Lahat ng Kabanata ng FROM OLD MAID TO BILLIONAIRE'S WIFE: Kabanata 51 - Kabanata 60

NIYAKAP ni Elorda ang kaibigan niya. Kailangan niya iyon para nakahinga. Pakiramdam niya ang sikip-sikip ng dibdib niya. Gusto lang niya ng balikat na masasandalan. "Oh, bakit?" nagtatakang tanong ni Tess na hinahagod ang likod ni Elorda. Napabitaw si Elorda at pinunasan ang mga luha niya sa mata. "W-Wala... halika na sa clinic ni doc. Baka hinihintay na ako..." yakag niya sa kaibigan at hinawakan ang kamay ni Tess. Tahimik lang na tumango si Tess. Hindi na siya nagtanong pa. Ramdam niyang may mabigat na kinikimkim si Elorda, pero alam din niyang darating ang oras na kusa rin itong magsasalita. Habang naglalakad sila papunta sa clinic, pinipilit ni Elorda na pakalmahin ang sarili. Paulit-ulit niyang sinasabi sa isip na kaya niya 'to, na kailangan niyang maging matatag, para sa sarili niya, para sa mga anak sa sinapupunan. Pagdating sa clinic, agad silang sinalubong ng secretarya ng OB. "Pasok na po kayo, Ma’am Elorda. Nasa loob na si Doc." Ngumiti si Elorda, kahit pilit.

TULOG na tulog si Jav sa tabi ni Elorda. Pero si Elorda ay gising na gising pa, nakatagilid ng higa sa asawa. Hindi siya makatulog sa lalim ng iniisip. Kung kailan manganganak na siya, ganito pa ang trato ni Jav. Tahimik ang buong silid, pero sa loob ng isipan niya, hindi tumitigil ang tanong. Wala man siyang konkretong sagot, ramdam niyang may unti-unting nagbabago. Hindi na siya hinahaplos gaya ng dati. Wala na ang marahang hapit ng bisig sa gabi, wala na ang mga bulong na nagpaparamdam sa kanya na hindi siya nag-iisa. Pinilit niyang umunawa, pero habang nilalamig ang paligid, parang siya na lang ang lumalaban para manatiling buo ang kung anong dati’y punô ng lambing. Tinitigan niya ang mukha ni Jav sa dilim. Tahimik itong natutulog, maayos ang hinga, walang bahid ng pag-aalala. Samantalang siya, bitbit ang tanong kung may ginawa ba siyang mali, kung kulang ba ang mga ginagawa niya, o kung sadyang may hindi na muling maibabalik. Hinaplos niya ang sariling tiyan, marahang niyapos

"SALAMAT, pare..." nawika ni Jav nang pumunta siya sa opisina ni Patrick. Iniwan niya muna si Elorda at mga anak kay Tess. Napatango si Patrick. "Huwag ka nang magpasalamat. Alagaan mo ang pamilya mo at huwag mo nang bibiguin si Elorda. Baka isang araw, gigising ka na lang na wala ka nang pamilyang uuwian." Sinugod ni Patrick si Jav sa opisina nito. Muntik pa niyang masuntok ang mukha ng kaibigan. Pinabayaan nito si Elorda, binalewala at naitratong parang hindi asawa. Uuwi kung kailan gusto at aalis sa umaga para pumasok sa kompanya. Inilihim na lang nila kay Elorda ang lahat kung bakit nadatnan pa rin nito si Jav sa loob ng kuwarto. Ngunit hindi rin madali kay Patrick na palampasin iyon. Nahihirapan siyang makita ang kaibigan niyang si Elorda na pilit pa ring ipinaglalaban ang isang relasyong tila siya na lang ang kumakapit. “Kung hindi mo na siya mahal, ‘wag mo nang patagalin pa. Pero kung totoo kang lalaki, ayusin mo. Dahil kahit hindi niya sinasabi, nasasaktan siya,” mariing

"ANO ngang pangalan nina kambal?" Usisa ni Lindrick. "Javinzi Caleb Monasterio, Uno ang nickname niya at Javinzi Cael Monasterio, Dos naman ang sa kanya," proud na sagot ni Jav. Natawa ng malakas si Kevin. "Mukhang mayroon pa itong Tres, Fourth, Fifth at Six. Anong gagawin mo sa asawa mo kung pagsusunod-sunurin mo ang mga anak mo?" Natigilan si Jav habang ang mga kaibigan niya ay walang humpay ang malakas na tawa. "She's my wife. I can do whatever I want. Anong masama sa sunod-sunod na anak?" Tinapik ni Lindrick ang balikat ni Patrick. Doktor si Patrick at ito na ang bahalang magpaliwanag sa kanilang kaibigan na bagong ama. "Pare, isipin mo ang health ng asawa mo bago mo gawin ang gusto mo. Hindi makina ng bata si Elorda. Unang-una na importante ang kalusugan niya. Pinakasalan mo si Elorda dahil mahal mo siya, hindi dahil sa gusto mong magkaroon ng maraming anak," paliwanag ni Patrick at pangungumbinsi na rin sa kaibigan na isiping mabuti bago ang pansariling kagustuhan.

KINABUKASAN, nasa opisina si Jav. Subsob sa pagbabasa ng mga folder na may kinalaman sa mga bagong proposal at investor meetings. Pero kahit anong pilit, hindi siya makapag-focus, paulit-ulit bumabalik sa isipan niya ang gabing iyon. Ang malamig na tinig ni Elorda, ang tingin nitong parang may layo. May mahinang katok sa pinto. "Sir, nasa labas po si Ma'am Honeylet kasama si Miss Dindi," anunsyo ni Annie, ang kanyang sekretarya. Napatingala si Jav, at agad siyang marahas na napabuntong-hininga. Not today, bulong niya sa isip. "Let them in," maikling utos niya. Pagkapasok pa lang ay agad nang ngumiti si Honeylet sa anak. Elegante ang bihis at may bitbit na designer bag. Si Dindi naman ay naka-formal wear at may hawak na box ng imported pastries. “Anak,” bungad ni Honeylet. “Buti at hindi ka pa umaalis. Dumaan kami ni Dindi dahil may dala kaming kaunting snack para sa'yo. Baka kasi napapabayaan mo na naman ang sarili mo sa kakatrabaho.” “Hi, Jav,” sabay sabing mahinhin ni Dindi,