Novel & Cerita Kasama Kahulugan

Ang SCI ay isang ahensyang humahawak sa mga murder case. Nabuo ang grupo nang Special Crime Investigation na kung saan ay pinangungunahan ni Police Captain Luna Rose Enriquez. Hindi inaasahan nang kapitan na ang unang kasong hahawakan nila ay isang series crime na kung saan sunod-sunod ang pagpapatay nang mga krimal sa mga biktima nito. Noong una ay inakala nang kapitan na isang simpleng tao lang ang mga kriminal. Hanggang sa napagtanto niya na hindi sila katulad nang mga ordinaryong mamamayan. Walo na tauhan ang naatasang lutasin ang karumal-dumal na kasong ito at sila ay sina Police Captain Luna Rose Enriquez na isang investigator, Police Major Alexander Dawson na profiler, Police Major Austin Gray na isang police-lawyer. Kasama na rin si Police Lieutenant Celyn Cruz, Police Corporal Symae Floresca ay mga magaling na computer technician, Patrolman Nicky Romana na isang police-nurse, Patrolman Richard Samili na isang masuring police officer at sa Forensic and Medico-Legal Expert na si Lucy Cooper. Matalino at malupit na mga kriminal ang kailangan nilang hanapin at hulihin. Habang tumatagal ang pag-iimbestiga ay mas lalo pang nagiging agresibo ang mga kriminal. Hanggang sa dumating ang kinakatakot na mangyare ni Police Captain Luna Rose Enriquez…

Bata palang ay nakakakita na si Melody ng mga multo. Sinusubukan nya itong iwasan dahil 'yon ang sabi ng mama nya dahil nakikita nitong na bu-bully sya noon ng mga kaklase dahil sa pagiging weirdo. Pero kahit anong iwas nya ay wala, naiinis sya sa mga multo kaya hindi minsan ay hindi nito mapilang awayin at sigawan ang mga multong kinaiinisan nya at sanay na 'tong tawaging weirdo sa skwelahan nila. Lahat na yata ng studyante ay ayaw sakanya, bukod sa mahirap siya ay napalalapit din sya sa heartthrob ng school nila... Sa skwelahan na hindi sya bagay pero nakikibagay. Nakapasok lang naman sya sa school na 'yon dahil kaibigan ng mama nya ang may-ari non... Pero pano kung isang araw ay malaman nyang 'yon ang totoo nyang ama? May mam-bu-bully pa kaya sakanya? Ano nga bang magiging buhay nya kasama ang ama at ang mga multong nakapaligid sakanya? Makakahanap pa kaya sya ng lalaking tatanggapin ang pagka weirdo nya? Yong lalaking naniniwala sakanya...pero pano kung makatagpo sya ng lalaking hindi naniniwala sa multo? Tunghayan natin ang kwento ni Melody at pati ang mga multong laging nakasunod sakanya, tunghayan natin ang sari-sarili nilang kwento.

Pagkatapos ng limang taon na pagkawala, bumalik si Astrid Alejandro sa Pilipinas dala ang isang desisyong akala niya ay makakapagpalaya sa kanya mula sa mapait na nakaraan. Ngunit sa isang gabing puno ng alak, init, at maling pagkakataon, muli niyang nakasama ang lalaking pilit niyang tinatakasan noon, si Xavian Avanzado. Ang lalaking minsan niyang minahal… at iniwan nang walang paalam. Para kay Xavian, ang pagkawala ni Astrid ang naging dahilan ng limang taong impyerno. Limang taon ng galit, obsession, at walang katapusang paghahanap. Kaya ngayong muli niyang nahawakan ang babaeng sumira sa kanya, hindi na niya ito hahayaang makatakas pa. Ngunit paano kung may mas mabigat pang dahilan kung bakit biglang naglaho si Astrid noon? At paano kung ang pagbabalik niya ay hindi lang para harapin si Xavian… kundi para protektahan ang lihim na matagal niyang itinago? Sa muling pagtatagpo ng dalawang pusong sugatan, muling mag-aalab ang pagmamahal, galit, at pagnanasang akala nila’y matagal nang namatay. Ngunit sa mundong puno ng kapangyarihan, obsession, at mga sikreto, hanggang saan nila kayang ipaglaban ang isa’t isa? O muli na namang may tatakbo palayo… kasama ang batang bunga ng kanilang nakaraan?

