Magaan ang pakiramdam ni Danielle nang araw na iyon. Kahit paano ay nagagawa nang maigalaw ng kanyang daddy ang mga kamay at paa nito. Gumaganda na rin ang katawan nito dahil hindi niya ito pinapabayaan sa pagkain. Madalas ay minamasahe niya ang mga braso at paa ng kanyang ama para sa paghahanda sa muli nitong paglakad. Naniniwala siya na balang-araw ay muli itong makakapaglakad.   Ang magandang pagbabago sa kalusugan ng kanyang daddy ay inilihim niya kay Lucy. Natitiyak niya na hindi nito gugustuhing malaman na unti-unting nagre-response sa iniinom na mga gamot ang kanyang ama. Noong una ay nagtataka siya kung bakit sa dinami-rami ng mga gamot na pinapainom sa kanyang daddy ay tila hindi naman ito gumaling kahit na konti. Kaya palihim niyang dinala ang mga gamot na iniinom nito sa kaibigan niyang doktor. Wala naman si Lucy kaya kay Linda na lamang siya nagpaalam na aalis saglit siya. Nagkunwari siya na bibili lamang ng mga personal niyang gami

Humahangos si Danielle nang makarating siya sa loob ng bahay ni Iris. Parang tumakbo siya pauwi smantalang sumakay naman siya sa kotse niya. "O ano ang nangyari sa'yo, Danielle? Bakit parang nakakita ka ng sampung demonyo at medyo namumutla ka pa?" nagtatakang salubong sa kanya ni Iris pagkapasok niya sa loob ng bahay nito. Sa halip na sagutin ang tanong nito ay nagpunta muna siya sa kusina at kumuha ng malamig na tubig at ininom. Puno ng pagtataka na sinundan naman siya ng kaibigan sa kusina.  "Tama ka, Iris. Nakakita nga ako ng mga demonyo. Nabangga ako ng babaeng demonyo sa loob ng supermarket tapos siya a ang nagalit sa akin. Gusto pa niya akong sampalin kaso hindi siya umubra sa powers ko. Ang kaso biglang dumating ang lalaking demonyo kaya nataranta ako at nagkukumahog akong makalabas sa supermarket," mahabang paliwanag niya rito.  "Si Lucy ba ang tinutukoy mong babaeng demonyita at

Nakangiti si Danielle habang marahang hinahaplos ang buhok ng natutulog niyang anak. Pagkatapos kumain ng hapunan kanina ay tinulungan niyang maglinis ng katawan si Dani. Napansin niya na dependent ang kanyang anak. Tila sanay itong mag-isa dahil ayaw nitong magpatulong sa kanya kanina para linisin ang katawan nito. But she insisted, at natuwa naman siya nang hinayaan nitong tulungan niya ito sa paglilinis ng katawan. Pagkatapos maglinis ng katawan ay pinahiga niya ito sa kama at binasahan ng kuwento sa halip na manuod ng tv. At hindi nga nagtagal ay mahimbing na itong natutulog. "Hindi magtatagal ay magkakasama-sama rin tayong apat, Denise. Ikaw, si Dhalia, ako at ng lolo ninyo," sabi niya sa natutulog niyang anak. Hanggang ngayon ay hindi pa rin siya makapaniwala na buhay pa rin ang anak niya at nahahawakan niya ito. Halos mabaliw-baliw siya nang malaman niyang patay na ang kanyang anak na si Denise. Mabuti na lamang at hindi siya nabaliw dahil kung naba

"Ano ang nangyayari dito?" Lahat sila ay sabay-sabay na napatingin kay Drewner na bagong dating pa lamang at may bitbit na attaché case ang isang kamay. Sa tindi ng tensiyon na namamagitan sa pagitan nila ni Lucy ay hindi nila namalayan ang pagdating ng sasakyan nang lalaki at ang pagpasok nito sa loob ng bahay.   "It's your maid's fault, Drewner," kaagad na sagot ni Lucy at biglang lumapit sa lalaki na para bang nagpapasaklolo.   "Excuse me, hindi ako maid kundi yaya," nakataas ang kilay na sagot ni Danielle sa pagtawag sa kanya ng pinsan niya nang maid. Kung hindi lamang nasa alanganin siyang sitwasyon ay baka matawa na siya sa kanyang sinabi. Ginaya niya kasi ang isang linya sa drama series na napanuod siya sa isang sikat na tv station. "At saka bakit ako ang sisisihin mo? Ako ba ang nagsaboy ng gatas kay Dani?" naiinis niyang tanong dito.   

Pakiramdam ni Danielle ay biglang nanlamig ang buo niyang katawan nang mapagtanto niya kung ano ang nangyari. Pinadukot at pinapatay siya ni Lucy pagkatapos ay pinalabas na namatay silang dalawa ng kanyang anak sa aksidente ngunit ang totoo ay kinuha pala nito ang kanyang anak at dinala kay Drewner. Ginamit nito si Denise para magkaroon ng utang-na-loob dito si Drewner. Hindi niya alam kung paano natuklasan ng kanyang pinsan ang pagkakatoon niya ng anak. At alam kaya nito na hindi lang isa ang naging anak nila ni Drewner kundi dalawa?  Paano nagawa ni Lucy sa kanya ang ganito kasamang bagay? Wala siyang ipinakitang hindi magandang ugali rito noon. Maganda ang pakikitungo niya at nang kanyang mga magulang dito pati na rin sa ama nitong sugarol. Talaga bang sukdulan ang galit nito sa kanya para magawa ang hindi makataong ginawa nito sa kanya? O baka sukdulan ang inggit nito sa kanya na umabot sa pagpatay sa kanya?  "N