chapter 9

Pagkatapos kong maglinis ay sinubukan kong magluto ng binili ko na instant food. Wala pang stock ng pagkain ang condo ni sir dahil kakadating niya lang, maghihintay na lamang ako ng budget para makapag-grocery. Hindi ko rin alam kung nasaan si sir dahil kanina umalis ito ng walang paalam, maaga pa akong nasungitan.

Naalala ko tuloy ang pinaka-unang pagsusungit niya sa akin kaninang umaga habang nasa mansion pa kami. Inutusan ako nitong ako lang dapat ang maglagay sa mga bagahe nito papasok sa kotse niya at take note mabibigat lahat ng maleta niya, sinakto niya talagang walang tutulong sa akin dahil may kaniya-kaniyang trabaho sila Alisha. Ganoon din ang nangyari pagdating dito sa condo, apat na maleta ang bitbit ko mula unang palapag hanggang sa ikalimang palapag at take note ulit sinasamaan niya lamang ako ng tingin kapag nagrereklamo ako.

Nakatulog ako sa sofa habang nanonood ng palabas, nagising na lamang ako nang makaramdam ulit ng gutom. A minute after kong