CHAPTER 19 - EVENING GOWN

Matagal na nakatitig si Ciara sa dalawang damit na hawak niya. Hindi siya makapagdecide ng maayos kung aling kulay ng evening dress ang isusuot n’ya mamayang gabi. Pareho kasing magaganda ang pinili niya kaya nahihirapan siyang magdecide. Hanggang sa nagdesisyon na lang siya na bilhin ang dalawa para mas masukat niya ng maayos sa harapan ng salamin mamaya pagdating sa bahay. Kasalukuyan siyang nasa loob ng mamahaling boutique sa loob mismo ng Forbes Ayala Mall-ang pinakasikat na premium mall sa buong bansa. Siya lang mag-isa dahil iniwan niya si Clarence sa loob ng sasakyan nito. Sasama pa sana ito sa kanya kanina, ngunit biglang may tumawag sa phone nito kaya iniwan niya na lang muna. Nakapili na rin siya ng clutch bag, at ito na lang ang dalawang damit ang nahihirapan siyang pumili. Lumapit siya sa counter dala ang mga items na bibilhin niya.

“Wow, look who's here!” Napalingon si Ciara sa likuran niya ng marinig ang boses ng babae. Hindi nga siya nagkamali, kay Monica ang boses na n