Tao Heartstopper Comics

Hindi lang isa kundi dalawa ang naging dagok sa buhay ni Athy, iyon ay noong malaman niyang niloloko lang siya ng kanyang mahal na ex-boyfriend at pinsan niya na si Marga. Dahil sa sama ng loob ay nagpakalasing siya at may nakitang kamukha ni Matt sa bar na inakala niyang si Matt talaga kaya hindi na siya nagdalawang isip pa na ipagkaloob ang sarili rito ngunit kinabukasan ay laking gulat niya nang makita ang mukha ng lalaking inakala niyang si Matt— mali pala siya at ito pala ang Tito ni Matt. Sa halo-halong emosyon ay nagmamadali siyang umalis at hindi na muling nagpakita pa rito, ngunit isang buwan ang makalipas ay nalaman niyang nagdadalang tao na pala siya. Kasunod pa nito ang pagkalugi ng kumpanya ng kanyang ama at pagkakaroon ng utang. Iniisip niya kung pagsubok pa ba iyon o parusa na hanggang sa bigla na lang lumitaw si Marcus— ang Tito ni Matt dala ang isang alok para sa kaniya. “Pakasalan mo ako at ako ng bahala sa mga utang ng pamilya mo. Kapalit nun ay ang pagdadala mo ng anak ko para sa mamanahin ko.” Higit pa doon ay ipinangako nito sa kaniya na tutulungan siya nitong makaganti sa ex niya at sa pinsan niya, dahilan para hindi siya nagdalawang isip na tanggapin ang offer nito ngunit saan kaya sila dadalhin ng tadhana sa kasunduan nila? ….