All Chapters of The Cold Billionaire's Forbidden Maid: Chapter 61 - Chapter 68

Tahimik ang buong mansyon ng Luceros nang araw na iyon. Ngunit ang katahimikang iyon ay tila puno ng tensyon at hindi maipaliwanag na lungkot habang dahan-dahang pinihit ni Agnes ang makapal na doorknob ng isang kwartong matagal nang hindi nabubuksan. Maalikabok pa ang paligid, ngunit hindi na ito mahalaga para sa kanya. Pumasok siya sa loob kasama si Gerald, habang sumusunod sa kanila ang dalawang kasambahay na may dalang mga kahon at ilang shopping bags. "Simula ngayon, ayusin na natin itong muli," sabi ni Agnes habang tinitingnan ang lumang mga larawan at laruan na naiwan sa kuwarto. "Dito siya titira kapag bumalik siya rito… sa tahanan niya." Tumango lang si Gerald. Walang salitang kayang magsalita ng lahat ng kanyang emosyon—guilt, pangungulila, at ang kakaibang takot na baka huli na ang lahat. Agad ipinapasok ng mga kasambahay ang ilang mamahaling gamit sa loob ng kwarto—mga bagong designer clothes, handbags, imported na perfumes, sapatos, at iba pang gamit pambabaeng halatan

Ang mga staff ay nananatiling nakaluhod sa harap ni Nica habang sina Agnes at Gerald ay tuluyang nawalan na ng dignidad sa kanilang pagmamakaawa. Ang lahat ay tahimik na saksi sa matinding tagpo.Biglang huminto ang isang mamahaling itim na kotse sa tapat ng driveway. Bumukas ang pinto. Bumungad si Rafael.Hindi nag-aksaya ng oras ang binata. Mabilis ang mga hakbang. Matalim ang tingin. Sa bawat yabag niya ay ramdam ang galit na pilit niyang nilulunok.“Nica!” tawag niya, at sa isang iglap, lumapit siya at hinila ang dalaga palapit sa kaniya.Nagulat si Nica. Napapitlag siya pero hindi siya tumutol. Ramdam niyang nanginginig sa galit ang binata. Mahigpit ang pagkakahawak ni Rafael sa kaniyang braso, na para bang ayaw nang ipahawak sa iba.“Tinanong ko na kayo noon,” singhal ni Rafael sa mag-asawa. “Ano pa bang kailangan n’yo kay Nica?”“Rafael…” mahinang pakiusap ni Gerald. “Please… anak namin siya—”“Too late,” malamig na putol ni Rafael.Muling lumuhod si Agnes. Ang dating matapobre

"Happy birthday, Rafa!" masayang bati ni Nica nang magising siya sa tabi ni Rafael sa loob ng condo ng binata. May ngiti sa kanyang labi habang inaayos ang kumot sa katawan nilang dalawa.Napangiti si Rafael at agad siyang yumuko para halikan ang mga labi ng dalaga. “Best birthday ever. After all these years na wala ka sa buhay ko… ngayon, ikaw na ulit ang unang gumising sa tabi ko,” bulong nito bago siya muling halikan, mas mariin na ngayon.Napapikit si Nica, pero pinigilan niya ang sarili. Kailangan nilang bumangon. “Hoy, birthday mo, hindi mo dapat ako ginugulpi ng halik,” natatawa niyang sabi habang pilit siyang umaalis sa yakap ng binata.Tumawa si Rafael, tumihaya at tumingin sa kisame. “Ang hirap bumangon kapag ikaw ang katabi ko, babe.”“Anong plano mo today?” tanong ni Nica habang inaabot ang robe niya. “Uuwi ka ba sa inyo? Or gusto mong ipagluto kita ng breakfast o lunch?”Mabilis na umiling si Rafael. “No. Today is special. Gusto kong ilaan ang buong araw na ’to para sa’yo

Galit na galit si Camilla habang naglalakad papunta sa kwartong dapat ay para kay Nica. Hawak pa niya ang cellphone na pinagmulan ng tawag ng call boy.“Bwisit kang gago ka!” singhal niya, halos mabali ang hawak niyang cellphone sa higpit ng pagkakakuyom. “Ang dali-dali lang ng utos ko sa ’yo! Dalhin mo lang si Nica rito at paikutin mo ang istorya na parang niloloko niya si Rafael. Bakit parang ang bobo-bobo mo?”Halos mabingi ang lalaki sa kabilang linya pero wala itong masabi. Panay lang ang “Opo, Ma’am… pasensya na, Ma’am…”Nang ibaba niya ang tawag ay mariing napapikit si Camilla, pigil ang sariling inis. “Kung hindi ka lang kailangan sa plano ko, matagal na kitang pinapatanggal sa mukha ko,” bulong niya, saka mariing binuksan ang pinto ng silid.Pagpasok niya ay agad niyang nakita ang red wine na nakalagay sa maliit na mesa. Wala na siyang pakialam kung kanino galing iyon. Gusto lang niyang maibsan ang init ng ulo niya. Kinuha niya ang baso, sinalinan, at tuloy-tuloy na ininom.“