Chapter 5

BIGLANG umahon ang matinding kaba sa dibdib ni Loraine nang makita ang limang lalaking nakaitim na suit sa labas ng kanilang bakuran. Pumasok ang isa na sinalubong naman ni Khaleb. Hinawakan ito sa mga braso at binitbit palabas. Agad siyang bumaba sa motor at tinakbo ang mga lalaki. Matinding trauma ang hatid sa kanya ng mga ganong hitsura ng mga lalaki. Sigurado siyang sasaktan ng mga ito si Khaleb kaya naman kumuha siya ng dos por dos para ihampas sa mga ito.

“Loraine! No!”

“Mga hayop kayo! Lumayas kayo dito!”

Sa kasamaang palad nasalag naman ito ng isa.

“Loraine, no!” Agad na hinarangan ni Khaleb si Loraine dahil alam niyang kikilos ng hindi maganda ang mga bodyguards niya. At hindi siya nagkamali, nakaamba nang sapakin ng isa niyang bodyguard kaya imbes na ito ang masaktan ay siya ang sumalo.

Agad na namutla ang body guard sa pagkakasapak niya kay Khaleb na ikinabagsak nito sa sahig.

“Khaleb!!!” Binalingan naman ni Loraine ang lalaking sumapak kay Khaleb.

“Loraine no! No!” Hindi ngayon maintindihan ni Khaleb kung sino ang pipigilan niya.

“Khaleb pumasok ka sa loob!” sigaw ni Loraine na parang hindi man lang ininda ang sakit ng pagkakasapak sa kanya.

“Loraine, no! Kayo! Huwag nyo siyang sasaktan!” utos ni Khaleb. “Loraine, okay lang. Kilala ko sila. Mga bodyguard ko sila, pinapasundo lang ako ni Uncle Ib,” humahangos na paliwanag ni Khaleb.

Napapikit si Loraine at bagsak ang balikat. Nakahinga siya ng maluwag nang masigurong ligtas si Khaleb.

“WHAT THE HELL!!!” Namumula sa galit si Ibrahim nang marinig ang balita sa nangyaring hindi pagkakaunawaan, nasapak ang kanyang pamangkin. Nagalit siya ng husto at lalong naintriga kung anong meron sa babaeng iyon na nakuhang protektahan ni Khaleb.

“She doesn’t know what she’s been up to. Gusto ko siyang makita! Dalhin nyo siya sa akin!” sigaw niya sa phone habang kausap ang isa sa mga tauhang nagbalita ng nangyari.

“What a guts! Sino siya sa akala niya para ipagtanggol ng isang prinsipe. Mananagot talaga siya!”

“UNCLE IB!” sigaw ni Khaleb. Nagalit siya sa paraan ng pagsundo sa kanya.

“What?!” ganting sigaw ni Ibrahim. Ngayon lang sila nagkainitan ng pamangkin at ang nakakaasar doon ay dahil lang sa isang walang kwentang babae.

“What a nerve! Bakit kailangang ipasundo mo ako ng ganon sa mga bodyguards? You scare the hell out of her! Do you know how to do it in decent way?!”

“Emir Khaleb Kalif Al-Khalifa!”

Natigilan si Khaleb nang banggitin ng uncle niya ang kabuuan ng kanyang pangalan. Nagpapaalala sa kanya kung sino siya at anong meron siya. Tama, kabilang siya sa Arab Royal Family na hindi dapat dinadapuan ng kahit na sinong palad para lamang saktan. Bumalik siya sa reyalidad na isa nga pala siya sa susunod na magmamana ng trono ng kanyang ama. Nadala siya ng damdamin niya nang makitang nasaktan si Loraine na halos nakapagpalimot sa kanya kung sino siya.

“You’re grounded!” utos ni Ibrahim.

Bumagsak na lang siya sa sofa at walang nagawa.

HINDI maalis sa isip ni Loraine ang nangyari ng nakaraang gabi. Nag-aalala pa rin siya kay Khaleb, paano kung hindi naman niya talaga tunay na mga bodyguards yung kumuha sa kanya. Tinatawagan niya ito pero hindi sumasagot. Ini-relax na lang niya ang sarili para makapagtrabaho ng maayos.

