Chapter 8

"SALAMAT sa paghatid."

"Salamat ulit? Wala man lang bago?"

Patulak na ibinalik ni Yeonna ang helmet kay Mark. "I-renew mo na iyang lisensiya mo dahil kapag umabot pa 'yan ng isang linggo, baka hindi lang ticket ang ibigay ko sa 'yo!"

"Haist! Akala ko pa naman kapag may kaibigan akong pulis, absuwelto na ako."

Nagkataon noon na duty si Yeonna nang mahuli si Mark sa isa sa mga checkpoint kaya nalaman niya ang naging violation nito.

"Alam mong walang kai-kaibigan sa akin."

"Paano kung sabihin ko sa makakahuli sa akin ng girlfriend kita? Iaabsuwelto kaya nila ako?"

"Ikukulong kita sa pagkakalat ng maling impormasyon!"

Natawa si Mark. "Siguro kong natuloy ka sa pagiging isang lawyer, marami ka na ring napakulong."

"Sige na. Magtatrabaho na ako. Mag-iingat ka."

"Wala man lang kiss?" sabay patulis nito sa bibig.

Itinaas naman ni Yeonna ang tsapa. "Gusto mong dito ikiskis iyan?"

"Have a nice day, Miss Police Officer."

Itinaas lang ni Yeoona ang kamay bilang pamamaalam kay Mark at tumalikod na. Dumiretso na siya sa kanyang assigned department nang makapasok ng gusali.

"Kapitan!”

Sinalubong ng malakas na palakpakan at hiyawan si Yeonna nang makapasok siya sa departamento niya. Nakaabang na sa kanyang pagdating ang mga kasamahan sa trabaho na ang ilan ay may hawak na ng mga bulaklak habang ang iba naman sa mga kalalakihan ay nagpalipad ng confetti.

“Ano bang ginagawa ninyo? Nagkakalat kayo!”

“Kapitan—”

“Heh!” saway niya sa isang katrabaho. “Candidates pa lang ako. At malalakas ang mga kalaban ko. Nakakahiya kung maririnig nila ang pagtawag niyo sa akin ng ganyan.”

“Sikat na sikat ka ngayon sa social media. Mabangong-mabango ang pangalan mo kaya imposible na hindi mo makuha ang posisyon.”

“Sige na. Magtrabaho na lang kayo. Para sa susunod na selection, mapasama na rin ang mga pangalan niyo na nilulumot na sa apat na sulok ng presintong ito.”

Nauwi sa tuksuhan ang biro na iyon ni Yeonna nang pukulin ng tingin ng lahat ang isa sa kanilang mga kasamahan na tumanda na sa pagiging desk officer.

"Wala akong binanggit na pangalan," depensa agad ni Yeonna na lalo lang nagpaugong sa malakas na tawanan.

“PO2 Agravante…”

Napalingon ang dalaga sa tumawag na katrabaho na naka-duty sa frontline ng presinto.

“Pinapatawag ka ni Sir Bragaise.”

“Okay. Salamat.”

“Kapitan, siguradong pasado ka na niyan. Malakas na ang backer mo.”

“Tumigil nga kayo. Oras na ng trabaho. Sige na. Ilagay niyo na lang ‘yang mga bulaklak sa mesa ko at linisin ninyo ang mga kinalat niyo sa sahig.”

“Wala man lang bang salamat?” biro ng isa.

“Pa-c*ntot naman!” dagdag ng isa pang pulis na kilalang babaero sa grupo.

“This jerk!” asik ni Yeonna.

“Ang ibig kong sabihin, canton! Ang dudumi talaga ng utak niyo!”

“Kapitan, lumabas na lang tayo mamaya.”

“Okay. Treat ko. Kayo na lang ang pumili ng lugar. ”

Naghiyawan ang lahat.

“Kapitan, wala nang bawian!”

Umalis na si Yeonna at tinungo na ang opisina ng mataas niyang opisyal. Nang huminto at tumapat siya sa nakasarang pinto ay nagpakawala muna siya nang malalim na buntong-hininga saka siya marahang kumatok.

“Come in.”

Sumaludo siya nang makapasok. “PO2 Agravante, reporting, sir!”

“Carry on. Have a sit, PO2.”

“Thank you, sir.”

"Wala ka bang tinamong injury kahapon?"

"Okay lang po ako, sir."

"Alam kong sa klase ng trabaho natin ay kailangan na mas unahin natin lagi ang kapakanan ng mamamayan. Pero hindi ibig sabihin na basta ka na lang lulusob nang hindi mo pinaghandaan. Pa'no na kung hindi lang pala patalim ang dala ng hostage-taker? Mag-iingat ka pa rin. And that's an order!"

"Yes, sir! Thank you, sir!"

Sandaling binalot ng katahimikan ang paligid. Pinakalma muna ni Erman ang sarili bago ito muling nagsalita. “I will be honest with you. Alam mong malalakas ang mga kalaban mo sa posisyon. They are all more experienced men than you na limang taon pa lamang sa serbisyo. Kahit na naging instant celebrity ka sa social media in span of a day dahil sa nangyaring hostage-taking kahapon, kulang pa rin iyon para makatulong sa promotion mo.”

“Naiintindihan ko po, sir. Gagawin ko na lang po ang lahat nang makakaya ko.”

“You know how much I believe in your skills and talent, PO2 Agravante."

"Yes, sir! Thank you, sir!"

Tumango-tango ito. "Being a captain is one step closer to your goal. Kaya nga inihanay kita sa magagaling for you to steal spotlight. Huwag mong sasayangin ang laki ng oportunidad na ibinigay ko.”

“Opo, sir. Maraming salamat po.”

“I asked you to come here para sabihin nang personal sa 'yo na makukuha mo ang boto nina Deputy Chief Alonte at Colonel Sabadia.”

Nabuhayan nang pag-asa si Yeonna sa narinig na magandang balita.

Ang dalawang nabanggit na opisyal ay may matataas na posisyon sa National Police. The latter is her old mentor at the PMA. Hindi naman sila malapit nito when she studied at the academy. But having him on her side is a great advantage.

“They have seen your video circulating in social media. At napabilib sila sa tapang mo. They said you tackled the hostage scene in less than twenty minutes.”

“Salamat po, sir. It’s always been an honour for me na magsilbi sa bansa natin.”

“At ganyan na ganyan ngang magandang ugali ang kailangan na kailangan ng PNP. Keep up the good work. Huwag mo sana akong ipapahiya.”

“Makakaasa po kayo, sir.”

“Iwasan mong huwag madumihan ang pangalan mo. Kahit maliit na butas ang masilip sa ’yo ng mga kalaban mo, it will end your dream.”

“Tatandaan ko ang mga payo mo, sir.”

“Sige na. Bumalik ka na sa trabaho mo.”

Tumayo si Yeonna at sumaludo uli sa opisyal. Nang makalabas sa opisina ay pinakawalan niya ang mahinang suntok sa hangin. Abot-kamay na niya ang pangarap.

“Malapit na," wika niya sa sarili. "Malapit na malapit na ako sa 'yo, Yessa.”

She took her wallet at tinunghayan doon ang larawan ng kapatid. Sampung taon na rin ang matuling lumipas, pero hindi pa niya naibibigay rito ang hustisya. The criminal came from a prominent family na kayang bilhin at paikutin ang batas. She made a vow to her sister's grave na bibigyan niya ng katarungan ang pagkamatay nito.