Chapter 6

CHAPTER 6

Pasikretong inginuso ng hairstylist ni Chelary si Riguel na parang higanteng tuod na nakatayo sa sulok ng dressing room na kinaroroonan nila.

“Ms. Che, boyfriend mo?”

“Hindi,” tipid niyang sagot habang patuloy na tumitipa sa kanyang cellphone.

She’s texting with her baby Amber. Nasa Manila na ito at ang Auntie niya kahapon pa. Iyon ang dahilan kung bakit nagpumilit siya na tumuntong ulit sa siyudad kahit otsenta porsyento na nanganganib pa rin ang buhay niya.

“Kanina pa kasi tingin nang tingin sa ‘yo. Jusko, mahihimatay yata ako kapag ako ang tinitigan niya ng ganyan,” napahawak pa si Jonas sa dibd ib.

Alam niya. Kanina pa niya ramdam na ramdam ang nakapapasong titig ni Riguel. Nagpumilit itong pumasok ng dressing room dahil kargo raw siya nito. Pumayag si Riguel na pumunta siya ng Maynila sa kondisyon nitong hindi siya pwedeng mawala sa paningin nito.

Napairap siya nang maalalang kinai