Sa ikatlong anibersaryo ng kanilang kasal, isang masakit at nakakadurog-pusong katotohanan ang natuklasan ni Nimfa—may ibang babae ang kaniyang asawang si Marcus. Ngunit ang higit na hindi niya matanggap: ang kabit ng kaniyang asawa ay ang mismong hipag—ang asawa ng nakatatandang kapatid ni Marcus. Sa kabila ng sakit na dulot nito, pinili ni Nimfa na magbulag-bulagan. Ayaw niyang masira ang pagsasama nila ni Marcus, dahil mahal na mahal pa rin niya ito. Kaya nanatili siya, kahit unti-unti na siyang nauupos. Subalit lalo pang tumindi ang lahat nang mamatay ang kapatid ni Marcus. Pansamantalang tumira sa kanilang bahay ang hipag nito kasama ang anak, at doon mas lalong nakita ni Nimfa kung gaano na siya pinapabayaan ng asawa—sapagkat ang buong atensyon nito ay nasa ibang babae na. Isang gabi, sa tindi ng sakit at pagod, tuluyan nang nagdesisyon si Nimfa. “Maghiwalay na tayo, Marcus. Mag-file na tayo ng annulment para matapos na ang lahat ng ‘to,” malamig niyang wika. Ngunit tatanggapin ba ito ni Marcus? At sa gitna ng sugat na iniwan ng kaniyang asawa, isang lalaki ang muling babalik sa buhay ni Nimfa—isang lalaking may koneksyon sa kanilang nakaraan, na ngayon ay isa nang makapangyarihang bilyonaryo.

Bukod sa isang drag racer, maraming kwestyon sa pagkakakilanlan at pagkatao ni Kane Talens. Kabilang ang mga tanong patungkol sakaniyang pinanggalingan. Ngunit tadhana na ang gumuhit at nakilala niya ang gangster na si Gabriel at sa hindi inaasahan, ito ang nagsilbing tulay upang magkaroon ng sagot ang kaniyang mga katanungan sa sarili, at kung sino ang nasa likod ng pagkakait ng mga bagay na ito sakaniya noong sanggol pa lamang siya. Sa kanila rin namang pagtatagpo ni Gabriel ay kaniya ring natagpuan ang una niyang pag-ibig, ang pag-ibig na magpaparanas sakaniya kung ano ang pakiramdam ng pagiging kumpleto. Ngunit may sorpresa pa pala ang tadhana, hindi lang para sakaniya kung hindi para sakanila ni Gabriel. Ito ay ang pagdating ni Shian na nagsilbing unang pag-ibig naman noon ni Gabriel, at ang balitang ikagigimbal nilang dalawa. Sa pagdating ni Shian kasama ang balitang iyon ay pag-usbong naman ng mga bagay na kailangang i-sakripisyo ng dalawa. Maaari nga bang magmahal ang taong hindi pa tapos magmahal ng iba? at sa pagbabalik ng nakaraan alin ang kaya nilang talikuran at alin, ang kaya nilang ipaglaban? Sa pagpunta sa punto ng pilian, marami 'mang pagsubok at pagdaanan, mananaig ang mas matimbang at iyon ay ang pag-ibig na kanilang nasimulan.

Si Liam Yang, isang sikat na aktor na lumaki sa Pilipinas at kasal kay Barbie Cheng, isang kilalang aktres. May dalawang anak sila at nabuo ang kanilang pamilya sa kabila ng pressure ng showbiz at mga kontrata na nagbabawal sa pagbubunyag ng kanilang relasyon. Isang aksidente ang nagbago sa lahat nawalan ng alaala si Liam at nakalimutan niya na may asawa at mga anak siya. Para maprotektahan ang pamilya, itinago ni Barbie ang katotohanan at pinanatiling lihim ang kanilang tunay na relasyon. Sa panahong iyon, unti-unting muling nahulog ang loob ni Liam kay Barbie, kahit hindi niya alam na asawa niya ito. Ngunit nagulo ang lahat nang pumasok ang isang obsessed na babae sa buhay ni Liam, na naging sanhi ng kasinungalingan, selos, at pagkasira ng tiwala. Dahil dito, napilitang lumayo si Barbie kasama ang bunsong anak, habang ang panganay ay naiwan sa pamilya sa Pilipinas. Pagkalipas ng ilang taon, bumalik si Barbie upang bawiin ang kanyang pamilya at ang mga karapatang kinuha sa kanya. Nang bumalik ang alaala ni Liam, muli silang naharap sa komplikadong sitwasyon na puno ng sikreto, sakit, at pag-aalinlangan. May pag-asa pa bang mabuo muli ang kanilang pamilya, o tuluyan na silang paghiwalayin ng nakaraan at mga pagkakamaling hindi na mababawi?

Si Yana "Kelly" Reyes, medical graduate na maling inakusahan ng plagiarism at itinakwil ng sariling pamilya, ay tumatakbo sa kanyang nakaraan sa pamamagitan ng pagtatrabaho bilang nurse sa MS Pacifica, isang mamahaling cruise ship na naglalakbay mula sa Pilipinas patungo sa Europa. Si Kapitan Lucas "Alex" Montenegro, ang matapang, gwapo, ngunit lubhang misteryosong pinuno ng barko, ay una nang nagdududa kay Yana — akala niya ay isang espiya o mandaraya. Ngunit habang nakikita niya ang kanyang katapatan sa pag-aalaga ng mga pasyente at tapang na harapin ang sunud-sunod na kakaibang pangyayari sa barko (misteryosong sakit, nawawalang gamot, pati na rin ang mga nakakatakot na "aksidente"), unti-unting nahuhumaling si Alex sa kanya. Habang mas malalim na iniimbestigahan ni Yana ang mga kaganapan, natuklasan niya ang isang malawak na sabwatan na kinasasangkutan ng mga mayayamang negosyante, pulitiko, at maging ang sariling pamilya ng barko — isang sabwatan na hindi lang nasa MS Pacifica, kundi may malalim na ugnayan sa kanyang sariling iskandalo noon. Kasama si Alex, na may sariling nakaraan na kinasasangkutan din ng sabwatan, kailangan nilang harapin ang panganib, linisin ang kanilang mga pangalan, ilantad ang buong katotohanan, at ipaglaban ang isang ipinagbabawal na pag-ibig na maaaring magbago ng lahat ng kanilang alam.

