Sa Kuko Ng Liwanag

Sa mismong araw ng kanyang divorce, nagsuot si Dorothy Navarro ng pulang bestida—hindi para mang-akit, hindi para magpakitang okay siya, kundi para alalahanin ang minsang pagmamahalan na ngayo'y ganap nang nawala. Pagkatapos niyang talikuran ang isang sirang kasal ng walang halong drama, ang huli niyang inaasahan ay ang mapansin ng pinakanakamisteryosong CEO sa bansa—si Theodore Velasco. Tahimik. Mapanuri. Mapanganib sa mga taong humaharang sa daan niya. At tila may alam ito tungkol sa matagal nang tinataguang katotohanan: ang pagkamatay ng tiyahin ni Dorothy—isang kasong tinapos ng mundo bilang "suicide." Ngunit isang tawag lang, isang paper bag ng kape, at nahulog si Dorothy sa isang masalimuot na mundo ng lihim, kapangyarihan, at paghilom ng lumang sugat. Upang mabuhay sa bagong laban, kailangang mamili ni Dorothy: pagkatiwalaan ang lalaking walang emosyon ngunit may hawak ng katotohanan—o layuan ang tanging taong handang bigyan siya ng proteksyon, kalayaan, at isang bagong apelyido—Mrs. Velasco. Ngunit ang kasunduang kasal na ginawa para sa paghihiganti… ay baka mauwi sa totoong pagmamahal. Magtatagumpay ba si Dorothy bilang maging tagapagmanang pinagkait sa kanya noon? O ang pangalawang pagkakataon niya sa pag-ibig ang tuluyang magpapabagsak sa kanya?

Sa murang edad ni Clariza ay natutunan nyang umibig. Subalit ang una niyang pag-big ay hindi katulad ng pangkaraniwan sapagkat hindi niya nakita si Joseph. Sa pamamagitan lamang ng text sila nag-usap at sa ganoong paraan niya ito minahal. Nagpakilala si Joseph kay Clariza bilang pump attendant ng isang gasoline station. Lingid sa kaalaman ng dalaga na nag-iisang tagapagmana ang binata ng pamilya Villa Fuente at Monreal. Itinago ng binata ang kanyang estado sa buhay upang sukatin ang pag-ibig sa kanya ng dalaga. Naging tapat naman ang pag-iibigan nila pero isang araw ay nagbago iyong lahat. Dahil sa isang mabigat na dahilan ay nakipaghiwalay si Joseph kay Clariza. Labis na ikinadurog ng puso ng dalaga ang biglaang pakikipaghiwalay sa kanya ni Joseph. Mula noon ay nangako si Clariza sa sarili niya na hindi na siya iibig pang muli. Mabilis na lumipas ang sampung taon. Lingid sa kaalaman ni Clariza ay matagal na siyang nagtatrabaho sa lalaking nanakit sa kanya. Si Engr. Joseph Kristian Monreal Villa Fuente. Isang kilalang inhinyero at isang multi-billionaire. Tatlong taon siyang hindi umuwi sa Pilipinas dahil sa kagagawan ni Venus, ang babaeng sumira ng maganda nilang relasyon ni Clariz. Sa kanyang pagbabalik sa Pilipinas ay dumeretso siya sa resort na pag-aari niya. Nakilala niya nang personal ang supervisor na laging ipinagmamalaki sa kanya ng kanyang assistant. Sa unang pagtatama ng paningin nila Joseph at Clariza at sa simpleng ngiti ng dalaga ay agad na nahumaling ang binata. Dala ng kuryusidad ay natuklasan ng binata na ang babaeng napupusuhan niya ay siya rin ang babaeng iniwan at sinaktan niya sampung taon na ang nakalipas. Pano makukuhang muli ni Joseph ang puso ni Clariza? May pangalawang pagkakataon pa ba ang kanilang magmamahalan gayong hindi na handang muling umibig ang dalaga?

Yumaman na lang bigla si Stella dahil sa isang malaking bag na may lamang five hundred million pesos mula sa lalaking hindi nila kakilala ng kaibigan niya na si Janice na hinahabol ng mga kapulisan. Imbis na dalhin 'yon sa kapulisan ay hindi na lang nila ginawa sa takot na madawit pa sila. Umalis sila ng kaibigan niya sa tinitirahan nila. Gamit ang perang 'yon ay nagbago ang buhay nilang dalawa. Naging mayaman sila. Nagkaroon sila ng sariling negosyo at kompanya. Nakilala ni Stella si Elmo na nagmamakaawa sa kanya na bigyan ng trabaho dahil kailangan nito ng pera para mabuhay. Naawa siya sa lalaking ito kaya binigyan niya ng trabaho. Unang kita pa lang niya kay Elmo ay aminado na siya sa sarili niya na gusto niya ito. Naging malapit sila sa isa't isa hanggang sa magkaroon ng namamagitan sa kanila. Walang kaalam-alam si Stella na ang pagdating ni Elmo sa buhay niya ay ang magbubukas ng pinto sa nakaraan niya upang malaman niya kung sino nga talaga ang tunay niyang mga magulang at nagmamay-ari ng perang ginamit nila ng kaibigan niya na si Janice upang yumaman sila.

