Malakas na ang ulan nang makasakay si Zayden sa kanyang sasakyan. Napatingin siya sa kalangitan nang biglang kumulog nang malakas at may ilang sigawan na naganap sa paligid dahil sa gulat. Pabigat nang pabigat ang bawat patak na dumadapo sa sasakyan. "Where is she?" his voice is tired and weak. Para bang inilaan niya ang natitira niyang enerhiya para tanungin iyon. Mabigat ang paghinga niya kasing bigat ng bawat patak ng ulan. Nilingon siya ni Kevin na nasa driver seat na at kasalukuyang pinaaandar ang sasakyan. "Kasalukuyang nasa airport na sa oras na ito si Ma'am Czarina, sir," mabigat ang damdaming sagot ni Kevin. Halos mawalan ng kulay ang mukha ni Zayden. "Airport? Ano'ng ibig mong sabihin?" Tumingin si Kevin sa kanyang relo. Alam niya ang oras ng flight ni Czarina dahil sinadya niyang alamin iyon para kung sakaling tanungin siya ng boss niya. Pero mukhang huli na sila. "Isang oras nalang bago ang take-off ng eroplano niya, sir, mukhang hindi na po tayo aabot."
Leer más
INICIAR SESIÓN
