All Chapters of Playing Cupid for My Mommy and Billionaire Daddy: Chapter 131 - Chapter 140

Pagkahinto ng sinasakyang rolls-royce nina Nathan, Cielo, at Sky sa lobby ng isang four-star hotel sa Quezon City, mabilis na bumaba ang ilang bodyguard. Iginala muna ang paningin sa paligid bago bumaba si Jay para pagbuksan ng pinto ng sasakyan ang pamilya. Unang bumaba si Nathan, bago niya kinuha ang anak sa loob at sinigurong hindi mauuntog ang misis sa pagbaba mula sa kotse.Inakbayan ni Nathan ang asawa habang buhat pa rin ang anak at saka sila pumasok sa main entrance ng hotel. Dahil nauuna si Ben, nakasunod lang sila sa bodyguard. Naghagdan lang sila patungo sa ikalawang palapag kung nasaan ang isang function room. Pagpasok nila, agad na tumayo ang tatlong lalaki, habang nanatili sa kanyang wheelchair si Diana na mukha pa ring may sakit. Nagkatinginan sina Nathan at Cielo. Nag-alala si Elijah na umatras ang kanyang kapatid, kaya inilang hakbang lamang niya ang kinatatayuan ng babae.“Cie, please stay. I want you to be part of my life, as my one and only sister,” may lambing an

Nakaupo sa buhanginan sina Nathan at Cielo, magkahawak-kamay, habang pinapanood ang pagbaba ng araw. Ang kulay kahel na langit ay unti-unting lumalawak habang ang repleksiyon ng araw ay patuloy na naglalaro sa mga alon na tila pilit na inaabot ang kinauupuan nilang mag-asawa. Pagkuwan, umiba ng puwesto ang lalaki at umunan sa hita ng kanyang misis para mahiga sa buhangin.Nakangiting tumititig si Nathan sa payapang mukha ni Cielo na nakatingin sa dagat. Napangiti siya bago dinukot ang cellphone sa bulsa niya. Mula sa anggulo ng baba ng babae ay kinunan niya ito ng larawan, kung saan ang kalahati ay makikita ang naglalaban ang malaabo at kahel na langit.“My Cielo.”Nakangiting yumuko si Cielo nang marinig niyang binanggit ng kanyang mister ang kanyang pangalan. “May sinabi ka?”“Sabi ko, napakaganda mo,” pilyong ngumiti si Nathan. “Maraming babae ang mas maganda sa akin,” umiiling na komento ni Cielo habang nakangiti.Kinikilig siya sa pambobola ng mister ngunit ayaw niyang ipahalat

Nakuyom ni Cielo ang dalawang kamay na nakapatong sa kanyang mga hita kasabay ng pagkagat niya sa kanyang bagang upang pigilan ang sarili niyang sumigaw sa loob ng courtroom. Nilingon ni Lucas sina Nathan at Cielo sa kanyang likuran at nakita niya ang halos parehong ekspresyon ng mukha ng mag-asawa. Sa totoo lang, inaasahan na ng kampo ni Cielo na guilty ang magiging plea ni Diana, ngunit hindi nila napaghandaan na aaminin din nito ang pinakadahilan ng kanyang pagpapasunog sa dormitoryo ng bahay-ampunan.At nang marinig iyon ni Cielo, tila naubos ang lahat ng natitira niyang awa para sa asawa ng kanyang ama. Hindi niya maintindihan kung bakit may taong katulad ni Diana. Sakaling nagtagumpay ang babae sa pagpatay sa kanya sa sunog na iyon, may iba pang inosenteng buhay na siguradong nadamay.Napansin ni Nathan ang bahagyang panginginig ng katawan ng kanyang misis kaya agad niyang ginagap ang isang kamay ni Cielo, ngunit nanatiling nakatitig lang kay Diana ang kanyang misis.Habang ang

Nilingon ni Don Emilio si Cielo na tahimik na nakaupo sa tabi niya sa passenger seat ng puting off-road vehicle ng lalaki. Mula nang malaman niya kay Diana ang ginawa nito kina Cecie at Cielo, gabi-gabi niyang sinisisi ang kanyang sarili. Dahil hindi niya naipaglaban sa kanyang mga magulang ang relasyon sa babaeng pinakamamahal, dahil pumayag siyang maipagkasundo upang palawigin pa ang kanilang negosyo at dahil hindi siya naging mabuting asawa.Nang may mangyari sa kanila ni Diana at isinilang si Elijah, sinubukan niyang maging mabuti sa kanyang legal na asawa. Ngunit sadyang hindi niya ito kayang sipingan, at sa tuwing sumusubok si Diana na akitin siya, nauuwi sila sa pagtatalo. Kaya muling nilagyan ng babae ng gamot ang kanyang inumin para lang may mangyari ulit sa kanila, at doon naman nabuo si Elias.Ngunit pagkatapos noon, hindi na magawang magtiwala ni Emilio sa kanyang asawa. Iniisip niya na ang bawat ihahain sa kanyang pagkain at inumin ay may pampataas ng libido. Gayunman, gum

Ilang ulit na minura ni Nora sa isip ang kanyang kapatid dahil bilang babae, naiintindihan niya ang pinagdaanan ng kanyang hipag. Hinaplos niya ang likod ni Cielo para patahanin siya sa pag-iyak.“Hindi ko kayang ipaliwanag sa iyo kung bakit iyon pa rin ang tawag niya kay Isla noong panahong iyon, pero tatanungin kita ngayon, Cielo,” seryosong sabi ni Nora. “Ganoon pa rin ba ang paraan ng pagtingin ni Nathan kay Isla?”Napaisip si Cielo at binalikan ang ilang beses na nakaharap niya ang babae habang nasa isang silid sila ni Nathan. Tapat siyang umiling sa babae.“Hanggang ngayon ba naniniwala ka na si Isla ang mahal niya?” mahinahong tanong ni Nora.Tinitigan ni Cielo si Nora. “Kung minsan.”Nagsalubong ang mga kilay ni Nora. “Paano mo nasabi?”“Dahil…” Biglang umiyak si Cielo. “Hindi ko alam, Nora. Hindi ko ma-explain. Basta mabigat sa dibdib.”Napabuntong-hininga si Nora. “Alam mo ba kung anong mga kabaliwan ang ginawa ng kapatid ko dahil sa pagmamahal niya sa iyo?”“Binili niya ang