CHAPTER 1

Umiiyak na umakyat si Tamara nang makasalubong niya si Yaya Leng—ito ang Yaya ng kaniyang gwapong supling, na nag-aalaga 24/7. Ang paglabas nito ng silid ay tanda na tulog na kaniyang anak.

Nang makapasok sa silid ay agad na baupo si Tamara sa gilid ng king size bed ng kwartong inuokopa. Tinakpan niya ang kaniyang bibig upang pigilan na makagawa ng anumang ingay upang hindi magising ang kaniyang gwapong supling na mahimbing na natutulog sa crib.

Gavin Taylor Lorenzo.

Tamara and Galvin's four months’ son...

Sinapo ni Tamara ang kaniyang dibdib, matinding sakit na kaniyang nadarama. Nadudurog ang puso niya, hindi niya akalain na sa mismong anniversary nila malalaman niya ang napakasakit na balita.

Pinagtataksilan siya ni Galvin kasama ang dati nitong kasintahan na si Maris Keenly at ang mas masakit, magkakaroon na ito ng anak!

Pinakatitigan ni Tamara ang kaniyang baby na mahimbing na natutulog sa crib, ngayon pa lang ay nasasaktan na siya para dito, mas nadudurog siya na masasaktan ang anak niya.

Natigilan siya sa pag-iyak nang tumunog ang telepono na nasa kaniyang bulsa. Tinuyo niya ang kaniyang pisngi at ilang beses na huminga ng malalim nang makitang tumatawag ang kaibigan.

Mesande Lorenzo...

Maingat niyang binuksan ang sliding glass door upang makarating sa balkonahe. Bumungad sa kaniya ang malamig na pang-gabing hangin dahilan para magpakawala siya ng isang malalim na hininga.

Tipid siyang ngumiti at sinagot ang tawag. “H-Hello?”

[“Tam? Hello! Are you okay?”] Halata sa boses ni Mesande ang pag-aalala. [“H-Have you seen the news?”] May pag-aalinlangang tanong nito.

Kagat-labing tumango si Tamara na animo'y kaharap nasa harapan ang kaibigan at bahagya siyang tumingala sa langit upang pigilan ang maiyak.

“Y-yes...” Garalgal niyang tugon.

[“Oh my god! Tam, I'm sorry...”] Nagpakawala ito ng malalim na hininga. [“Nag-alala ako sa'yo ng makita ko ang balita! Kamusta ka ah? Gusto mo bang puntahan kita? Tam, sorry... Sorry, talaga!”]

Mesande Lorenzo is Tamara's best friends since high school. And also, Galvin's cousin. Lumaki ng magkasama si Mesande at Galvin dahil parang kapatid na ang turingan ng magpinsan pero hindi kukunsintehin ni Mesande ang pinsan sa kalokohan nito lalo pa't nasasaktan ang kaniyang best friend!

“For what, Mesande? Wala kang ginagawa. Salamat kasi tumawag ka, kailangan-kailangan ko talaga ng makaka-usap... Hindi ko na alam ang gagawin ko, sobrang sakit na...”

Kahit na mag-asawa na sila ay madami pa rin itong nagiging babae. Madaming beses itong nagloko, at madaming beses niya rin itong tinanggap! Sa lahat ng ginawa sa kaniya ni Galvin, ito ang pinakamasakit!

[“Tam, alam ko na wala akong ginawa sa'yo pero nahihiya ako sa mga ginagawa sa'yo ni Kuya Galvin! Wala na siyang ibang ginawa kundi ang saktan ka! Akala ko magbabago na siya dahil may baby na kayo pero hindi pa rin pala! Alam ko na mahal na mahal mo si Kuya, kaya ka nga nakakatiis ng ganiyan sa kaniya pero sana naman, Tam... Mas mahalin mo ang sarili mo, ibuhos mo na lang ang pagmamahal mo kay baby, huwag na kay Kuya Galvin na sinasayang lang ang pagmamahal mo.”]

Malapit na magkaibigan ang mga magulang ni Tamara at ang grandparents ni Galvin upang mas pagtibayin ang konekyson at palaguin ang salapi ng dalawang mayamang pamilya ay kasal ang kasagutan.

Ipinagkasundo na maikasal ang babaeng anak ng pamilya Alonzo sa apong tagapag-mana ng mga Lorenzo. Ngunit ang hindi alam ng dalawang pamilya ay may kontrata sa pagitan ni Tamara at Galvin!