Paglabas niya ng bahay, sinalubong siya ng limang lalaking malalaki ang katawan at binitbit pasakay sa kotseng itim na magara.

“Teka, teka, sino kayo saan nyo ako dadalhin?”

“Sumama ka na lang ng maayos kung ayaw mong masaktan,” sagot ng isang lalaking may malagong at nakakatakot na boses.

“Ano? Anong masasaktan? Teka.” Umahon ang takot sa kanyang dibdib.

Diyos ko sila ba yung kagabi, mamamatay na ba ako? No! Hindi pwede! Kawawa naman si Disney. Overthink niya.

“Relax, gusto ka lang makausap ni Boss.”

Bumaba sila sa harapan ng isang mala-palasyong mansion na nakatago sa liblib na lugar na may napakataas na gate, ni hindi niya alam kung nasaan sila. Pero ang ganda ng mansion. Halos itulak siya ng mga lalaki papasok sa isang pribadong silid. Napakaganda at napakarami ring libro. Hindi niya tuloy maiwasang igala ang mga mata kaya hindi niya halos napansin ang matangkad na lalaking nakasuot ng napaka-elegantend suit.

“Finally, we met,” barintonong tinig nito.

Napatingin siya sabay harap naman nito.

“Ikaw?” kunot noong tanong niya. Ang antipatikong Herodes na nagkape sa coffee shop ni Cleo.

“Nothing else. I’ll go straight to the point Miss Gonzales.”

“Miss Gonzales? Kilala mo ‘ko? Pina-background check mo ba ako?”

“It doesn’t matter. What matter is my nephew,” malamig na tono nito.

“Nephew? Sinong nephew?” naiiritang tanong niya, napansin niyang hindi nito nagugustuhan ang magagaspang niyang sagot.

“Ako ang Uncle ni Khaleb ako si Ibrahim…”

“At ikaw pala ang mayabang na Herodes na Uncle Ib ni Khaleb! Huh! Ang yabang mo rin e ano. At talagang ipinasundo mo pa si Khaleb sa bahay ko sa mga bayolenteng bodyguards. Hoy kung sino ka mang Herodes ka, wala kang karapatang pumasok ng marahas sa bakuran ng ibang tao.” May panduduro pang kasama.

“Agh! She’s getting into my nerve!” Nasabi niya sa isip habang nagtitimpi.

“I’ll pay you as much as you want, layuan mo lang ang pamangkin ko.”

Halos hindi makagalaw si Loraine sa narinig. Hindi niya maintindihan kung paano mag-re-react sa sinabing iyon ng Uncle ni Khaleb. At napagkamalan pa yata siyang girlfriend nito.

“Huh! Nakakatawa ha. Hindi magandang paratang.” Sa inis niya, nahawakan niya ang booklet na nasa ibabaw ng side table at saka ibinato rito. “Gago ka! Anong palagay mo sa akin sugar mommy? Ang kapal ng mukha mo!”

“Hey! Stop! Stop! Stop!” Nagawa ni Ibrahim na umiwas, saka hinagilap ang bewang at braso nito. Hindi inaasahang nagdikit ang kanilang mukha. Her eyes met his, and it feels like searching him deeply in his bones. Aminado siyang nakuryente siya sa init ng hininga nito na amoy coffee latte. It makes his manhood alive, lalo na nang masalat niya ang mala-artistic na kurba ng bewang nito.

Same as Loraine, kakaibang kilig ang hatid ng maaamo at mapupunagy nitong mga mata. Ang ilong nitong parang goddess ang hugis maging ang mga labing mapupula at magandang korte. Parang magnet na humuhila patungo sa kanyang mga labi.

“Is this how you seduce my nephew. Because if it is, you’re doing a great job,” bulong ni Ibrahim.

Hindi niya mawari kung papuri ba iyon o insulto. Mas pinili niya ang pangalawang statement ng kanyang isipan kaya buong lakas niya itong itinulak.

“The nerve! Asshole!” sabay sampal niya dito.

Kaya naman muli nitong hinawakan ang kanyang kamay ng buong higpit.

“Do it once and your dead! Hindi mo nakikilala kung sino ang sinasampal mo,” banta nito.

Bigla namang nag-ring ang phone ni Loraine. Tumatawag ang guidance councilor ng school ni Disney kaya nagawa niyang bumitaw.