعه زمن و تروح براحتك ده انت مسافر الصعيد يعني مش هشوفك الايام دي

هتف حسام بعفوية:

- لا يا سيدي بكره أو بعد اسبوع هتشوفني و تشبع مني براحتك

ليعقد حاجبيه باستغراب متسائلا باستفسار:

- اشمعني اسبوع اللي هيحصل بعد اسبوع عشان اشوفك

ليحس حسام أن وقع في مأزق وقال :

-هاا لا عادي

وقد فهم عمر ليقول بمكر:

- اي هتخطب من مصر ولا إيه

نظر إلي الجهه الأخري حسام بضيق مرددا :

-ايوه يا سيدي ارتحت و مش هقول حاجه تانيه و بطل تستدرج الكلام مني

هتف عمر برخامه:

- اه يعني مكنتش بتجي عندنا عشان وحشينك زي ما كنت فاكر طب هي مين بقي نفسي أعرف

ليهدر حسام باحراج و زهق منه :

-ما تبطل بقي رخامه ما قولتلك بكره تعرف كل حاجه يلا يلا اديك وصلت اهو انزل بقي

ترجل عمرمن السيارة وهو يقهقه علي خجل إبن عمه أمام منزله في الحي الشعبي

***

لتفتح عواطف الباب وتصرخ بسعادة :

-عمر حبيبي

ليترمي عمر في حضن أمه قائلا باشتياق:

-  وحشتيني أوي يا أمي

قالت عواطف ببكاء :

-وانت كمان يا حبيبي كده كل المده ده كلها تغيب هونت عليك انا و اخواتك

ليبعدها عنه وينظر لها بعتاب وهو يمسح دموعها:

- ليه بس يا ماما كده متبكيش عشان خاطري مبحبش اشوفك بتعيطي

هتفت عواطف بحزن :

-غصب عني يا حبيبي اصلك واحشني أوي دي سنه بحالها تغيبها عني

لتخرج علا من غرفتها علي صوت أمها بخضه لكنها تتفاجاه بأخيها و تقول بصوت مرتعش:

-  عمر

ينظر عمر لها بابتسامة عريضه فهي أخته التوأم أو كما يطلق عليها النصف الأخر يترك امه و يتقدم منها و يضمها بحب

علا لا تستطيع تمالك نفسها وتبكي :

-واحشني أوي يا عمر

ليقول عمر بمزاح:

- اي يا جماعه هو كل ما احضن حد هايعيط امشي تاني ولا إيه

احتضنه بقوه علا تبتسم :

-لا اوعى تبعد تاني عني

عمر يبعدها برفق ويمسح دموعها :

-امال فين زهره ولا بتعيط جوه هي كمان

عواطف وهي تجفف دموعها:

- لا يا حبيبي زهره في المدرسه

***

علا :التوأم لعمر وهم أكثر من اخوه فسر عمر دائماً معها في كل صغيرة وكبيرة ، بشرتها خمريه عيونها خضراء مثل أخيها فهي تشبه جدا وملامحها جميله وشعرها حرير لونه اسود وتعمل مدرسه السنه 23

زهره: الاخت الصغرى السنه 12 سنه لكن رغم سنها الصغير تمتلك جمال من الدرجه الاول بشرتها بيضاء و عيون عسلي وشعر مموج لونه بني وجسم متناسق مثل عارضه الازياء في الإعدادية

عواطف الام: ربة منزل كانت تعمل مؤظفة لكن عمر اصر أن تجلس في المنزل ولا تعمل

***

أغلق عمر الهاتف مع صديقه حازم بعد أن اعتذر عن موعد صباحي لهم وتحرك لأعلي المنزل فوق السطح فهذا هو مخبأ لقاءاتهم السريه ليبحث عن تلك الجنية التي أسرت عقله وكيانه بالكامله وقرر أن يؤجل خروجه من البيت اليوم مستغلا عطلت الجميع وانشغال امه واخته في الطهي له وعدم وجود أخته الصغيره زهرة بالمدرسة

علي الرغم انها تسكن في الطابق فوقه لكن يخاف أن يراهم أبيها ويحدث مشاكل

ليصعد سريعا للسطح و يبحث عنها متسائلا أين ستكون لتتسع عيناه بفرحه بمجرد أن راها وهي تطعم الحمام الزاجل، كانت تقف في أخر الشرفه مولية ظهرها للباب ترتدي فستان اخضر وكرات صغيره كثيرة لامعة تحيط بخصرها كان ينظر له باعجاب و انبهار من جمالها الخلاب فهي ما ترتدي عليها تصبح مثل الأميرات ويتساءل متي تصبح حلاله.

وقف يشاهدها منصهرا وقد كانت تبتسم لحين واخري للحمام وهي تطعمها كأنها تتكلم معه هو تأمل ملامحها الحلوة وشقاوتها وسخونة حركاتها متعجبا كالعادة مما تفعله به

اقترب منها وهي مستمرة في اطعام الحمام وفي تحريك شعرها يمينا ويسارا ، اقترب حتي أصبح خلف ظهره تماماً و انحنى فرفع يديه وهو تتحسس وغلبته المشاعر لتشم هي رائحه تعرفها جيده فترقرقت عيناها بالدموع ايعقل أن يكون هو خلفها بالفعل

قال هو هامسا:

- واحشتني يا فرح