Chapter 22

Balak niyang puntahan ang address ni Alison sa Batangas, sigurado na siya ngayon na umuwi ito sa magulang nito. Kaya lang naman siya nagtungo sa bahay ng ex nito sa pag-aakalang nakipagbalikan dito si Alison para sa bata. Sa natuklasan, hindi niya alam kung masisiyahan o magagalit nanaman. Batid niyang hindi ang ex nito ang ama ng bata, pero sino? Yon talaga ang gumugulo sa kanyang isipan. 

Simula kagabi hanggang kanina tinatawagan niya ang number nito pero unattended na iyon. Marahil inalis na nito ang simcard. Ngayon  ang nais niya ay makita ito, makaharap ito at marinig mula sa bibig nito kung sino ang ama ng bata. Gusto niyang maliwananagan para makapagdesisyon na siya. Ayaw niya iyong ganito, isip siya ng isip iyon bang tipong mababaliw na siya. Mahal niya si Alison pero masakit sa kanyang matuklasan na buntis ito sa ibang lalaki. Maya-maya'y tumunog ang kanyang cellphone,kinuha niya iyon at tiningnan ang tumatawag. Si Aling Dorry ang nasa kabilang linya.