NGUMITI si Megara sa babaeng naghahanda ng almusal sa loob ng kusina at binati pa ito bago umupo sa harap ng kitchen island.May nakahanda nang sinangag sa ibabaw ng counter, may scrambled egg, hotdogs, tuyo sa isang plato na may kasamang mga hiniwang kamatis na pula, at pandesal. Napangiti pa siya habang nilalanghap ang mabangong amoy ng kasalukuyan nitong pinipritong marinated na bangus."Ang bango naman, manang! The best talaga ang mga luto mo," puri niya sa babae nang humarap ito sa kaniya para ibigay ang kaniyang hot chocolate.Malapad pa itong ngumiti. "Ikaw talaga. Kabago-bago ko lang dito, e. Impressed ka na masiyado sa akin?"Natawa siya bigla sa narinig. Humigop siya nang mainit na tsokolate bago kumuha ng hotdog at diretsong sinubo ang kalahati.Hindi naman siya masarap magluto. Si Russel lang naman ang gustong-gusto ang mga niluluto niya. At simula nang magkaroon sila ng problema, mas lalo yatang sumama ang lasa ng mga pagkaing niluluto

"BUNTIS ako at sa iyo ito!"Matagal na nanatiling nakatulala si Russel matapos marinig ang mga katagang lumabas mula sa bibig ni Narissa. Nanginginig ang kamay niyang nakahawak sa pregnancy test kit. Wala sa sariling nabitiwan niya ito nang tuluyang mag-sink in sa utak niya ang lahat.Umiling siya. Hindi pa rin makapaniwala sa mga nalaman. "Sabihin na nating buntis ka nga, pero paano ka nakasisigurong akin iyan!"Hindi makapaniwalang tinitigan siya ng babae. Nakaawang ang bibig nito na para bang hindi nito matanggap ang mga narinig.Tumalim naman ang mga mata niya. Masamang tinitigan ang dalaga. "Sa dami ng lalaki mo, the hell knows kung kaninong anak iyan!"Galit niyang dinuro ang tiyan nito. Nanginig naman bigla sa galit ang mga kamao ng babae. Umangat ang kamay nito at akmang sasampalin siya, pero mabilis niyang nahawakan ang braso nito."How dare you, Russel! Simula nang makilala kita, hindi na ako nakipag-sex pa sa ibang lalaki! Sa iyo

ISANG malalim na buntong-hininga ang pinakawalan ni Megara matapos isandal ang likod nito sa malaking puno na pinagkukublihan niya. Ilang ulit siyang lumunok nang maramdaman ang malakas na pagtibok ng kaniyang puso. Kung dahil ba sa kaba o takot, hindi niya sigurado.Nasa harap siya ngayon ng isang gusali kung saan pumasok si Russel. Building iyon ng mga condo unit na malapit sa kompanya ng asawa niya, pero bakit nandito ang lalaki? Sino ang nakatira sa loob ng gusaling iyon?Kanina, sa halip na umalis para mag-mall, pinigilan niya ang driver ng taxing sinasakyan at sinabihan itong pumarada at magkubli sa hindi kalayuan. Ilang minuto siyang naghintay sa labas ng private subdivision. Nang makita ang papalayong kotse ni Russel, inutusan niya ang taxi driver na sundan ang sasakyan ng lalaki.Hindi niya alam kung bakit, pero biglang sumagi sa isip niya na pupuntahan ni Russel ang kabit nito. Mas lumakas ang hinala niya nang tumigil sa tapat ng kompanya nito ang kots

PINAGMASDAN niyang buksan ni Narissa ang pintuan ng condo unit nito hanggang sa makapasok ang dalaga sa loob. Sinundan niya ito patungo sa sala at may ilang segundong pinagmasdan habang nakaupo ito sa mahabang sofa.Nakakrus ang dalawang kamay ng babae sa tapat ng dibdib nito. Halata ang inis sa pagmumukha. Kanina habang lulan sila ng kotse niya, nagtalo silang dalawa dahil pinagpipilitan nitong doon siya matulog sa condo unit nito. Hindi siya pumayag kaya nag-inarte ang babae."Ano ba kasing pinaggagagawa mo? Bakit bigla na lang sumakit iyang tiyan mo?" Matalim niya itong tinitigan habang hinihintay itong makasagot.Mula sa kawalan, binaling nito ang mga mata sa kaniya. Masama siyang tinitigan. "Narinig mo naman siguro ang nurse, `di ba? Stress ang dahilan ng nangyari sa akin! At nang dahil iyon sa iyo!"Lukot ang mukhang umupo siya sa armchair sa kaliwa ng sofa at naiiling na tinitigan ang dalaga. Sa init ng ulo niya, gusto na lang niya itong saktan nan

NAGPAKAWALA nang malalim na buntong-hininga si Megara matapos matanaw ang paglabas nang ikalabing-anim na babae mula sa gusali kung nasaan ang condo unit ng kabit ni Russel.May isang babae kanina na papasa bilang kabit ng asawa niya. Maganda ito, maputi, matangkad, nakasuot ng pekpek shorts at black sando na pang-itaas, pero may kasama naman itong matandang hukluban na humahalik-halik pa rito. Dahil doon ay naisip niyang imposible rin kung iyon ang kerida ng asawa niya.Nagbuga siya ng hangin matapos sumandal sa malaking katawan ng puno. Pinagsalikop niya ang dalawang braso sa tapat ng dibdib. Biglang kumalam ang sikmura niya.Kanina nang umalis si Russel sa bahay nila, sumunod na rin siya rito. Mabilis ang pagpapatakbo nito kaya nawala sa paningin nila ng driver ng taxing sinasakyan niya. Sa sobrang inis, dumiretso na lang siya sa labas ng condo ng babae at hinanap ng mga mata ang kotse ng asawa, ngunit wala naman iyon doon. Mukhang may ibang pinuntahan si Rus