Kabanata 23: Jealous

Lunes na naman at wala na naman si Ricks sa tabi ni Joy pero hindi pa din nasasanay ang dalaga. Palagi niyang hinahanap-hanap ang presensiya nito lalo na ngayon na mayroon siyang kakaibang nararamdaman sa sarili niya.

Kaninang umaga paggising niya ay panay ang pagsusuka niya, naisip ni Joy na baka buntis siya kaya pumunta siya sa drug store at bumili ng pregnancy test para kumpirmahin ang kaniyang hinala. Pag-uwi ni Joy ng bahay ay kaagad niyang ginamit ang pregnancy test at ganoon na lamang ang sayang nadama niya nang makita ang resulta-- buntis siya!

Sa wakas ay magkakaroon na sila ng anak ni Ricks.

Nagkaroon na din sa wakas ng bunga ang limang taong pagmamahalan nila.

Nasasabik na siya na ipa-alam sa nobyo ang pagbubuntis niya pero pinigilan niya ang kaniyang sarili dahil gusto niya itong sorpresahin. Sa susunod na buwan ay birthday na nito. Doon na lamang niya sasabihin sa nobyo na buntis siya-- na ang batang dinadala niya ang regalo niya para s