One Night with the Boss - Chapter 13 ‘DAPAT ba siyang matuwa?’ tanong ni Abigail sa sarili. Para sa isang lihim na umiibig na katulad niya, ang dapat na maging reaksiyon ay katuwaan lang dahil may pagtingin na din pala sa kanya ang lalaking sikretong minamahal. Ngunit bakit parang mas gusto niyang magalit? Dahil hindi siya naniniwala. Paano magkakagusto sa kanya ang isang lalaking labis na umiibig sa isang babaeng nagngangalang Mia? Hinding-hindi na siguro niya makakalimutan ang mga sinabi ni Liam kahapon. ‘Kami ni Mia ay wala pang isang taon engaged… pero tatanggapin ko pa rin siya kapag bumalik sa akin.’ Pinili ni Abigail ang huwag magalit dahil taliwas sa natural na ugali niyang mapagpasensiya. Pero hindi naman niya kayang bawalan ang sarili na masaktan at maghinanakit. Laruan lang ba ang tingin ni Liam Ramsey sa kanya?

One Night with the Boss - Chapter 15 NANG makarating sa opisina, agad na inasikaso ni Abigail ang pagpi-print sa file na ni-rush niyang i-type kaninang umaga. Nang matapos, inilagay niya sa bagong folder ang mga papeles at ipinasok sa private office ng boss. “Kailan mo ginawa ito?” Nagulat si Liam. “Kaninang umaga po, pagkagising ko.” “Hindi ka na sana nagpakapagod. Nandito pa sa hardisk ang file.” “Oo nga pala.” Natigilan rin si Abigail. Bakit ba niya nakalimutang gumagawa nga pala siya ng back-up file sa bawat project information na ipinata-type sa kanya? “Anyway, thank you at hindi mo nakalimutan ang tungkol dito.” Parang namalikmata si Abigail. Mainit ba ang ngiti ni Sir Liam sa kanya? “W-welcome po, sir. Lalabas na po ako.” Gustong mataranta ng dalaga na hindi niya mawari. Para kasing may kapangyarihan ang mga kislap na nasa mga mata ng lalaki

One Night with the Boss - Chapter 17 “S-SIR!” Napasinghap siya nang magdikit ang kanilang mga katawan. Para kasing binalot ng apoy ang kabuuan niya. “Gago ka, a?” Awtomatikong umiral ang pagkabarumbado ni Kuya Lori. Nakabangon agad at dinaluhong ng malakas na suntok si Liam. “Ay! Tama na!” Iniharang ni Abigail ang sarili nang akmang susugod na naman ang kapatid. “Nakupo! Huwag na kayong mag-away, plis!” Nakiawat din si Pepang. Nangunyapit ang dalawang kamay sa isang braso ni Lori. “Sino ba’ng gago ‘yan, Abigail?” “Siya ang boss ko!” “Ako ang bagong nobyo ni Abigail!” Sabay na nagsalita sina Liam at Abigail. Napatigagal ang dalaga. Si Pepang naman ay napanganga. “Ano ba talaga?” Pakunwari na lang ang pag-angil ni Lori. May nakabahid nang pagtataka sa mabagsik na ekspresyon. “S-siya si S-sir Liam.” Ipinilig muna ni Abigail ang ulo bago sumagot nang pautal. “Ang boss namin ni Pepang.” “

Blackmailed by the Boss - Chapter 2 Nakasuot siya ng cycling shorts na itim at midrib blouse na puti. Pawang ganito rin ang attireng mga kasama.   Pare-pareho silang may pagka-conservative sa pananamit. Dahilan na rin siguro sa kanilang mga nakaraan.        "Hindi ka pa ba nakakaranas ng crush o infatuation sa buong panahon na nasa labas na tayo? For example, sa kumpanyang pinapasukan mo? Wala bang mga presentableng lalaki doon?"   Tila nasa mood dumaldal si Myrza.        "Maraming presentable sa kumpanya, Mar. At karamihan ay mga disente pa. Educated at with breeding pa. Galing sa mga pamilyang may sinasabi. Mga pamilyang hindi magkakagusto sa kahit na anong eskandalo." Tumikhim si Alejandra.   "Sa palagay mo ba, babagay ang isang tulad natin sa kanila?"    &

Blackmailed by the Boss - Chapter 4   Napapitlag si Alejandra nang bumukas ang elevator. Napalalim na pala nang husto ang pag-iisip niya.      Dali-dali niyang iwinaksi ang mga pangit na alaala sa loob ng isipan. Hindi siya dapat nag-iisip ng mga ganitong bagay sa lugar ng trabaho.      Kinagagalitan niya ang sarili habang papapasok sa kanyang opisina.      Katulad nang dati, wala pa ang sekretarya niyang si Lenny. Mamaya pa naman ang takdang oras ng trabaho pero nakagawian na ni Alejandra ang pumasok nang maaga.      Naglabas agad siya ng mga reports na itinatago ng kumpanya sa isang malaking kaha de yero. Ang Rivalgo Research Project ang hawak niya ngayon.      Ilang sandal