Tous les chapitres de : Chapitre 951 - Chapitre 952

MARISE POV:Kinabukasan, late na siyang nagising. Mabigat pa rin ang ulo niya at tila may natitirang sakit mula sa magulong gabi, pero pinilit pa rin niyang bumangon. Ayaw niyang manatili sa kama at magpakain sa lungkot.Paglabas niya ng kwarto ay nakita niya si Tessa na nakaupo mag-isa sa sala. Tahimik itong umiinom ng kape habang nakatingin sa bintana. Nang mapansin siya nito ay agad itong tumayo.“Gising ka na pala, Marise…” malambing nitong bati.“Nasaan sila, Ate?” tanong niya habang inaayos ang gusot niyang buhok.“Ang mama mo, pumunta na sa grocery. Si Lolo Li at si Noah, umalis ulit. Ako lang mag-isa dito kasama ang mga katulong.” Lumapit ito at sinipat ang mukha niya. “Kamusta ka na?”“Okay naman, Ate.”Hindi na niya binanggit na tumawag si Nicolas kagabi. Wala naman siyang balak makipagkita rito. At tungkol kay Anthony… kung makikipagkita man ito sa kanya, desidido na siyang makipaghiwalay. Sa ganoong paraan, mapuputol na rin ang anumang natitirang koneksyon niya kay Nicolas