All Chapters of I Married The Thug Billionaire: Chapter 81 - Chapter 90

Inilabas ni Xeline ang cellphone niya at ipinakita kay Noah ang lahat ng messages na galing kay Samuel nitong mga nakaraang araw. “Noong una, parang kinukumusta lang niya ako. Pero sa totoo lang, bawat message niya ay may tanong tungkol sa ’yo.” Matalino si Xeline at siguradong hindi makakalampas ang mga ganitong bagay sa kaniya. “At saka, before akong ma-promote bilang supervisor, sunod-sunod siyang pumirma ng limang kontrata. Napansin din ’yan ng mga tao sa office kaya nagkaroon tuloy ang tsismis na favorite daw ako ni Mr. Salcedo. At sa tingin ko, kaya lang niya ako tinutulungan sa sales ay para makapagtanong siya ng mga bagay tungkol sa ’yo.” Bahagyang pumikit si Noah sa inis. May ideya na siya kung ano ang nangyayari. Noong gabing nakita niya si Samuel sa event, nakaramdam na siya ng pagdududa, lalo na nang malaman niyang sobrang interested ito sa emerald ring ni Xeline. Lalo siyang naging maingat. Kung ganoon, malaki ang posibilidad na tauhan ni Hector Martin si Samuel.

Hindi maalis ni Noah ang tingin sa labas ng bintana. Nababalot ng manipis na hamog ang Princes Bridge sa malayo. Pumikit siya at kumunot ang noo sa inis. Kumakabog at sumasakit ang kanyang sentido.Plano ba talaga niyang magsinungaling kay Xeline habambuhay? Pero imposible ’yon. Darating din ang araw na malalaman niya ang lahat.Pero ang isa pang iniisip ni Noah ay ang tradisyon ng pamilyang Martin, pwedeng lang siyang mamili ng mapapangasawa galing sa tatlo pang kilala bilang influential at malalaking pamilya. Hindi magiging madali ang magiging buhay ni Xeline kapag pumasok na siya sa kanyang pamilya. At ang isa pa niyang pinoproblema ay ang identity na ginagamit niya ngayon. Alam niyang wala na ang tunay na Noah. Napabuntong-hininga siya ng malalim bago niya kinuha ang ID ni Noah sa bulsa niya. Sobrang kamukha niya ang lalaking nasa picture. Possible pala talaga ang gano’n. Pero kahit anong gawin niya, hindi siya iyon. At hanggang ngayon ay humihirap lang siya ng buhay ng tunay na

Hindi pa rin nagbabago ang ekspresyon ng mukha ni Noah habang nagda-drive. Agad niyang inapakan ang silinyador at nagpatakbo ng mabilis. Pakiramdam ni Ethan ay parang lumilipad na ang sasakyan nila sa sobrang bilis. Ilang beses na sa pakiramdam ni Ethan ay muntik na siyang lumipad palabas ng bintana. Parang nag-flashback ang concept ng centripetal at centrifugal force na pinag-aralan niya noong high school. Biglang tumigil ang sasakyan sa harap ng police station kasabay ng matinis at sunod-sunod na tunog ng preno. Nagmamadaling makapasok si Noah sa station. Sa ilang hakbang lang ay nakapasok na siya. Makikita ang galit sa mga mata ni Noah. Nagkatinginan ang mga tao sa loob at pare-pareho nilang naramdaman ang mabigat na aura ni Noah. Hanggang sa nakita niya ang isang pintong bahagyang nakabukas. Mula roon ay lumabas ang dalawang babaeng pulis, kasama si Xeline. “Xeline!” Hindi napigilan ni Noah ang malakas na pagtawag sa kanya. Napatingala si Xeline nang marinig ang kanyang boses.

Natigilan si Ethan habang nakatingin kay Noah. Wala na siyang ibang ginawa kundi ang magbuntong-hininga. “Siguradong matagal nang pinagplanuhan ni Caroline Soriano ang lahat ng ito,” mahina niyang sabi. “Nakipagsabwatan siya sa competitor ng company at saka binura ang footage ng surveillance video na makapagpapatunay na inosente ni Xeline. Sinigurado niyang makakakuha siya ng matibay na ebidensya at mga testigo na magtuturo kay Xeline. Hanggang sa wala na siyang choice kundi ang akuin ang kasalanang hindi naman niya ginawa. Makikita ang galit sa mga mata ni Noah, kasabay ng pagkuyom ng mga kamao nito. Agad na nagbago ang tono ng boses ni Ethan. “Pero bro, trust me. Sa kakayahan ko, siguradong makakahanap ako ng butas sa ginawa nila.” Tahimik na tumayo si Noah at marahang naglakad papasok sa kuwarto. Mahimbing na natutulog si Xeline. Mukhang talagang pagod na pagod siya nitong mga nakaraang araw. Nagpalit siya ng posisyon at humarap sa kabilang side habang yakap pa rin ang unan ni

Naglalakad si Caroline pababa habang yakap-yakap ang mga personal na gamit pagkatapos magligpit. Iba’t ibang tingin ang ibinato sa kanya ng mga co-league niya. May mga nanghahamak, may nangmamaliit, may nang-iinsulto, at mayroon pang muntik nang pumalakpak dahil sa wakas ay nakuha na nila ang katarungan na matagal nilang hinihintay. Pero walang ni isa mang naawa sa kanya. Sa hagdan, nagkasalubong sina Xeline at Caroline. Natigilan si Xeline ng makita ang malungkot na ekspresyon ng mukha niya. Bigla niyang naalala na isang linggo lamang ang nakalipas, dinala siya ng mga pulis sa parehong hagdanang ito. At sa mismong lugar na ito ay nakasalubong din niya si Caroline. Hindi makapaniwala si Xeline na gano’n lang kabilis ay nagpalit sila ng posisyon. Parang buong lifetime na ang nakalipas. Awkward na tumango si Xeline. Hindi niya kayang ngumiti at maglalakad na sana siya sa gilid nang bigla siyang tiningnan ng masama ni Caroline. Malakas na kumabog ang dibdib ni Xeline. Pero sa pagkak