บททั้งหมดของ EXCLUSIVE ESCORT OF A RUTHLESS TYCOON (SSPG): บทที่ 341 - บทที่ 350

NAKANGITI sa isa’t isa sina Vanna at Zander nang umuwi ng bahay. Magkahawak-kamay pa silang pumasok sa loob ng bahay. Pero natigilan sila nang may pamilyar na tao ang kanilang nabugaran sa sala, kausap ng mga magulang ng asawa. Napatayo si Velora nang makita ang kapatid na namutla ang mukha ng makita siya. Napatingin siya sa mg kamay nina Vanna at Zander na magkahawak. Biglang binawi ni Vanna ang kamay niya nang sundan niya ng tingin ang tinitingnan ng nakakatandang kapatid. “Vanna…” mahina ngunit matalim ang tono ni Velora habang dahan-dahang naglalakad palapit. Kita sa mga mata nito ang pagkagulat at galit na pilit pinipigilan. Napakuyom ang palad ni Vanna, halatang kabado. “A-Ate…” tanging nasabi niya, habang nakatingin sa kapatid na tila isang bagyong handang bumagsak anumang oras. Agad na humarang si Zander sa pagitan ng asawa at ni Velora. “Velora, kalma lang. Huwag tayong gumawa ng gulo dito,” mariin niyang sabi niya na pilit pinapakalma ang sitwasyon. Pero natawa si Velo

LAGLAG ang balikat ni Zander na pumasok sa loob ng bahay. Nadatnan niya sa loob ang Papa niya. "Si Vanna po, Pa?" tanong niya na hanap sa asawa. Alam niyang sobrang sama ng loob ngayon ni Vanna sa mga nangyari. "Dinala na ng Mama mo sa kuwarto n'yo." Sagot ni Alex at nilapitan ang anak. "Hindi sa kinakampihan ko si Velora. Tama naman siya. Sana man lang nagsabi kayo. Nabigla tuloy siya sa nalaman niya. Mahirap pang pakawalan ang katulad ni Vanna. Lalo't halos si Velora ang nagpalaki sa asawa mo. Nakita mo ang lahat ng pinagdaanan niya noong maysakit si Vanna. Dapat man lang bilang respeto ay ipinaalam n'yo rin sa pamilya ni Vanna ang naging kasal n'yo." Napahinto si Zander. "May plano ko naman po akong puntahan ang pamilya ng asawa ko, Pa. Pero naunahan po ako ni Velora na pumunta rito sa bahay." Tumango si Alex, mabigat ang buntong-hininga bago nagsalita muli. “Zander, alam kong mahal mo si Vanna. Hindi ko iyon kinukuwestiyon. Pero ang pag-aasawa, hindi lang pagmamahalan ang

YAKAP ni Lyca si Vanna habang humahagulhol ito ng malakas na iyak. Bumitaw ito sa kanya at pinunasan ang mga luha sa mata. "Nagsisisi ako sa ginawa ko, Lyca," nausal ni Vanna habang tumatangis. "Pero hindi ko pinagsisisihan na ikinasal kami ni Zander. Siya ang pinakamagandang nangyari sa buhay ko," sabi pa niya na mapait ang ngiti habang patuloy na umiiyak. Ikinasal siya sa lalaking pinapangarap niya. Pero kapalit nito ang pagkawala ng kapatid na dati’y kasa-kasama niya sa lahat ng naging laban niya. Ramdam niya ang bigat ng desisyon na iyon. Pero, umaasa pa rin siya na magkakaayos silang magkapatid. "Vanna..." mahinang wika ni Lyca habang hinahaplos ang likod ng kaibigan. "Hindi mo kailangang magdusa mag-isa. Nandito pa rin ako para sa’yo." Umiling si Vanna, mahigpit na hawak ang kamay ni Lyca. "Paano kung hindi niya ako mapatawad? Paano kung tuluyan na niya akong talikuran bilang kapatid?" Napabuntong-hininga si Lyca, pinipilit ngumiti kahit ramdam niya rin ang bigat ng sitwasy

UMUWI si Zander sa kanila na may pasa sa mukha at may may sugat ang gilid ng labi. Ang lakas ng pagkakasuntok sa kanya ng asawa ni Velora. Tinanggap niya iyon. Dahil para kay Vanna. Walang-wala ang sakit na dulot ng sugat niya sa sakit na nadarama ng kalooban ng kanyang pinakamamahal. Ginagamot ni Alex ang sugat ng kanyang anak. Natatawa naman si Len sa nakikitang itsura ni Zander na napapangiwi sa tuwing dumadampi ang bulak na may gamot sa labi nito. "Bakit ka kasi pumunta doon na wala kang kasama? Sugod ka nang sugod, hindi ka naman handa. Tingnan mo tuloy ang nangyari sa'yo..." litanya ni Len sa anak. "Ma, gusto ko lang pong makausap si Velora ng masinsinan. Tungkol sa amin ni Vanna. Pero andoon po pala ang asawa niya. Kaya si Mr. Dewei Hughes po ang nakaharap ko." Katwiran ni Zander na muling napangiwi nang idiin ng kanyang ama ang bulak sa sugat niya. "Oh, e, anong desisyon mo?" Muling tanong ni Len sa anak. "Haharapin ko po sila ulit bukas. Sasamahan n'yo po ako," sagot ni

GABI ng pagpunta nina Zander at pamilya niya sa Batangas. Binubutones ni Zander ang kanyang white polo nang mapansin iyon ni Vanna. Nilapitan niya ang asawa at siya na ang nagbutones ng natitira. "Tawagin mo naman ako. Mag-asawa na tayo, ‘di ba? Siyempre, kahati mo na ako sa lahat ng bagay," malumanay na sabi ni Vanna. Napangiti si Zander at biglang kinabig si Vanna palapit sa kanya. Napaigtad naman ang asawa sa ginawa nito. "Sure, love," bulong niya, nakatitig sa mga mata ni Vanna. Hinaplos niya ang pisngi nito, mabagal at puno ng lambing. "Kahit anong mangyari mamaya, kasama mo ako. Hindi kita pababayaan sa harap nila. Tayong dalawa lang, magkasama na haharap sa kanila. Ipagmamalaki natin ang pagmamahalan natin." Napangiti si Vanna, may halong kaba at saya. "Alam kong kakayanin natin 'to, Zander. Basta magkasama tayo, ha." Ngumiti si Zander at idinikit ang noo niya sa noo ng asawa. "Yan ang gusto kong marinig. Handa ka ba?" Hinalikan ni Zander nang buong puso si Vanna