MALALIM na buntong-hininga ang pinakawalan ni Megara matapos nitong maupo sa dulo ng kama nila ni Russel. Iginala niya ang tingin sa buong silid at hindi naiwasang hindi makaramdam ng paninikip ng dibdib.Pumayag siyang makipagbalikan dito sa kondisiyon na magkahiwalay sila ng tutulugan. Pumayag naman ito sa gusto niya. Sa ngayon, nasa sala ito at doon matutulog hanggang sa tuluyan silang magkaayos dalawa.Mapait siyang ngumiti. Alam naman niyang hindi na talaga sila magkakaayos. Kahit nandoon siya, ginagawa niya lang iyon para gawin ang paghihiganti rito, at hindi para isalba ang kasal nila.Malungkot siya. Kung puwede nga lang makipagbalikan dito at ayusin ang pagsasama nila, pero hindi na niya kaya. Naniniwala siya, na oras na niloko ka na ng isang lalaki, paulit-ulit ka na nilang lolokohin. At isa pa, matapos ng mga nalaman niya tungkol sa nakaraan ni Russel, tila mas lalo siyang itinulak niyon palayo. May sakit ito, at hindi na nito mapipigilan ang kagustuh

NAGMAMALAKING ngumiti si Russel habang nakatanaw sa asawang si Megara. Nakaupo pa rin ang babae sa VIP table at sunod-sunod na uminom ng alak habang nakatuon ang tingin sa cell phone nito. Hindi niya mapigilang hindi hilingin na sana ay siya ang gustong tawagan o text-an ng asawa. Pero sino bang binibiro niya? Galit pa rin ito kaya malamang, kung may padadalhan nga ito ng text ay ang imbistigador iyon at hindi siya. Hindi nga siya nagkamali. Maya-maya lang ay nakatanggap na siya ng text mula sa lalaking si Kane. F-in-orward nito sa kaniya ang text mula kay Meg. "Lalasingin ko ang sarili ko. Ikaw na ang bahala sa akin." Huminga siya nang malalim sa nabasa. Muli siyang um-order ng isang baso ng alak bago muling tinanaw ang babae. Bahagya siyang nakaramdam ng pag-aalala nang makita kung paano uminom si Megara. Ngayon niya lang ito nakitang ganoon. Hindi naman marunong maglasing ang babae, natuto lang itong uminom noong nagrerebelde na sa kaniya d

NAKANGITING ibinaba ni Megara ang dalawang plato ng fried shrimp at grilled chicken breast, saka tuluyang umupo sa upuang katapat ng lalaking si Kane.Katatapos niya lang magluto para sa lunch. Doon kakain ang imbistigador dahil may pag-uusapang mahalaga ang dalawa. Ayon kay Russel, may binabalak ang mga itong gawin para mahuli ang lalaking si Rinhu Tianok. Napag-alaman niyang iyon pala ang pangalan ng lalaking sumusunod at nagmamatyag sa kaniya.Nag-umpisa silang kumain habang nag-uusapan sina Russel at Kane. Hindi siya sumingit sa usapan ng mga ito. Nanatili siyang tahimik habang may sariling iniisip."Ano? May hinala ka na kung sino ang nasa likod nito?" nakuha ng imbistigador ang atensiyon niya nang marinig ang sinabi ng lalaki.Nabungaran niya itong seryosong nakatingin sa asawa niya. Nang balingan naman niya si Russel, tumingin din ito sa kaniya at may maliit na ngiti sa mga labi nang hawakan ang kamay niya.Muli itong bumaling sa imbistigado

NAKATAPIS ng puting tuwalya ang buong katawan ni Megara nang muli siyang lumabas ng banyo. Tumutulo pa ang tubig mula sa ulo niya pababa sa kaniyang katawan nang tumigil siya sa tapat ng kama."Megara!"Mataman niyang pinagmasdan ang lalaking nakagapos pa rin sa ibabaw ng kama at nakapiring ang mga mata. Hubo't hubad pa rin ito habang tayung-tayo pa rin ang alaga.Kumuyom ang mga kamao niya nang maisip na baka ganito ang ginagawa ni Russel at ng kabit nito sa tuwing nilulukuban ng libog ang lalaki.Mapait siyang ngumiti. Ilang ulit siyang umiling bago maagap na humakbang patungo sa loob ng walk-in closet. Naghanap siya ng damit na maisusuot bago kinuha ang leather sling bag niya."Meg, baby! Where are you? Kalasin mo na ito. Get this off, Megara!"Muli siyang lumabas at tumayo sa harap ng kama habang suot ang floral pearl suspender dress. Nakasukbit na sa kabilang balikat niya ang dalang sling bag."I know you're there, Megara. I can

NAGMAMADALING lumabas ng bahay si Russel at lumapit sa mataas na tarangkahan. Binuksan niya ito at natatarantang hinila palayo ang babae. Pilit naman kumakawala mula sa mahigpit niyang pagkakahawak si Narissa sa braso nito."Russel, nasasaktan ako!" malakas nitong reklamo.Marahas niyang itinulak at masamang tinitigan ang babae nang makalayo sila sa gate. "Bakit ka nandito! Ano na naman bang kailangan mo!""Ikaw! Ikaw ang kailangan ko! Kailangan kitang makausap!"Mariin niyang kinuyom ang mga kamao bago nilingon ang pinto ng bahay nila. Nang masigurong wala roon si Meg, galit niyang binalingan si Narissa at muling hinawakan sa braso nito."Umalis ka na! Umalis ka at huwag nang bumalik dito!" sigaw niya na ikinatigil ng babae.Halata sa mukha na nasasaktan ito sa pakikitungo niya, pero hindi iyon binigyan ng pansin ng dalaga. Nag-aapoy naman sa galit ang mga mata niya. Sa labis na inis, pakiramdam niya ay masasaktan niya ito.Masiyado