High-school pa lamang ay may pagtingin na si Tamara kay Galvin dahil sa taglay nitong kagwapohan at karisma. Mahal na mahal niya ito noon pa man at mas minahal niya ito sa mga kwento ni Mesande kahit na palikero ito. Kahit na hindi siya napapansin dahil hindi tulad niya ang mga tipo nito, pinapangarap niya pa rin ang binata.

Kaya nang malaman niya ang tungkol sa kasal ay hindi na siya nagpatumpik-tumpik pa na sumang-ayon na maikasal kay Galvin dahil inisip niya na sa ganu'ng paraan ay matutuhan siya nitong mahalin.

Samantala, hindi naman lingid sa kaniyang kaalaman na ayaw ni Galvin na matali sa kaniya o sa kahit na sinumang babae dahil inisip lamang nito ang sariling kaligayahan!

Playboy don't do wife! They fuck and left!

Ngunit sa hindi inaasahang trahedya, namatay ang Lolo at lola ni Galvin sa isang aksidente. At makasalalay kay Galvin ang kinabukasan ng angkan nito dahil nasa last willing testament ng mga ito na ang kaisa-isang apong lalaki, ang tagapag-mana at mangangasiwa sa lahat ng negosyong meron ang pamilyang Alonzo. 

Upang makamtan ang titulong 'yon ay kailangan maging isa ang pamilya Alonzo at pamilya Lorenzo. Iyon ay ang kasal! Pumayag si Galvin na pakasalan siya ngunit may kontrata siyang pinirmahan dito na silang dalawa lamang ang nakakaalam...

“Anong ibig mong sabihin?” 

Nang maisip kung ano ang nais iparating ng kaibigan ay mas lalong nasasaktan si Tamara. 

[“Iwan mo na si Kuya Galvin! Divorce him!”] Isa iyong mapanghikayat na utos ni Mesande.

Iniisip niya pa lang na maghihiwalay silang dalawa. Hindi kayang gawin ni Tamara ang bagay na 'yon! Masyado niya itong mahal upang ipaubaya sa kerida. Tsaka hindi siya sigurado kung totoo ngang kay Galvin ang ipinagbubuntis ng babaeng 'yon. At kung may relasyon nga ang mga ito.

“Pag-iisipan ko, Mesande... Alam mo naman na hindi 'yon ganu'n kadali para sa akin dahil madami akong dapat na isaalang-alang sa desisyon na gagawin ko. Ayoko ng gulo, sana maintindihan mo ako...”

Maris Keenly is childhood sweetheart of Galvin! Alam niya ang tungkol doon dahil pasasaan pa at matalik niyang kaibigan ang pinsan nito kung hindi niya malalaman ang tungkol doon?

Kahit pa sabihin na ang babaeng 'yon ang minamahal ng kaniyang asawa ay isa pa rin itong kerida!

[“Tam, don't tell me magpapaniwala ka na naman sa mga kasinungalingan ni Kuya Galvin? Huwag mong sabihin na kapag itinanggi niyang hindi sa kaniya ang bata at walang namamagitan sa kanila ng babaeng 'yon ay basta-basta mo na lang siya papatawarin? Tam, wake up!”]

”It's our anniversary.”

[“See? Ang kapal ng mukha! Uunahin niya pa talaga ang babaeng 'yon kaysa sa anniversary niyo? God! Let me guess... Hindi pa siya umuuwi diyan sa inyo sa buwan na 'to! Tama?”]

“His coming tonight...” 

[”Tam...”] Labis-labis ang pag-aalala sa boses ni Mesande at alam niyang naiintindihan siya nito.

Pagkatapos niyang makausap ang kaibigan ay bumalik na siya sa loob ng silid. Sinilip niya muna sa crib ang kaniyang anak bago pumasok sa banyo upang maligo nang mabawasan ang bigat na kaniyang nararamdaman.

‘Iwan mo na si Kuya Galvin! Divorce him!’

Hindi mawala sa kaniyang isipan ang katagang 'yon mula sa kaibigang si Mesande. May parte sa kaniya na hindi niya kayang mabuhay na wala si Galvin, lalo na nang maisip na masyado na siyang maraming tiniis para kay Galvin, ngayon niya pa ba ito isusuko?

Isa pa, iniisip niya ang kanilang anak, hindi niya ipagkakait kay Baby Gavin ang kompletong pamilya dahil lamang sa niloloko siya ng kaniyang asawa...