All Chapters of لن أغفر لك: Chapter 81 - Chapter 90

نهضت جنى بعد ان اتصل بها ماجد ليخبرها انه ينتظرها خارج القصر. نظرت لجيلان قائله باعتذار : -" هضطر امشي دلوقتي عشان ماجد مرضيش خالص لما قلت له اني عايزه ابات معاك الليله وامشي بكره ، قال ايه يوسف اخو فارس مش مريحه نظراته ليا ....مش عارفه ايه الرجاله دول؟!" ابتسمت جيلان بحنان وتفاهم وحضنت اختها قائله بامتنان : -" ربنا يسعدك يا قلبي وكفايه انك غيرتي مودي يا جنى .... ارتحت لما اتكلمت معاكي ربنا يخليكي ليا يا حبيبتي وما يحرمنيش منك ." كانت يارا قد عادت للغرفه عندما كانت جيلان تحضن جنى بعد ان قالت تلك العبارة و ودعت يارا جنى بدورها ، في حين هبطت جيلان مع اختها وخرجت معها لتحي ماجد وتطلب منه الدخول ولكنه رفض معتذرا و هو يقول مازحا بينما ينظر بتعجب للحراس الذين اخذوا وضع التاهب و عيونهم لا تفارق جيلان : -" هو فيه ايه يا بنت خالتى ..؟ انتى عملتى ايه مقلقهم منك كده ؟! قولى بس لو فيه حاجه ..." ابتسمت جيلان و هى تهز راسها ، كانت تعي بالفعل بضيق ان الحراس تقريبا مستعدين للتحرك الفوري كأنها ستجري مثلا او ستهرب مع جنى وماجد. بينما كان مؤمن الحارس الخاص بها يقف أمامها متأهبا .

تعالت انفاس جيلان وهي تصيح بها : -" وانت معاه ليه لما هو نايم انت ازاي تسمحي لنفسك بكده ؟" نظرت منال بانتصار لفارس الذي كان بالفعل نائما غير واعي لاي شيء بسبب تأثير الحبوب المنومه القوية التي وضعتها له في الشاي ولوت فمها وهي تتابع تنفيذ خطتها الشيطانيه : -" انت هتعملي عليا انا ...... أنك زوجه حقيقيه لفارس ....لأ ...فوقي انا اكثر واحده عارفه كويس اوي طبيعه علاقتك بيه، وانا قلت لك قبل كده انا عارفه انك بالنسبه له رغبه ..نزوه وانا هصبر عليه عادي لغايه ما يرميكي من حياتنا ." -" انت واحده سافله حقيره ." قاطعتها جيلان بصوت مذهول محطم وعادت تهتف بها : -" أيديله الموبايل دلوقتي ..انت سامعه؟!!" تأففت منال ثم قالت وكأنها تخاطب طفله غبيه : -" هو انت ما سمعتنيش وانا بقول لك انه نايم ...وبعدين ده يا حبيبي مرهق خالص يصعب عليه اصحيه ..هقول لك هقفل معاكي واكلمك فيديو كول اوريهولك بنفسك بس مش عايزه مخك يروح لبعيد احنا أتعشينا بس وشربنا الشاي مع بعض واطمنت عليه ان هو نام وكنت رايحه اوضتي بس ، قلت ارد عليك بقى بدل ما أنتى عاملة ترنى و هتزعجيه ." و شعرت جيلان بقلبها يكاد يتوقف

