Napag-alaman niyang lagi palang hindi naglalagi sa office si Clayton dahil kabi-kabila ang meeting nito with the clients. Minsan pa ay pumupunta rin ito sa iba pa nitong office. Ni hindi na nga siya nito nakakausap kapag nasa office ang lalaki.Ang ikinagalak lang ng puso niya ay kahit gaano ito ka-busy at kapagod ay lagi itong bumabalik ng office para maIhatid siya sa kanila pauwi. Sa umaga naman ay lagi siya nitong dinadaanan sa bahay para sabay silang pumunta ng opisina. Alam niyang lagi siyang laman ng usapan ng iba pang mga empleyado roon dahil lagi siyang nakikitang kasabay ng boss nila. Hindi na lang niya iyon pinapansin. Hindi rin siya masyadong nakikipag-usap sa ibang mga katrabaho dahil alam niyang mangangalap lang ito ng impormasyon tungkol sa kanya.Kasalukuyan siyang nakatayo sa labas ng building at hinihintay si Clayton. Tumawag ito kanina na pabalik na ito ng office kaya't pinapahintay siya nito sa labas. Hindi niya napansin ang isang babae na lumapit sa kanya." Hi! D

Pangatlong beses na siyang sinamahan ni Clayton sa pagbisita sa inay niya. Sinasamahan siya nito kapag Linggo dahil walang trabaho. Pinakilala niya ito bilang boss niya sa ina. Masayang-masaya ang inay niya nang malamang sa opisina na siya nagtatrabaho. Panay ang pasasalamat nito sa lalaki. Ang laki na ng improvement sa pananalita at pagkilos ng ina. Parang bumalik na ito sa normal at ang tanging indikasyon na lang na na-stroke ito minsan ay ang konti pang ngiwi sa mga labi nito.Pagkatapos nilang bisitahin ang ina ay pinapasyal siya ni Clayton kahit saan. Sweet at thoughtful ito sa kanya kaya't hindi niya masisisi ang sarili kung may umusbong na konting pag-asa man lang sa puso niya.Kasalukuyan silang nakaupo no'n sa isang bench sa park nang tumunog ang phone niya. Nakita niyang kumunot agad ang noo ni Clayton habang nakatingin sa kanya. Nakita niyang si Red ang tumatawag. Nakangiting sinagot niya iyon." Red! Mabuti at napatawag ka. Kumusta ka na diyan?" masayang bungad niya sa taw

Kinausap siya ni Clayton kinabukasan sa opisina habang wala si Mrs. Dominguez. Nakaupo siya sa upuan sa harap ng mesa ng lalaki.Tumikhim pa muna ito bago nagsalita." As what I've said before, our deal will end once dumating na si Faith. Hindi na kita mahahatid at masusundo sa work. I will always cherish the moments we shared together. Thank you for making me a man again," madamdaming sabi nito na hinawakan ang kamay niya.Gusto niyang maiyak. Pigil na pigil talaga siyang huwag bumuhos ang luha niya. Ngumiti siya nang tipid sa lalaking natutunan na niyang mahalin." Hindi rin kita makakalimutan, Clay," andami niyang gustong sabihin pero iyon lang ang kaya niyang ipagtapat dito.Bigla itong tumawa nang mahina at binitiwan ang kamay niya." Why are we getting emotional na para bang hindi na tayo magkikita? Everyday pa rin naman tayong magkikita sa opisina and we can remain as friends, right?" nakangiting sabi nito.Tumango siya kahit alam niya sa sarili niyang hindi na niya kayang mama

Kita niya ang pagtatagis ng mga bagang ni Clayton habang nagmamaneho ito. Nakayuko lang siya at panay ang pahid sa mga luha niya. Hindi niya alam kung saan sila huminto pero madilim sa parteng iyon at walang mga tao." Now talk. Paano kitang nabuntis?" galit ang boses nito na nakatutok lang ang tingin sa manibela." H-hininto ko na ang pag-inom ng pills two months ago," hindi na siya nagpaligoy-ligoy pa ng sagot." So, ginusto mo ang nangyari?" saka lang ito tumingin sa kanya.Hindi siya umimik bilang pag-amin na rin." Bakit? Alam mo ang kasunduan natin. Sinadya mo ba ito para mapanagutan kita? Nakikita mo ba kami ni Red bilang solusyon sa sitwasyon ninyong mag-ina? Sinabi ko naman sa iyo, di ba? I'm willing to help you but not like this."Ang bawat salitang lumalabas sa bibig nito ay tila insulto at pananakit para sa kanya. Tinigilan na niya ang pag-iyak at pinunasan ang mukha." Walang nagsasabing gusto kong panagutan mo ang anak ko. Ginusto ko itong mag-isa at wala akong planong m

Naglalakad siya sa palengke habang kumakain ng manggang hilaw. Malaking-malaki na ang tiyan niya dahil kabuwanan na niya. Nagiging routine na niyang maglakad-lakad sa palengke tuwing hapon kapag hindi na mainit ang sikat ng araw.Natutuwa siyang tumingin-tingin sa paligid at sa mga busy na bumibili do'n pati na sa mga tindera't tindero. Mayroong pwesto silang mag-ina sa palengke. Katulong ng ina ang Tita niya sa pagtitinda ng gulay at karne do'n. Pumupunta naman siya kapag nababagot na sa bahay. Wala kasi siyang kasama lagi dahil ang nag-iisang anak ng Tita niya na nasa College na ay laging busy sa school.Pinapapak niya ang isang hilaw na mangga. Mahilig pa rin siya do'n kahit tapos na ang paglilihi period niya. Natigilan siya sa paglalakad. Nakatayo kasi sa di kalayuan sa kanya si Clayton. Hindi ito kumikilos sa gitna habang nakatingin sa kanya.Iniiwas niya ang mga mata. Hindi na bago sa kanya na laging nakikita kung saan-saan si Clayton. Alam niyang pinaglalaruan na naman siya ng i