Chapter 97: Patutsada

NILALAMON ng matinding pagkamuhi si Alyson na halos bumaon na ang mga kuko niya sa palad sa diin ng pagkakakuyom noon habang nasa itaas ng hagdan at lihim na pinagmamasdan si Geoff at ang kabit nito. Parang binabayo ang dibdib niya sa labis na sakit ng tanawing iyon. Hindi naman siya kalayuan sa kanila kung kaya naman naririnig niya ang anumang pinag-uusapan nila.

"Pero Babe—"

"Hindi mo ba ako narinig, Loraine? Wala pa ako halos tulog. Umalis ka na. Sa sunod na pupunta ka ay magpaalam ka muna. Huwag kang basta na lang susulpot na parang kabute. Naiintindihan mo ako?"

Pahikbi na noon ang mukha ni Loraine. Walang masabi sa biglang paggaspang ng ugali ni Geoffrey. Malalaki na ang mga hakbang pababa ng hagdan ay dere-deretso ng tinungo ni Alyson ang kinaroroonan ng dalawa.

"Bakit papaalisin mo agad ang bisita mo Geoff? Bakit hindi mo siya i-invite na kumain ng niluto mong breakfast? Ganyan ka bang tumanggap ng mga bisita?"

Natigilan si Geoff nang marinig ang sinabi ni Alyson sa likod niy