Lahat ng Kabanata ng The Professor's Obsession (Twisted Desire Series 02): Kabanata 71 - Kabanata 76

Maeve Lailani Pascual“Para saan ba ito? Saka bakit kailangan ko pang matutunan ang paggamit ng baril?” nalilitong tanong ko kay Soren matapos niya akong dalhin dito sa Sweet Spot Shooting Range sa loob mismo ng villa kung saan nakatayo ang isa pa niyang bahay. Nasa parehong subdivision rin ang bar na pinagtatrabahuhan ko noon at ang alam ko ay nandito rin ang bahay na tinutuluyan ni Jessica. Gusto ko nga sana itong tawagan para sabihing nandito ako ngunit nang maalala kong wala nga pala itong alam tungkol sa pagbubuntis ko ay napagpasyahan ko na lang na huwag na itong tawagan.“That’s for your safety. Saka for self-defense lang naman 'yan, mas mabuti na ang sigurado tayo,” paliwanag naman ni Soren bago muli iniayos ang aking kamay sa tamang posisyon ng paghawak ng baril.“Relax your arm and aim at your target. Magaan lang naman 'yang baril mo dahil pina-customize ko talaga 'yan para sa iyo, para hindi ka mahirapan,” muli wika pa niya.Muli ko namang inasinta ang target na nasa aming

Atticus Soren CastilloSa kabila ng mga nangyari kanina lang, mas minabuti pa rin naming tumuloy papunta sa Amerika para sa gagawing gamutan kay Maricel. Ngunit imbis na tumuloy kami gamit ang regular na business class na eroplano, ay may pinili ko na lang na tawagan ang isa sa mga kaibigan ko para hiramin ang private plane nito na siyang magdadala sa amin sa ibang bansa. Isinama ko na rin ang ilang mga doktor at nurse para may aalalay sa amin kahit pa sinigurado naman nilang maayos na ang kalagayan ni Maricel para sa gagawin naming pagbiyahe.“Okay ka lang ba, Ma? Sabihin mo lang sa amin pag may nararamdaman ka, ha,” may pag-aalalang ani ni Maeve sa ina habang inaayos ang pagkakahiga nito sa maliit na kama sa loob ng eroplanong aming sinasakyan.Isang ngiti naman ang isinagot ni Maricel sa kanyang anak habang marahan ring hinahaplos ang kanyang mukha.“Maayos si Mama, anak. Wala kang dapat ipag-alala. Ang mas mabuti pa ay maupo ka na rin sa pwesto mo para makapahinga ka na rin. Baka

Muling nakatulog si Maricel dahil na rin sa kakaiyak matapos ikwento sa akin ang nangyari sa kanya noon. Nabanggit rin niya na kaya siya nakawala sa mga kamay ng mga bumihag sa kanya ay dahil na rin sa tulong ng isang nurse noon na tumitingin sa kanya. Nalaman kasi ng babaeng nurse ang tunay na nangyari sa kanya kaya naman nang makakuha ng pagkakataon ay nagawa siya nitong itakas.Noon ay hindi pa niya alam na nagdadalangtao siya kay Maeve, bunga ng panghahalay sa kanya ng ilan sa mga bumihag sa kanya noon, kaya naman nang malaman niya ang tungkol sa kanyang pagbubuntis ay muling nanumbalik ang kanyang takot—hindi lang para sa kanyang sarili kundi mas lalo na para sa batang nasa kanyang sinapupunan noong mga panahon na iyon.“Nakatulog na uli si Mama?” usisa ni Maeve matapos itong makapasok sa silid kung nasaan kami ni Maricel ngayon.Marahan ko namang inalalayan sa kanyang pagupo at bahagya pang hinila palapit sa akin. Hindi ko rin napigilan ang aking sarili na patakan ng halik ang k