Lumaki si Dylan na walang kinatatakutan at ayaw na may ibang taong kumukontrol sa kaniyang buhay. Hindi rin siya friendly at hindi marunong magpakumbaba. Ngunit wala siyang choice nang ipasa sa kaniya ng ama ang trabaho nito—ang bantayan ang heartless at dominanteng anak ng isang Chairman na dati ay pinuno ng isang organization. Hindi gusto ni Alexander ang buhay na mayroon siya. Tinitingala siya ng lahat maliban sa isang taong may magaspang na pag-uugali. Dahil sa kagustuhang mabigyan ng hustisya ang pagkawala ng kaniyang ina, pinagbigyan niya ang gusto ng ama. At ipakita niya rin sa antipatikong lalaking kaniyang bodyguard kung ano ang kaya niyang gawin upang mabawasan ang kasungitan nito. Sa paglalaro ng emosyon ng bawat isa, sino ang unang susuko at mahuhulog sa bitag nang mapaglarong tadhana? Sino ang top at bottom sa dalawa?

Walang ibang gusto si Becky kundi ang makarating ng ibang bansa lalong lalo na sa Amerika. Simula ng bata pa siya at makabasa siya ng tungkol sa mga Pilipinong nag a-abroad at gumanda ang buhay kaya siya nag umpisang mangarap. Kaya naman ng magkaroon siya ng chatmate na Kano na nagpapahiwatig sa kanyang gusto siya nito ay dun siya nabuhayan ng dugo na mangarap ulit. Lalo na ng magsabi itong handa daw itong puntahan siya sa Pilipinas para makipagkilala at personal siyang ligawan. Maayos na sana ang lahat maliban lamang sa isang problema: buong akala ng Kano ay seksi siya. Kung noong bata pa siya ay chubby na siya ay mas dumoble pa ata ang pagtaba niya ngayong nagdalaga na siya. Isa ito sa dahilan kung bakit lagi siyang inaasar na mataba ng kapitbahay niya mula pagkabatang si Brix; na siya namang nag-alok sa kanya na tutulungan daw siyang magpapayat kapalit ng pagiging modelo ng gym na pag-aari niya. Galit man siya dito ay pumayag na rin siya alang alang sa pangarap niyang makarating sa Amerika. Kasabay ng pagpapapayat niya ay ang unti-unting pagkawala ng galit niya kay Brix. Ang puso niyang dati'y nababalutan ng kolesterol ay nagsisimula ng tumibok para sa binatang wala ng ibang ginawa noon kundi asarin siya. Mababago kaya nito ang matagal na pangarap niyang makapunta ng ibang bansa?

Kalagitnaan ng gabi lasing na lasing si Lance at pinigilan siyang umuwi ng kaibigan niya galing sa isang bar ngunit hindi siya nakinig. Habang nagmamaneho nang mabilis ay biglang tumawag ang kanyang ina, dahilan para mawalan siya ng konsentrasyon sa pagmamaneho, at tangkang mababangga sa isang kulay asul na kotse na kapwa bumubulusok din ng takbo. Mababangga na sana ang kotse niya rito nang sa hindi inaasahang pagkakataon ay lumihis ng landas ang kasalubong niyang kotse dahilan para tumama ito sa kongkretong pader. Tinulungan ni Lance ang babaeng nagmamaneho ng asul na kotse upang dalhin sa hospital ngunit kinabukasan matapos niyang dalhin ang babae sa hospital ay bigla nalamang itong nawala ng parang bula. Walong buwan matapos ang aksidente ay muling nagkrus ang landas ng dalawa, ngunit sa pagkakataong ito ay talagang sinadya na, sapagkat ang babae na mismo ang lumapit sa kanya at nagpakilala bilang tauhan ng kaniyang ama. Ang mas nakapagpagulat kay Lance ay nang malaman nitong pinapahanap siya ng kanyang ama na matagal na niyang hinahangad na makita. Mas lalo siyang nasorpresa sa sinabi ng babae na siya ang misyon niya, misyon niyang dalhin siya sa bansa nilang hindi lantad sa ibang mga tao. Sa isang bansang tago at hindi kita sa globo. Isang bansang hanggang ngayon ay nananatiling sikreto.

