All Chapters of My Bodyguard: Chapter 71 - Chapter 79

BUMALOT ang takot ni Cassandra nang mabosesan niya ang lalaki sa kabilang linya. Muli niya itong pinakinggan nang muli itong magsalita.“You miss me, Cassandra?”“Hudson?” Mahigpit ang pagkahawak niya sa telepono at halos nanginginig ang kaniyang boses dahil sa takot.“Wala nang iba. Ang lalaking pinakulong mo!” Damang-dama niya ang gigil nito, ang bawat pagbigkas ng mga salitang galing sa kaniyang bibig.Nanginig ang kaniyang buong katawan nang makumpirma na si Hudson ang kaniyang kausap sa kabilang linya. Ang buong akala niya ay nasunog na ang bangkay nito kasama ng iba pang pulis sa ambush. Napasabunot siya sa kaniyang ulo at hilong-talilong na nagpalakad-lakad sa loob ng master's bedroom. Huminga siya nang malalim at pilit na isinantabi ang takot na kaniyang nararamdaman.“Tell me what do you want?” Nagtapang-tapangan siya at ikinubli ang takot sa kaniyang dibdib.Napahalakhak lamang si Hudson at kung nakikita lamang ni Cassandra ang mga ngiti nito na parang nasisiraan na ng bait

“COME on, I will give you ten seconds to run; otherwise, I will shoot you here.” Napangisi si Christopher sa mga sinabi ni Adam, wari’y hinahamon niya kung gaano kalakas ang loob nito na barilin siya nang harap-harapan. “Go on, shoot me.” Humakbang si Christopher papalapit kay Adam. Nakadipa ang kaniyang mga kamay habang papalapit siya sa kinaroroonan nito, sinusukat niya ang tapang nito kung hanggang saan. “Shoot me, otherwise I will be the one to kill you.” Isang putok ang pinakawalan ni Adam, ngunit mabilis na nakaiwas si Christopher. Nagpagulong-gulong siya sa semento at nagkubli sa mga poste. Sunod-sunod na putok ng baril ang pinakawalan ni Adam. Binunot ni Christopher ang kaniyang baril na nakasukbit sa beywang, gumanti siya ng putok, ngunit sablay ang unang balang pinakawalan niya at mabilis na nakaiwas si Adam. Sandaling namayani ang katahimikan sa pagitan nila. Sumilip si Christopher sa kabilang poste kung saan ito nagtatago. Laking gulat niya nang may sumipa sa k

TATLONG araw na ang nakalipas buhat nang makidnap si Owen. Hanggang ngayon ay hindi pa rin malaman kung saan dinala ng mga kidnapper si Owen. Ang tanging pag-asa na lamang nila ngayon ay ang muling pagtawag ni Hudson. Bagamat malaki rin ang naitulong ni Adam at Donna upang matukoy ang salarin, kailangan pa rin malaman ng mga kapulisan ang lugar na kinaroroonan ng mga kidnapper.Buong magdamag na nakabantay si Cassandra sa pagtunog ng kaniyang telepono, umaasa na muling tatawag si Hudson sa kaniya, ngunit hanggang ngayon ay wala pa rin siyang natatanggap na tawag galing kay Hudson.Pasikat na ang araw, hanggang ngayon ay hindi pa rin dalawin ng antok si Cassandra. Nakamasid lamang siya sa labas ng mansyon at naghihintay ng himala na makita niyang muli ang kanilang anak. Bagamat laging nakaagapay sa kaniya si Chris, hindi niya pa rin maiwasan na mag-alala bilang isang ina. Hindi niya maiwasan na mag-isip ng mga bagay-bagay na maaaring ikapahamak ng kaniyang anak.Humugot siya ng malalim

DERMO HOTEL, Makati City—ito ang lokasyon na sinusundan ni Christopher sa pamamagitan ng tracking device na ikinabit niya sa damit ni Albert. Isa ito sa mga pag-aari ng pamilya ng mga Reboblado at isa sa mga lugar na ginagawang tambayan at aliwan ni Hudson noong mga panahon na kasalukuyan pa siyang malaya, kasama ng mga kaibigang nasa alta sosyedad, at may mga gintong kutsara sa bibig. Pagdating sa lokasyon ay agad na pinasok ng mga NBI ang loob ng hotel. Nagkagulo ang lahat nang pumasok ang kapulisan. Agad nilang tinungo ang CCTV Area at pinatay ang mga monitor ng bawat palapag ng hotel. Pinalabas din ang mga empleyado ng hotel at ang mangilan-ngilan na guest. Maingat ang bawat pagkilos ng mga pulis; hangga't maaari ay ayaw nilang may madamay na mga sibilyan sa operasyon na kanilang gagawin upang iligtas sa kamay ni Hudson at ng mga kidnappers ang anak nina Cassandra at Christopher. Sa labas ng hotel ay nakapaligid ang police mobile at ang NBI. Ang mga sniper ay kanya-kanyang puwes

RECLUSION PERPETUA, a maximum of forty years of imprisonment. Ito ang hatol kay Hudson Reboblado dahil sa patong-patong na kaso na kaniyang ginawa. Ang iba pa niyang kasamahan na katulad ni Adam, Luke, at ng iba pa na sangkot sa krimen ay pinagaan ang sentensya dahil nagsilbi ang mga ito na testigo sa mga krimen na ginawa ni Hudson. Kahit masakit para kay Cassandra na harapin si Hudson at may takot na nararamdaman, pinili pa rin niya na makausap ito nang personal. Tumayo siya sa kaniyang kinauupuan nang makita niyang lumabas buhat sa selda si Hudson. Nakaposas ang mga kamay nito at nakasuot ng damit na kulay kahel. Napataas ang kilay ni Hudson at napatawa nang mahina nang makita niya si Cassandra. “What the hell are you doing here?” “Gusto lang kitang makausap, Hudson.” Huminga muna siya nang malalim bago ipagpatuloy ang kaniyang sasabihin. “Matagal na panahon kong itinatanong sa sarili ko kung bakit labis-labis ang galit mo sa akin, sa aking pamilya? May nagawa ba akong mali?”