Chapter 9

HUMINTO ang dalawang kotse ng grupo ni Yeoona sa harapan ng isang resto bar. Naghanap muna sila ng parking slot saka magkakaabay nang naglakad patungo sa entrada.

"Pinili ko ang pinakamagandang venue para sa advance celebration natin."

Napatingin si Yeonna kay Alrich. "For sure, pinili mo rin ang pinakamahal."

Napangiti ito. "The best dito."

"Butas naman ang bulsa ko."

"Minsan lang 'to." Inakbayan ni Aldrich si Yeonna, "Sigurado na ang kasunod nito ay kasal mo na."

Naghiyawan ang lahat.

"Makakahigop na rin ng mainit na sabaw!" biro ni Isko.

"Haist!" Siniko ni Yeonna sa tagiliran ang kaibigan, "Tumigil ka nga! Tumigil kayo!" asik niya sa mga kasama.

"Teka," singit naman ni Macoy. "Paano nga pala siya ikakasal kung manliligaw nga wala?"

Nagkatawanan ang grupo.

"Mas lalaki ka pa kasing umasta kaysa sa amin," wika ni Melan. "Minsan lalambutan mo ang balakang mo kapag naglalakad."

Lumakas ang tawanan ng lahat nang dalawang lalaki sa grupo ang naglakad nang pakembot-kembot sa unahan.

"At dapat may kunting papungay ng mga mata," dagdag ni Dante. "Iwasan mo ang tingin na parang kakain ka ng buhay na tao."

"Magbaon ka rin ng pang-seksing mga damit para kapag off-duty ka na, makita naman namin ang mga muscles mo," ani Isko.

"Titigil ba kayo o uuwi na tayo?" banta ni Yeonna.

Bigla namang nawala ang tawanan sa paligid. Sumeryoso ang lahat.

"Lead the way," wika ni Aldrich nang ipagbukas ng pinto si Yeonna.

"Takot pala kayong magutom," saad niya nang pairap na lagpasan ang kaibigan.

Nakatawag na sa resto bar si Aldrich at nakareserba na sila ng puwesto roon.

Hinayaan ni Yeonna na ang mga kasama na ang mag-order. At ilang sandali lang ay napuno na ng mga pagkain at inumin ang kanilang mesa.

“Cheers!”

Masayang iniangat ng lahat ang kanilang mga baso na may laman na alak.

“Para sa tagumpay ni PO2 Agravante!”

“Soon-to-be, Captain Agravante!”

“Cheers!”

“Bottoms up!”

Sinaid ng lahat ang laman ng baso at pabagsak pa iyong ibinaba. Everyone enjoys the night. Karamihan sa kanila, walang pasok bukas. Ang iba na may duty ay hindi na nila pinilit na uminom.

“Kapitan, huwag mo kaming kakalimutan kapag nasa taas ka na.”

“Hindi mangyayari ‘yon. Siyempre mas masarap tamasain ang tagumpay kung marunong tayong lumingon lagi sa ating pinanggalingan.”

"Tama!" sang-ayon ng lahat.

"Deserve mo ang ma-promote," wika ni Dante. "Nakita kita mula pa lang noong unang araw mo na masipag ka at puno ng dedikasyon sa trabaho."

"Salamat, salamat. Pana-panahon lang tayo. Nauna lang ako sainyo. Malay niyo, susunod na kayo. Basta pipiliin niyo lang lagi ang daan na malinis at matuwid."

"Yes, Captain!" wika na lahat na ang ilan ay sumaludo.

“Hey,” tawag-pansin ng isa sa grupo. “Hindi ba’t si Anthony Cardoval iyon?”

Naningkit ang mga mata ni Yeonna nang makilala ang isa sa mga lumapastangan sa kanyang kapatid. He is walking freely and living well na para bang wala itong sinirang buhay.

"Amoy na amoy ko hanggang rito ang kabahuan at karumihan ng pagkatao niya," ngitngit ni Dante.

It’s been six years nang huling makita ni Yeonna ang grupo ni Anthony sa loob ng korte. Nakangiti ang mga ito at nakaguhit sa mga mukha ang matinding kasiyahan matapos na maabsuwelto ang mga ito sa kaso. They even celebrated it with a huge party right after they went out from that place.

"Mamalasin din iyan pagdating ng tamang panahon," wika ni Isko.

Yeonna is just a rookie and on her first year as a police officer when she found out about the group's identity.

Sinubukan niya noong lumaban ng patas, pero nabaliktad ang lahat. From then on, ipinangako niya sa sarili na haharapin uli niya ang mga kalaban kapag malakas na siya. Kapag may kapangyarihan na siya. Kapag puwede na niyang pagkatiwalaan ang batas.

“Iba na talaga kapag kabilang sa angkan ng mga mayayaman,” kumento ni Dante. Pinakamatanda ito sa departamento ni Yeonna kaya pamilyar ito sa Agravante R*pe Murd*r Case. “Makakahanap din nang katapat ang gag○ng iyan.”

“Mahirap siyang kalaban kaya mag-iingat kayo sa pagsasalita,” paalala ni Aldrich na hininaan pa ang boses. “ Kampon iyan ni S*tanas. Ipinapapatay niya ang mga tao na makursunadahan niya.”

Tumahimik ang lahat nang matuon sa kanila ang tingin ni Anthony na agad namang nakilala si Yeonna kahit may kalamlaman ang liwanag sa paligid ng kinaroroonan nilang puwesto. Sandali itong nagpaalam sa kasamang babae saka lumapit sa mesa ng grupo.

“Look who’s here? A bunch of pulis-patola!”

"Darn! You all look like a loser, trying to fit in this expensive place. Bagay sainyo ang kumain lang sa mga karinderya."

Wala namang umimik isa man sa grupo. Nakikiramdam lang ang mga ito kung sino ang unang iimik. Pero lahat ay pasimpleng nakatingin kay Yeonna.

"This place is newly built. Pero kung ganito pala kababa ang standard nila sa pagtanggap ng mga kostumer, then the owner should shut down his business. He has no sense of quality."

Lumikha ng ingay ang pagngisi ni Yeonna kaya natuon sa kanya ang atensiyon ni Anthony na alam naman niyang gusto lang kunin ang kanyang pansin.