Ibinenta ng sariling pamilya kapalit ng limang milyong piso. ​Buong buhay ni Fiona ay inalay niya sa pagtatrabaho para buhayin ang toxic niyang pamilya. Siya ang breadwinner, pero siya ang laging inaalipusta. Nang dumating ang walang pusong bilyonaryo na si Dionysus Goodman para maningil ng malaking utang, walang pag aatubiling ginawa siyang pambayad ng mga taong itinuring niyang dugo at laman. ​Ang akala ni Fiona ay katapusan na ng buhay niya sa kamay ng isang ruthless CEO na may matinding germaphobia. Diring diri si Dionysus sa kanya. Tinawag siyang basura, alipin, at isang maduming pag aari na walang karapatang huminga sa iisang kwarto kasama nito. ​Pero sa bawat malupit na parusa at malamig na pagtrato, may isang nakakabaliw na katotohanan. Kung talagang nandidiri ito sa kanya, bakit tuwing nasa bingit siya ng kamatayan, ang maarte at demonyong CEO ang unang sumusugal para iligtas siya? At bakit lalo itong nagiging malupit sa kanya sa tuwing nakakaramdam ito ng hindi maipaliwanag na kaba at pag aalala? ​Sa larong puno ng galit, pagdurusa, at pilit na itinatagong emosyon, hanggang saan kakayanin ni Fiona ang lupit ng kanyang bagong amo? At paano tatanggapin ng isang halimaw na ang maduming alipin na binili lang niya ay ang tanging babaeng makakabaliw sa kanya?

Nakay Si Cindy Mendez na ang lahat—kagandahan, kasikatan, at isang kumikinang na singsing sa kanyang daliri. Pero sa mismong gabi ng kanyang engagement party, sinira ito ng ex-girlfriend ng kanyang fiance na ipinalabas ang isang scandal. Sa labis na sakit at kahihiyan, nagpakalasing siya sa isang bar, handang kalimutan ang lahat—kahit panandalian lang. Ngunit sa kanyang paggising kinaumagahan, natagpuan niya ang sarili sa kama ng isang lalaking hindi niya inakalang makakasama muli—si Casper Graham, ang kilalang ruthless attorney at ang lalaking unang bumasag sa kanyang puso. Gusto na lang ni Cindy na mag-walkout sa sitwasyong ito at kalimutan ang nangyari, pero nang isang eskandalo sa kanilang pamilya ang nagbanta sa kanyang mana at kinabukasan, napilitan siyang humingi ng tulong sa tanging abogadong kayang ayusin ang gusot—ang ex-boyfriend niyang walang awa sa korte. Ngayon, sa gitna ng isang matinding laban para sa kanyang yaman at dignidad, natagpuan ni Cindy ang sarili sa isang laro ng tukso at labanan ng pride kasama ang lalaking minsan na niyang minahal. Pero hanggang kailan niya magagawang takasan ang nakaraan? Dahil si Casper ay maaaring walang puso sa batas—pero pagdating kay Cindy, siya ang tanging kaso na hindi pa niya kayang isara.

Handang gawin ni Camille ang lahat para sa kaniyang anak, at kahit mahirap ang maging single mom ay kinakaya niya para sa nag-iisa niyang anak. Masaya at kuntento na siya sa buhay niya kasama ang kaniyang anak at kaniyang ina. Ngunit hindi inaasahan ni Camille na magku-krus ang landas nila ng ex-boyfriend niyang si Damon Monteverde, na sa loob ng ilang taon ay isa nang ganap na business man at bilyonaryong CEO na nagmamay-ari ng tanyag na kumpanya, ang Sapphire J-well. Wala na sanang balak si Camille na sabihin kay Damon ang tungkol sa kanilang anak, ngunit mismong ang tadhana ang gumawa ng paraan para malaman iyon ni Damon at wala siyang magawa kundi ang ipagtapat dito ang totoo. Hahayaan niyang pasukin ni Damon ang buhay ng anak nila, ngunit itinatak na ni Camille sa puso at isip niya na tanging ang anak lang nilang si Joana ang ugnayan nila ni Damon. Pinipigilan niya ang sariling mahulog muli sa lalaki, kahit alam niyang hindi naman talaga namatay ang pag-ibig niya para rito kahit halos anim na taun na ang lumipas. Ngunit paano niya makakayang pigilan ang nararamdaman para sa lalaki kung madalas niya itong makita dahil sa kanilang anak?