WESLEY'S POV:Pagod na pagod si Wesley nang tuluyan siyang makapasok sa loob ng mansion.Kadarating niya lang mula sa opisina kung saan siya nagpalipas ng gabi. Pero kahit magdamag siyang naroon, ni isang saglit na mahimbing na tulog ay hindi niya naranasan. Magdamag siyang nakatitig sa kisame ng kaniyang opisina, nilalamon ng samu't saring isipin.Parang hindi na siya sanay na hindi katabi si Vivian. Sa loob ng maraming taon, kahit gaano pa sila mag-away o magkaroon ng hindi pagkakaunawaan, alam niyang sa huli ay uuwi pa rin silang dalawa sa iisang kama... Ngunit kagabi ay iba.Humugot siya ng malalim na buntong-hininga habang tinatanggal ang kaniyang amerikana. Paano niya sasabihin kay Vivian ang tungkol kina Nikita at Kieran? Paano nila maitutuloy ang plano nilang kasal kung ang mga anak nila mismo ang may lihim na relasyon?Hanggang ngayon ay hindi pa rin niya matanggap. Gusto niyang magalit, gusto niyang magwala, gusto niyang pigilan ang lahat bago pa tuluyang maging komplikado.
Última atualização : 2026-05-29
FAZER LOGIN