Sa araw na dapat ay pinakamasaya sa buhay ni Roxanne, pinili niyang tumakas kaysa ikasal sa lalaking hindi niya mahal. Alam niyang magiging miserable lamang siya- tulad ng sinapit ng kanyang ina sa isang arranged marriage. Ngunit ang pagtakas ni Roxanne ay nagbunsod ng matinding galit mula sa kanilang lolo, tanging pamilyang mayroon sila. Upang hindi mapahiya ang pamilya, nagdesisyon ang lolo na ipakasal ang nakababatang kapatid na si Cathryn kapalit ng kalayaan ni Roxanne. walang magawa si Cathryn kundi tanggapin ang kapalaran - ang ikasal sa lalaking kinaiinisan niya si Mark, isang kilala arogante at malamig ang ugali. Sa panig naman ni Mark, buo ang paniniwala niyang si Roxanne ang pakakasalan niya. Ngunit sa harap ng altar, ibang babae ang humarap sa kanya - si Cathryn. Isang kasal na hindi planado. Isang pag - iisang dibdib na puno ng galit, sakit at tanong. Sa gitna ng isang Unexpected Wedding, mabubuo ba ang pag- ibig sa pagitan ng dalawang taong pinilit lamang ng tadhana? O tuluyan lamang silang dudurugin ng mga lihim, galit at sugat ng nakaraan?

Sinusundan ng kuwento ang buhay at paglalakbay ni Juan, isang matalino ngunit karaniwang binatang ipinanganak na may payak na talento sa mundong ang kapangyarihan at paglinang ang nagtatakda ng kapalaran. Sa pamamagitan ng pagsisikap, talino, bihirang pagkakataon, at malulupit na karanasan, tinatahak ni Juan ang mahaba at mapanganib na landas ng paglinang—pilit na nilalampasan ang kanyang likas na kakulangan upang umangat tungo sa tunay na lakas. Sa kanyang paglalakbay, haharap siya sa mga pagsubok na buhay‑o‑kamatayan, matitinding pagkalugi, mababangis na sekta at karibal, at ang malupit na katotohanan ng mundong pinamumunuan ng lakas at walang-awang ambisyon. Mula sa simpleng pangarap na maging “isang taong may saysay,” unti‑unting hinuhubog ang kanyang landas ng paghihiganti, pag‑iral, pag‑ibig, at pag‑aklas laban sa kapalaran. Sa paglipas ng mga taon—at maging ng mga buhay—matutuklasan ni Juan ang mga natatanging teknik sa paglinang, haharapin ang siklo ng buhay at kamatayan, at susubukin ang hangganan ng kung ano ang maaaring maging isang tagapaglinang. Sa huli, tatahakin niya ang landas na wala pang sinuman ang naglakas-loob tahakin, tinatangka ang imposible at hinahamon ang mismong batas ng pag-iral.

Isang lihim ang nabuksan nilang magkakaibigan. Lugar na nasa ilalim pa ng basement na matagal ng nakakandado. Isang napakagandang babae ang natagpuan nila doon, na natutulog lang at dahil sa kapangahasan nila, nagising nila ito at napakawalan nila ang sumpa na lumulukob sa dalagang naandoon. Sa pag-gising ng dalaga sunod-sunod na kababalaghan ang nangyari sa bakasyon nilang iyon at sinisisi ng dalagang si Cassandra, na natagpuan nila sa ilalim ng basement, ang mga kababalaghang iyon sa mangkukulam na nagkulong sa kaniya sa sumpang pagtulog sa mahabang panahon. Paano nila matatakasan ang kababalaghang kalakip ng dalagang nagising nila? At sino nga kaya ang mangkukulam na gumugulo sa kanila at pati buhay nila, ay nasa bingit na ng kamatayan? Makakatakas pa nga ba sila kapahamakang iyon? O kamatayan din nila ang kahihinatnan ng kapangahasan nila? Dark Fantasy CollectionSLEEPING BEAUTY@KamijoMican

"I always get what I want." Iyan ang motto sa buhay ng spoiled brat na si Daciana Vittoria. Ngunit ng makilala niya ang binatang si Kane Sylvester ay nasubok ang kanyang pagiging spoiled. Mas nagkaroon ng thrill ang inaayawan niyang pag uwi sa Hacienda ng Lolo niya dahil kay Kane. Sa paglipas ng maraming taon ay nagmatured at natuto sa buhay si Daciana at sa pagbabalik niya sa Hacienda ng Lolo niya ay muli niyang nakita si Kane. Paano kung sa pagbabalik niya ay muling bumalik ang nararamdaman niya para sa binata? Ang nasa isip lamang ni Kane ay ang magantihan si Daciana dahil sa ginawa nito noon. Ano ang mangyayari sa paghihiganting kanyang gagawin? Kakayanin ba niyang saktan ang damdamin ng babaeng kahit kailan ay hindi naalis sa puso niya?