Chapter 81

DALI-DALI siya nabihis ng damit pang-alis. Nang natapos na siya magbihis ng damit niya ay lumabas na rin siya mula sa kwarto niya. Upang hanapin si Manang Salod.

Sa kay Manang Salod niya muna iwan si Baby Yuna. Malalaki ang bawat paghakbang ng kanyang mga paa patungo roon sa kusina.

“Manang,aalis muna ako. Kung pwede po, ikaw muna mag-alaga kay Baby Yuna,” aniya nakangiti ngunit hindi iyon abot hanggang sa kanyang mga mata.

Napatigil si Manang Salod sa ginagawa nito, atsaka pumihit paharap dito.

“May problema ba, Yza?” tanong ni Manang Salod na nakakunot-noo itong nakatingin sa kanya.

“Wala naman, Manang.” Pagsisinungaling niya. “May importanteng pupuntahan lang po ako pero babalik din po ako agad.”

Nakatitig pa rin si Manang Salod sa kanya. “Sa ilang buwan na kasama na kita. Kilalang-kilala na kita Yza. Pero sige ako na ang bahala muna kay Baby Yuna.” Nakangiti turan ni Manang Salod.

“Salamat, Manang.”

“Mag-iingat ka,” ani Manang Salod. Bago tuluyang nagpaalam dito si Yza para uma