جميع فصول : الفصل -الفصل 8

اسمي سهيل، وما كنتش أصدق إن الكتب اللي بقرأها وأنا صغير هتتحول لمصير. أنا مهندس من القاهرة، 27 سنة، حياتي كانت ماشية على خط مستقيم: شغل، بيت، قهوة مع صحابي يوم الخميس. لحد الليلة اللي وقعت فيها المخطوطة القديمة من كتاب "مرايا النسيان" في شنطتي.المخطوطة كانت مكتوبة بحبر بني ريحته تراب قديم. أول سطر فيها كان:إذا قرأت هذا، فالباب انفتح. وإذا انفتح، فلا رجوع إلا بدفع الثمن.ضحكت ساعتها قلت أكيد مقلب من صحابي. بس تاني يوم صحيت لقيت نفسي في سوق اسمه سوق المقايضة تحت سماء لونها نحاسي، والناس بتبيع وتشتري بالذكريات بدل الفلوس.أيوه، بالذكريات. عايز تفاحة؟ ادفع ذكرى أول يوم جامعة. عايز تعرف طريقك؟ ادفع ذكرى صوت أمك.وهنا قابلت "هيام". بنت في عمري، عينيها لون العسل، وماسكة سيف خشب مكسور كأنه تاج. هيام كانت من أهل "ميراث"، المدينة اللي محبوسة ورا جدار صمت من 100 سنة. جديها كسر العهد القديم مع "حارس المرايا"، ومن ساعتها المدينة بتدفع تمنه: كل مولود جديد بيتولد من غير ذاكرة.هيام قالت لي وأنا واقف مذهول:"إنت مش من هنا. ريحتك ريحة عالم حي. إنت اللي في النبوءة. اللي هيكسر القفل اللي جدي

الضربة الأولى من حارس العهد المكسور ما نزلتش على سهيل.نزلت على الأرض بينه وبين هيام، فشقت البلاط الحجري لنصين وطلعت منه نار باردة، نار ملهاش دخان، ريحتها زي ريحة الدم لما ينشف على حديد."مش هتاخدها!" صرخت هيام وجرت وقفت قدامه، رافعة سيفها الخشبي المكسور. السيف الخشبي اللي كان يبان لعبة، المرة دي كان بينور بلون عسلي، نفس لون عينيها.الحارس بص لها كأنها ذبابة. مد إيده الحجرية، فالسيف الخشبي طار من إيدها واتكسر على الحيط.سهيل ما فكرش. السيف اللي في إيده، اللي كان ساكت طول الرحلة، سخن فجأة لدرجة إنه لسع كفه. بص جواه، لقى انعكاسه مش هو. لقى راجل عجوز لابس نفس الخاتم اللي كان عند أبوه.أبوه.الصوت اللي كان طالع من كل حتة سكت، وبقى طالع من السيف نفسه:يا سهيل يا ولدي... أنا ما اختفيتش. أنا اللي مضيت العهد الأول.سهيل اتجمد.جديك ماكسرش العهد عشان ينقذ ميراث. جدك كسر العهد عشان ينقذني أنا. أنا كنت مولود من غير ذاكرة زيهم، فجدك راح لحارس المرايا وقاله: خد ذاكرتي أنا، واديها لحفيدي. ومن ساعتها وأنا عايش في المرايا.الكائن الحجري وقف. كأنه هو كمان بيسمع.الكاهن العجوز اللي طالع من المراية ضحك،

سهيل صحي على صوت خناقة.مش صوت سلاسل بتتجر على حجر، ولا صوت كاهن الدم. صوت اتنين سواقين ميكروباص بيتخانقوا تحت البلكونة في عز الظهر."يا عم عدي بقى الله يخرب بيت أم الزحمة!"فتح عينيه مرة واحدة. السقف اللي فوقه مش سقف حجري مشروخ. سقف أوضته في شبرا، فيه بقعة رطوبة على شكل قارة أفريقيا هو حافظها من وهو عنده 10 سنين.قام مفزوع. إيده راحت على صدره.مفيش دم. مفيش جرح. التيشيرت اللي لابسه مكتوب عليه Engineering Since 2019 وريحته عرق.بص حواليه. اللابتوب مفتوح على مشروع محطة التحلية اللي كان شغال عليه. علبة القهوة التركي فاضية. الساعة 2:15 الضهر. يوم التلات.نام 14 ساعة."أنا كنت فين؟" قالها بصوت عالي.أمه خبطت على الباب ودخلت من غير ما تستنى رد كعادتها، شايلة صينية عليها كوباية شاي بلبن."كنت فين يا حبيبي؟ ده انت نايم من امبارح المغرب! صحابك كلموك 3 مرات وقلت لهم تعبان. وشك أصفر كده ليه؟"سهيل بص لأمه. نفس الوش، نفس الغمازة، نفس الأغنية اللي كانت بتغنيها وهي في المطبخ من شوية. بس هو مش فاكر إيه الأغنية. ودانه بتصفر."حلمت حلم طويل أوي يا ماما... طويل بطريقة غبية."أمه ضحكت: "احكي. كنت بتحلم

ميراث عمرها ما كانت هادية كده بعد ما رجعت لها الذاكرة.الناس افتكرت كل حاجة مرة واحدة. افتكروا أسامي ولادهم، افتكروا جوازاتهم، افتكروا مين سرق ومين خان ومين حب. المدينة كلها بقت بتصرخ. ناس بتحضن بعض وناس بتمسك في بعض تتخانق على ورث من 50 سنة.وفي نص الدوشة دي، هيام كانت واقفة لوحدها على بوابة المرايا المكسورة.بقالها 3 أيام مستنية."هو قال هيرجع." قالتها لحارس البوابة العجوز، اللي هو جد سهيل بس صغير."اللي بيدخل عالم الحي ويرجع، مش بيرجع بنفس القلب يا بنتي." قالها الجد. "عالمه تقيل. بينسي."هيام هزت راسها بعناد. نفس العناد اللي كان في عينيها وهي ماسكة السيف الخشب."سهيل مش بينسى. ده وعد."بس في اليوم التالت، المرايا ما فتحتش. السما الزرقا اللي رجعت لميراث من كام يوم، رجعت تاني نحاسي. غامق. كأنها مصدية.والمياه اللي جت من مشروع سهيل... نشفت. المحطة اللي اشتغلت فجأة، وقفت.الناس جرت على هيام: "فين المهندس بتاعك؟ فين اللي وعدنا بالمياه؟ ضحك علينا وخد ذكرياتنا ومشي زي اللي قبله!"هيام ما ردتش. رفعت سيفها الخشب اللي اتصلح لوحده بعد ما قانون الدم اتكسر، سيف بقى حديد بجد، وبيه.وطلعت فوق أعل