HINDI siya mapakali habang nakaupo sa harap ng asawang si Meg at nakikita naman sa malayo ang dalagang si Narissa na panay ang lingon sa gawi nila.Mula sa dalaga ay nabaling sa lalaking kasama nito ang paningin niya. Hindi pamilyar sa kaniya ang mukha ng lalaki kaya alam niyang wala ito sa business industry. Pero sa hitsura nito, hula niya, kung wala ito sa mundo ng pagtuturo ay isa naman itong engineer.Muling nakuha ni Narissa ang atensiyon niya nang ipatong nito ang kamay sa ibabaw ng hita ng lalaki at saka ngumiti. Nakatingin pa rin ito sa kaniya kaya alam niyang sinasadya ng babae ang gawin iyon upang inisin siya.Halos tumaas ang dugo niya sa ulo dahil sa inis. Kung maaari lang niyang lapitan ang dalaga at kaladkarin ito palayo sa kasama nito ay ginawa na niya."A bottle of red wine, and one order of steak sandwich."Nakuha ni Megara ang atensiyon niya nang marinig ang in-order nito. Agad na bumalatay ang pagtataka at pag-aalala sa mukha niy

SINALUBONG ng nakabibinging katahimikan si Russel sa pag-uwi niya. Ilang ulit siyang napalunok nang maisip ang cell phone niya na nawawala. Paniguradong hawak na iyon ni Megara.Nagbuga siya ng hangin bago tumungo sa kanilang kuwarto. Mukhang wala pa si Megara sa bahay nila dahil napakatahimik ng paligid. Hindi naman siya nangangamba na mabuksan iyon ng asawa dahil marami siyang inilagay na security, maliban na lang kung lalapit sa eksperto ang babae.Nang makapasok si Russel sa kanilang silid at makitang wala iyong laman, saka niya nakumpirmang hindi pa nga umuuwi si Megara. Lumapit siya sa kanilang kama at naupo sa gilid niyon.Napapikit siya nang mariin bago sinuklay ang buhok gamit ng mga daliri sa isang kamay. Makikita ang pagod at stress sa buong mukha niya. Paniguradong away na naman ang mangyayari sa pag-uwi ng babae.Hindi niya mapigilang hindi isipin, na dapat lang sa kaniya ang nangyayari noong mga sandaling iyon. Sinaktan niya si Megara at hin

MARAHAS na ibinato ni Russel ang hawak nitong kopita nang marinig ang sinabi ng lalaki sa harap niya. Naglikha nang malakas na ingay ang pagkabasag ng baso sa sahig.Halos manginig naman sa takot ang lalaking inupahan niya sa paghahanap kay Megara. Inayos nito ang malaking reading glass sa mukha at napapalunok na tumango."Give me one more chance, sir. I-I'll definitely find your wife—""Dapat lang na hanapin mo ang asawa ko!" bulyaw niya na muling ikinatigil nito. Nag-aapoy ang mga mata niya sa galit. "I'm paying you double to find Megara! It's been almost a month and you still can't find her!"May ilang sandaling napapikit ang lalaki dahil sa kabang nararamdaman nito. "Sir, natunton ko ang hotel na huli niyang tinuluyan. Pero halos tatlong linggo na iyong nakakalipas—""Bullshit!" Dinampot ni Russel ang isang folder sa ibabaw ng mesa at ibinato iyon sa lalaki. Sapul ito sa mukha. "Bigyan mo ako ng ibang update! Hindi iyong ilang lingg

MULA sa bahay, mabilis na nagtungo si Russel sa opisina upang hanapin ang ilang bagay na kailangan niya. Pagkalabas pa lamang ng elevator, bumungad na sa kaniya ang empty desk ni Aliyah.Wala sa mesa nito ang babae, pero nasisiguro niyang pumasok ito sa trabaho dahil naroon ang ilang gamit ng dalaga sa ibabaw ng mesa nito, kabilang na ang cell phone.Mabilis siyang pumasok sa loob ng opisina niya at binuksan isa-isa ang drawer ng kaniyang desk. Kung tama ang pagkakaalala niya, nailagay niya sa isa sa mga iyon ang calling card ng doctor na minsang tumingin sa asawa niya.May sarili silang family doctor kaya hindi niya masiyadong binigyan ng pansin ang babaeng doktora nang minsang mahimatay si Megara at ito ang tanging naroon sa pinangyarihan para tingnan ang babae. Pero sa nahanap niyang papel, mukhang ito ang doctor na kinuha ng asawa niya."Damn it!" Hindi niya napigilan ang sarili. Halos pagbali-baliktarin na niya ang mga gamit sa loob ng bawat drawer,

MATAGAL na nakatitig si Russel sa pinto ng apartment ni Megara habang iniisip ang mga dapat gawin at sabihin. Pagkatapos niyang marinig ang sinabi ng lalaking si Kane Agsunta, tila lumulutang na sa ere ang utak niya.Hindi niya alam kung ano ang gagawin. Simula nang makita niyang lumabas si Meg mula sa isang hotel room kasama ang lalaking si Roy, isang bagay lang ang inisip niya, pinagtaksilan siya ng asawa. Pero ngayon, matapos malaman ang sitwasiyon nito, at pagkatapos ng mga bagay na narinig mula sa lalaking imbistigador, hindi na niya alam kung paano haharapin ang babae. Napakalaki ng kasalanan niya rito.Huminga siya nang malalim bago itinaas ang isang kamay at kumatok sa pinto. Malamlam ang mga mata niya habang hinihintay ang pagbukas ng pintuan. Lahat ng minimorya niyang salita at kung anu-ano pang mga bagay na binalak gawin, mabilis na naglaho ngayong segundo na lang ang hinihintay para sa muli nilang pagkikita.Nang tuluyang bumukas ang pintuan, bumunga