استيقظت جيلان على صوت رنين موبايلها في الصباح وتحركت مطلقه انه ألم فقد كانت مستلقيه بطريقه غير مريحه بالمره على الاريكه منذ ليله امس عندما فقدت الوعي فقد سقطت على الاريكه . واعتدلت و يدها ترتفع لتفرك عنقها المتيبس والتقطت الموبايل بتعب وهي تحدق بالشاشة و عيونها مشوشه مزغلله من كثرة بكائها ليله امس لا تكاد ترى .. لتغلق وتفتح عينها عده مرات، قبل ان ترى اسم جنى اختها. كان الموبايل قد صمت عندما التقطته ليعود ويرن مره اخرى ففتحت بسرعه قائله بلهفه وتوتر : -" ايوه يا جنى... في ايه بتتصلي بدري ليه كده بابا كويس ؟! " جائها صوت اختها مخنوق وهي تقول: -" اصل بابا تعبان وقلت اقول لك لو تقدري تيجي لانه سأل عليك." سقط قلب جيلان بين قدميها وتلاحقت انفاسها برعب وهي تقول بصوت مرتعش: -" ليه هو تعبان أوي ولا ايه يا جنى ؟!... بابا ماله ." ابتلعت جنى ريقها محاوله التماسك وقالت محاوله عدم التسبب بالقلق لاختها : -" لأ .....ما تخافيش هو بس تعبان وانا قلت اقول لك يعني تحاولي تيجي عشان هو سأل عليك وانت عارفه لما بيشوفك بيبقى مبسوط ...هتعرفي تيجي؟!" سألتها في نهايه العباره بلهفه اصاب

كانت الاجواء متوتره في غرفه والد جيلان حيث كان اثنان من الدكاتره يغادران بعد ان احضرهم ماجد للاطمئنان على والدها واستلقت جيلان على السرير بجانب والدها بعد دخولها لدى انصراف الدكاتره واضعه راسها على صدره شاعره بالدفء والامان يطوقها .... بينما كانت والدتها تجلس من الناحيه الاخرى هي وجنى وغادرت ندى مع زوجها جاسر وماجد لتوصيل الدكاتره لخارج القصر في نفس اللحظه التي كان فيها فارس يصعد ليحييه جاسر بهدوء مشيرا له نحو غرفه والده ... ليتقدم فارس بعد ان تحدث معهم باهتمام ليعرف حالة أمجد السيوفى و يطمأن عليه و يطلب من جاسر ارسال تقارير حالته له كلها على الواتس . تحرك فارس و قد استبد به الشوق واللهفه لرؤيه جيلان .... كان قلبه يخفق بقوه وهو يطرق الباب قبل ان تفتح جنى الباب لتتسع عينيها بدهشه قبل ان تقول باقتضاب : -" حمدا لله على سلامتك يا فارس ...اتفضل . " تجمدت جيلان تماما لدى سماعها صوت اختها واغمضت عينيها وهي تحافظ على نفس وضعها بجانب والدها في حين دخل فارس وعيناه تبحث عنها بلهفه لينعقد وجهه بشده و هو يراها ببنطلون برمودا وتيشرت قصير نصف كم و قد استلقت الى جوار والدها..... ليرتفع الدم

-" جيلان ....." هتف باسمها بلهفه ولوعه واقترب منها متابعا : -" الموضوع مش كده..... دي كانت دايخة و هتقع وانا كنت ......." -" أنا ما يهمنيش الموضوع كان ايه ......وبعدين بتقنعني بايه اصلا.... انا ما يفرقش معايا ولا انت ولا هي ........اشبعوا ببعض.....بس سيبوني في حالي .....كفايه .......كفايه لغايه كده كل اللى انت عملته فيا ....لو لسه عايز تنتقم مني.... انا بقولك اهو انت اخذت حقك كامل مني انا خلاص اتدمرت .... بقيت مش عايزه غير اني افضل مع اهلي وبس.... مش عايزه اكلم حد ولا اشوف حد .......انت دمرتنى .....كرهتنى حتى فى نفسى ...كل ده مش كفايه عشان تحقق انتقامك اللي هو اصلا انت السبب فيه ... انت عامل نفسك ضحيه لكن انت اصلا مجرم ...سافل... اااه....." ورفعت كفها نحو رأسها لدى شعورها بدوار مخيف ليسرع هو نحوها بجزع وترنحت وقد انتابتها دوخه وغثيان وشعرت بالدم يرتفع الى راسها لتجد نفسها تتهاوى فجاه بين ذراعيه....... وقد اصبحت لا تستطيع تحمل المزيد من الانفعال حملها بين ذراعيه مقربه أياها من جسده وهو يتمنى لو يستطيع الصاقها به للابد . عندما وضعها على الفراش أسرع يفحص دقات قلبها ونبض